لعب كرة القدم - ولاكن الان عندي اصابه بالركبه - دعواتكم لي بالشفاء
ثانيا السباحه . والغوص . الطيران الشراعي
القراءة - ولعب الشطرنج -التجول -تصفح النت - وتصميم الصور -اعشق المونتاج -افضل الافلام الدرامية والاكشن ( كـــــــوكتيل) - بالعربي اعشق الكمبيوتر
لدي لغة انقليزية بجوار اللغة العربية
احب الهدوء واكره الالفاظ البذيئة والسلوك الشاذ
اكره الخيانه وخاصه اذا كانت من قبل صديق عزيز
احب من السيارات المرسيدس
احب لعب تنس طاولة
اموت في المغامرات
اكره المزح الزائد كل شي له حد خفايف
يعني بالعربي خلينا حبايب على راسي وعيني
تلف تدور اكسر شوكك تمشي عدل احطك على راسي
يعني اني
لا تشيل هم هدره زايده
عالعموم الله يحيكم جميع في البروفايل بتاعي بس بالله ادخل
وصك الباب بعدك لأن الهواء البارد يذبحني + وأخاف من الإنفلونزا
اهم شي لا تنسى عصير ليمون بالنعناع

مرحــــــــ بالجميع ــــــــــــــبا

بسم الله الرحمن الرحيم
احمده حمدا كما يليق بوجهه وعظيم سلطانه
الحمدلله الذي علمنا مالم نعلم
الحياه مليئه بالدروس والعقبات
وهي ايضا مليئه بالحب والسلام
كم هي الدنيا جميله بطاعة الرحمن كم هي الدنيا جميله بالابتسامه
ورضى الوالدين الصداقه شيء جميل عندما تبنى وترص على قواعد من الحب
والتسامح والتضحيه وقد اعجبتني تلك المقوله التي تقول
ليست المشكله ان تضحي من اجل الصديق ولاكن المشكله اين هذا الصديق الذي يستحق التضحيه
يقال كان هناك صاحبان ذهبا للتنزه وكانا في نقاش فختصما فضرب الاول الاخر على وجهه
فكتب على الرمل صاحبي ضربني على وجهي ثم اكملا طريقهما
فعبرا من جسر فوق الوادي فسقط الاخر وساعده الاول فكتب على الصخر
صاحبي في هذا اليوم انقذني فتعجب صاحبه من فعله فساله
فقال عندما كتبت على الرمل فهذا يعني اني لا ابه بها فاعفو واصافح
اما عندما كتبت في الصخر فهذا يعني ان المعامله الحسنه وفعل المعروف فلا تنسى وتبقى خالده في الذاكره
ذاكرة الاخوه والمحبه
اساله سبحانه ان يرزقنا جميعا بالصحبه الصالحه

إذا نطق السفيه فلا تجبه .. فخير من إجابته السكوت
فإن كلمته فرجت عنه .. وإن خليته كمدا يموت

إذا سبني نذل تزايدت رفعة و ما العيب إلا أن أكون مساببه
و لو لم تكن نفسي علي عزيزة لمكنتها من كل نذل تحاربه

قالوا سكت وقد خوصمت قلت لهم .. إن الجواب لباب الشر مفتاح
والصمت عن جاهل أو أحمق شرف .. وفيه أيضا لصون العرض إصلاح
أما ترى الأسْد تُخشى وهي صامته؟.. والكلب يـُخسَا لعمري وهو نباح

يخاطبني السفيه بكل قبح فأكره أن أكون له مجيبا
يزيد سفاهة فأزيد حلما كعود زاده الاحتراق طيبا

في عمر الزهور كان عمري تقريبا 6 سنوات وكان الوالد مدرسا في المدرسة الابتدائية وكان يدرس طلاب المرحلة الأولى "الله يعينا عليه" يعني ديكتاتورية ما سلمنا في البيت فيلحقنا في المدرسة
المهم أخذني الوالد للمدرسة عشان أشوف الطلاب والمدرسين والمدرسة (من زود الحرص)
وقعد ماسكني بيدي ما فكني ( حسيتني مطلوب أمنيا ....... كلبشات يعني ) وإذا جوال الوالد يدق ( دريم دريم دريم دريم) طبعا الوالد مسوي ثقيل ( الو .... من معي ) وكان جواله احسن ما فيه انه يفقع مسامعك من قوت السماعات
( كان عنيد 4 ) لا وعاد كان يصمقني كل ما طفش استقعد على لعبة الثعبان ( يا حسرة ابيض واسود) الله قديمك نديمك وين عاده ذالحين ذالجوال اتوقع في المتحف ذكريات
ما أطول عليكم كان الإتصال مهم وأنقلب وجه الوالد قمت أفكر ........... وش القضية .. وش فالوالد تغير .. انتبه ( يا المحقق كونان ) فانطلق ورماني ( الله يالدنيا غير كان خذاني معه اسبير )
رماني على مدرس الرياضه وقاله امسكه لين آآآآآآآآآآجي .. جلست مع الطلاب ( حصة رياضه )
واصمقنا ذالمدرس بالمقولة هذي .. العقل السليم في الجسم السليم .. ليتكم شفتوه الكرشه 2 متر قدام ومسوي فيه حكيم ......... بيني وبينكم ما أرتحت وخفت عالوالد قلت لابد أن أبحث عن الخيط اللي يوصلني لحل القضية ( متأثر بافلام المحقق كونان ) انطلقت وخرجت من المدرسة بدون ما يلاحظني أحد ( وشرايكم اصلح في عملية سطو بنك ) والاغراض التي كانت معي
( علبة علك باطوق .. كيس فاين .. مغاطات ) اتوقع هذي بتكفي في عملية البحث ومشيت باتجاه الشارع العام
وفي الطريق مرت من أمامي سياره في اعتقادي ددسن ( وكانت في حالة يرثى لها )
كانت تنقز ( حسيتها مشاركة في الومبياد اثينا ) ولا اللون ......... فيحتاجلها اعادة تهيئة
ولا صوت مكينة السيارة ( تقولون طياره مقلعة من حولك )
ويوم شافني الوالد حط النظاره عشان يتأكد (معليش خطأ مطبعي الوالد ما كان معه نظاره .... نظره 6\6) مسط ابريك حتى اني رحمت الزفلت اللي كان يمشي عليه ( حفره حفر) ونزل طبعا
حسيت اني اقص لكم الحلقة الأخيرة من من مسلسل ..... المهم جاني هرولة وهو ينادي ويقول ... ولدي .. ولدي وانا في قمة الفرح ( طبعا ألتم الشمل ) وأول ما وقف عندي كنت متجهز عشان يضمني ......... اعطاني كف .. كف .. خذيت لفتين مكاني ثم شلني
كأني جريدة الوطن وركبني السياره وأنا قعدت ( أعيط .. أعيط) من بعدها حلف ما عاد يخليني مع أحد المدرسين والمشكلة إنه إلا الآن وهو يعايرني بها ..... تطلع من المدرسة تدور
هاه .. هاه .. هاه
هذي كانت أحد المواقف
ارجوا تكونوا استمتعتم معانا ...... ترقبونا في الحلقة القادمه
بقلمي

( يا فرحة .......... ما تمت )

طبعا الجميع بدون استثناء ...... أكيييييد حصلتلكم مشاكل أو مقالب في الحياة وأنا ( محدثكم )
صار لي الكثير ومن ضمنها أتذكر على أيام الجامعه ( دوام واجتهاد وكشخة وهيصة وفلة )
وعلى ايش يا حسرة ....... وحنا الطلاب تحصلنا يوميا عند الصرافه ( نشيك نزلت المكافئة ولا لا ...... يعني وش تتوقعون حالة العزاب ) الفطور نحمد الله ونشكره .... تونه وزيتون....وعذرنا الوحيد ..نسوي رشاقه.. وين رشاقة وانت ظهرك ملتصق ببطنك . والعطر من أحسن الماركات ..تنبيه......
لا تسألوني ايش اسم الماركة بصراحه (جاني هدية وأخوله ...ترجمة : أخوله ... اقلل استخدامه ...لي وللزمن ...... أما الملابس ( فحدث ولا حرج ) أول ما تخش الشقه تحصل
على يمينك ويسارك 2 بوديقارد .....غلطان يا خوي ... هذولا الملابس متراصه فوق بعض ترقب حد يوديها المغسلة
نصيحة لكل عزابي ...لاتتزوج ترى العزوبية فلة ووناسه..
لا حد يصدق ... الزواج نعمه
المهم .. داومت في أحد الأيام ( مسوي مجتهد ) وكان عندنا اختبار بالمساء عالساعه 5 العصر وكان الاختبار
وناسة من جد ...كلها الأسئلة انقليزي .. طبعا قريت الأسئلة من باب المقولة التي تقول ..فهم السؤال نص الإجابة .. أنا بصراحه خذيت بالمثل هذا وسويت شغلتين
الأولى : قريت الأسئلة الثانية : حطيت كل سؤال مكان كل اجابة ( نسخ لصق ...... شوفوا شغل الدوافير ولا خليت ولا سؤال) فاهم الدرس .. اللهم لا حسد .. طبعا اثناء الإختبار وصلتني رسالة على الجوال وكانت النغمة اللي هي نغمة الرسائل
..يا طويل العمر .. لديك معروض عند السكرتير ..... هل ترغب بالإطلاع عليها..
(طبعا هذا البريستيج تبعي ) سؤال ؟ النغمة مميزه .... صح ... ولا لا ... أكيد كلكم بتقولوا صح
المهم ... بدون تقليد .... لو سمحتوا خلوكم عالنغمة العادية
فتحت الرسالة وإذا هي من عند واحد من الشباب اللي عندهم بريستيج نفس البريستيج تبعي
..وتقول الرسالة ..( حبيبي المكافئة نزلت .............. لا تنسى البشاره )
طبعا متعودين اللي يشيك عالصرافة ويحصل المكافئة نزلت يبشر البقية ونعطية البشاره
وش تحسبون ..البشارة ببلاش لا والله 100 ريال تنخصم من رصيدك ..المهم أنا حطيت الورقة بعد ما قريت الرسالة على الطاولة ..وعينك ما تشوف الا النور..طوالي على أقرب صرافه
ولله الحمد نزلت 1000 ريال 100 ريال البشاره حقت خويي اخصموا واحسبوا معي باقي 900 ريال صح ... ولا لا .. طبعا المغسلة كل يوم وأنا أتخشخش منه عشان 50 ريال رحت وعطيته
ركبت السياره وكان على بالي أفلها ذاك الليل
بلياردو ( وسع خاطرك ) ... جمبري ( من أجل التهيأ للزواج يمدحونه) ...... وعصير ديو ( قوي ألبك)
المهم ركبت السياره نوعها : كابريس ( طبعا أول ما تشغل السياره تحس المكينة بجنبك من صوتها ....ولا الرديتر كلما ارتفعت حراراته صفطت وكمدته.... ولا الأنوار ولا واحد شغال .. بصراحه السيارة ( المواصفات فل الفل ما ناقصها غلا تهرب زيت )
وعالعموم اللي حاب يشتريها بيحصلها موجودة في المزاد ( جرب حظك ولا نصيحه انفذ بجلدك)
المهم ... كالمعتاد احط المفتاح في السويتش وأشغل السياره وامشي على طول ........ ولاكن الفاجعه والمصيبة إن السيارة رفضتقطعا وإطلاقا وبتاتا انها تتحرك
عل المواصفات اللي سمعتوها أول أقول الحمدلله وأحب ايدي وجه وقفا ... ( الحين ايش اسوي )
رحت وجبت السطحه ورحت الصناعية ( مستشفى السيارات ... تدخل مليان ... وتطلع منسم )
وجلست في الصناعية حتى منتصف الليل كلها المحلات قد سكرت الا هو ( مقاحره يا أنا يا هو )
وخلال هذا الوقت وأنا في الصناعية كنت أكلم نفسي أصلا اللي يجلسفي الصناعية ( الوسوسة بتجيه بتجيه ) ....... الله لا يعوق بشر أما الكشخه والطبزه فلا تسألون
أما الريحه ( فريحة زيت قير ....... ولا ومحروق بعد ) والغتره المكوية ( قدهي عصبة فوق الراس )
والجنتل والنظافه ( فالثوب ألوان زيت على غرى على شحم أقول ايش وأترك ايش ( تخليت نفسي في فيلم رامبو ما ناقصني الا خطين في الوجه ......... ) والعشاء
والفلسفه تيك ....... أصبح خبر كان ...... يمدحون ( العدس والتميس ) على شاهي لا وأزيدكم من الشعر بيت أعطاني العامل خيارات ( يقول شاهي ساده ولا شاهي برغوة) يبغى يضحك علي .... بس ما ألومه من يوم شاف شكلي
المهم ... تقريبا الساعه 11 المساء خلصوا من السياره
ودفعتلهم المكافئة كاملة وانا اردد ( يا فرحه .......... ما تمت )
ومسكت الخط أبي أنام من الحوسة اللي حستها ( من قوة الراوقه اللي جتني تخيوا معي مشيت بالسياره الى البيت بسرعة30 كيلومتر في الساعه
والمسافه تعتمد على السرعه وبالنظر الى قانون نيوتن
وين دخلنا حصة فيزياء .. سوري .. سوري .. ما قلتلكم فصلت خط عاد وش اسوي المكافئة راحت طارت الطيور بأرزاقها
وأم كلثوم اللي ما كنت أسمعها سمعتها ذاك الليل كاملة ( أغنية الأطلال )
لا واللي زاد الطين بله ... اني عالسرعه هذي قطعت اشارة ( ما كان فيه أحد ) الشوارع فاضية ... الكل نايم ..... واذا بالمرور السري والبراقات تشتغل ( احمر .. ازرق .. احمر .. ازرق )
قاقاق .. وقف على جنب
اصلا قد وقفت من يوم شفته وراي .......... ماهي خربانه ... خربانه
نزلت وشرحتله وضعي مع قليل من الدموع ( دموع الغبنه ) وعلى طاري الغبنه ... ما عندكم سلف 100 لآخر الشهر
المهم ..ويوم خلصت من كلامي ..... ( ورق لسماع قصتي العسكري ) قال مقولته الشهيره
اذهب رعاك الله .... وهكذا اكملت مسيرتي أنا والليل مع صاحبة المنديل ..أم كلثوم..

حسي فيني

مما رااااااااااااااااااااااق لي

أكيييييييييد الجميع مستغرب من العنوان بس القصة وقعت بالنص هذا
في يوم من الأيام مدري " الخميس أو سادس أيام الأسبوع ماني متذكر " طبعا كعادتي بعد العصر قبل المغرب آخذ لي تمارين سويدية ( لا حد ياخذ في نفسه مقلب )
بيني وبينكم " زاد وزني وأنا خفت على نفسي أن لقب الرشاقه تروح مني في البيت " فعشان كذا كنت أتمرن
طبعا بعد التمرين المكثف " لا حد يصدق " ما كملت حتى 10 دقايق
تعبت مقدرت أواصل .......... رحت البيت اسدحها نومه_ يعني "أضع رأسي على الوسادة"_ " نوم العوافي"
الله يعافيكم ....... ريحت وأنا في مخيلتي كوب موية بارد بس "بس ماعاد فيني حيل "يعني نشاط
قلت أنادي على أختي الصغيره " أنفخ ريشي عليها "
لاكن اللي أكبر منها مقدار عليها مع إنها أصغر مني لاكنها جامده " والله يسترلا تاتي زوجتي مثلها" المهم .......... مدري ايش اللي خلانا نشطح ....... ولا ايش لنا وايش للزواج.......... ملحوقين عليه .....
ناديت أختي وقلتها " واحد كوب مويه ... لوسمحت ........ طلعت أخلاق ..... صح ولا لا"
قالت معليش مع نبرة سخيفة ........ كلمني بالعربي
" ليه وش كنت أتحاكى قبل شوي ......... أوردو مثلا "
قلتلها بالإنقليزي عساها تفهم "please , i want one glass cold water"
أبشركم فهمت أخيرا وراحت ما قصرت وجابتلي كوب المويه
طبعا .... كنت على ظهري منسدح " ما يحتاج اترجمها عاد خلاص عرفتوها"
الكوب كان حديد .... يعني ما أشوف الي بداخله ....... وأنا ما صدقت على الله إنها جابته وبسمك رحمن "شربت المويه كامل........ قاق قاق قاق قاق " بالعافيه
وبعد ما خلصت " الا وعيوني قلبت ....... وصرت أكح كح بزيادة "كأني سيارة مكربنه" وحمر وجهي"
رحت أقرب برميل وكبيت نفسي فيها ..... أيها الساده ..... حضرات المستشارين
تدرون وش حطتلي في الكوب "كرولوكس" مدري هو مقلب ولا من جد
أصلها من يوم قالت تحاك عربي "عرفت إن فيه مصيبة بتصير "
والله أختي من بعدها ....... أرتاحت ...... ما صرت أنادي عليها ........ اطلاقا وبتاتا ومستحيل
"أخاف على نفسي " .... لا تجيبلي في المره الثانية"فلاش "الحمدلله ... عدت على خير

( عشق منذ الطفولة )

[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]


يررررررررررررررررررررررررررحم أمك ...................... خلاص
تراك أصمقتني
.... شعر .... شعر .... شعر ..... شعر ....
خلاص .................................... ارحمني
أبو الطيب المتنبي وحفظناه ........ قيس الملوح وخطبنا له .......... أحمد شوقي وسوقنا معاه
شاعر المليون ....... وسويناله قناه
.......... ااعطيني اجازه اليوم .........

حبيبتي
احبك الله يقطع شكلك

حبيبتي
احبك الله يخلف على اهلك

انا بدونك
زي الشارع بدون اناره
زي التقاطع بدون اشاره
زي العربجي بدون حاره
زي السلطه بدون خياره
زي السواق بدون سياره
زي الددسن بدون غماره
زي السياره بدون استماره

زي الصحراء بدون بعير
زي بوش بدون بلير
زي السياره بدون قير

زي الحفله بدون كيك
زي الدباب بدون بريك

زي توم بدون جيري
زي جبن نوعه كيري

زي الخبل بدون خبله
زي عنتر بدون عبله

آآآآه.....

انا النار وانتي الدخان
انا الزلزال وانتي البركان

انا بدونك اضيع
انا بدونك بالشوارع اصيع
انا بدونك زي الخروف من غير قطيع
انا بدونك ماني فظيع
ليش ماني فظيع؟؟؟

لاني راح اشب طراطيع
انا بدونك الدمام من غير هاف مون

انا الكهرباء وانتي الليت
وانا مارق مريت

جمب ابواب البيت
وش عندك عند ابواب البيت؟
عشان لك حنيت
انا روميو وانتي جوليت

انا بدونك مافيه واجد قرقر كلام
انا في يبغى يكون مال انا مدام
انا في يبغى يسمع يقول انتا سلام

انا سوبرمان وانتي طيارته
انا باتمان وانتي سيارته

انا عشانك اشتغل تاكسي
انا الميراندا وانتي الببسي

انتي القشطه وانا الزيتون
انتي نعناعه وانا ليمون
انتي الجزيره وانا سبيس تون
انتي بومبا وانا تيمون

انتي العراق وانا صدام
انتي الهند وانا الافلام
انتي الشكمان وانا الصّدام

انتي القمر وانا الشمس
انتي اليوم وانا الامس
انتي الصوت وانا الهمس

انتي الكليجـا وانا القصيم
عشان حبي لك بالصميم

انتي الثلاجه وانا الفريون
انتي الريموت وانا التلفزيون
انتي السماعه وانا التلفون
انا من غيرك ما اعرف مين اكون

يااا احلى من بنات امسترادام
انتي جوليا وانا فان دام

يا اجمل من بنات المغرب واليونان
آآآآآه ليتك بنت الجيران
انا لعيونك اغلب جاكي شان
واعبر المحيطات والخلجان
واهجد البعاريين والضبان
وادمن عالجريش والقرصان
واسمع بشير حمد شنان
واصارع في حلبة الثيران
واحترف الكيرم واشب النيران
يا احلى من شاكيرا وبرتني وكريستان
انا قليبي مشتعل نيران
شربت حبك وصرت سكران
ما يفيد معه النكران

آآآه .. انا وانتي احلى معنى للحب
انا المتر وانتي الشبر
ليش انتي الشبر ..؟؟؟

لان حبي لك هالكبر
لااا حبي لك كبر كثر موج البحر
حبي لك كثر مافي العالم قهر
كثر ما في عمان سحر
كثر ما في الحساء تمر

كثر ما يلبسون البنات حرير
كثر مافي القطيف جرجير

كثر مافي لبنان بنات حلوات
كثر ما عند الوليد يختات

كثر مافي هولندا ورود
كثر مافي امريكا يهود

كثر مافي الصومال مجاعه
كثر مافي لبنان صياعه

كثر ما تخيلت اني طرزان
كثر ما بوزيدان طلق نورمان

كثر ما الصيف عندنا حار
كثر ما عبر بن بطوطه البحار
ياكثر ما نويت الانتحار

ااااااه ... احـــبــــك

مما راق لي