|
قرار يهم اعضاء المنتدا عامه
[poem=font="simplified arabic,6,blue,bold,italic" bkcolor="transparent" bkimage="" border="solid,4,gray" type=1 line=1 align=center use=sp num="0,black""]
بيان المنتدا صادر وتقسيمه على الاعضا=وزارة داخلية منتدانا غير عاديه ومرسوم الكلام الزين لازم تحته الامضا=وانا با امضي على كل القوافي دون رجعيه سلامي عد ما لاح السحاب وثار به ومضا=على كل الرجال اللي لها التقدير ماريه تذبذب هاجسي ما بين رفع القول والخفضا=وتعبير الحكي هلت حروفه زي وسميه بعد ما ثار قلبي وانتفض في داخلي نفضا=تحاميت الكلام الزين وانتجته بحنيه اطالب والطلب ماهو على اهل المنتدا فرضا=طلب في وهبة الهباش اشرافات اداريه على القسم الذي شد العرب للبوح واللفظا=محاورة الرجال اللي لها جاه ووجاهيه وللتصويت في ذا الامر روح المنتدا يقضا=وانا با اسوقها بشرا على الاعضا علانيه عسى بس الاداره والعرب فالمنتدا ترضا=نزف الك التهاني يا فهد من صادق النيه واشوف ان الشعر بالطول والا كان بالعرضا=يبا له شاعرِ تسمو بفزعاته قوافيه امير انا با اصوت له بدون اهتم فالرفضا=يكون اشراف قسم الشعر تحت ايديه رسميه وبالتصويت والشورا نحوز موافقة لاعضا=واشوف المنتدا من بعد ذا ميه على ميه [/poem] |
رد: قرار يهم اعضاء المنتدا عامه
أرحب ياناصر قصيدة جزلة وصح لسانك يالقرم
وابن هباش يستاهل هو والامير أمير كل علمٍ غانم كم طاب لي بأن أكون أول من يعانق هذه الرائعة |
رد: قرار يهم اعضاء المنتدا عامه
االله االله مجمـل ي نآصـر ولاهوب غريب
وأنششششهد رجـآلآ كفـوو شروآك ويستـآآهلون كل علمـ/ن طيب وصوتي لهـم :) |
رد: قرار يهم اعضاء المنتدا عامه
موافق موافق موافق موافق موافق موافق
صح الله لسانك يا ناصر وبيض الله وجهك ويستاهل فهد الهباش |
رد: قرار يهم اعضاء المنتدا عامه
بيض الله وجهك ياناصر علمك غانم
ونعم بمن رشحت فهد وأمير مواقفهم تشهد لهم. والقرار الأول والأخير في يد قائدنا{ابومشاري} ومانقول إلا سمع وطاعه. تحيآآآآتي للجميع. |
رد: قرار يهم اعضاء المنتدا عامه
لاهنت وبيض الله وجهك
ياناصر وافي وجزل |
رد: قرار يهم اعضاء المنتدا عامه
اشكر جميع من مر واشكرهم على موافقتهم
وتصويتهم والموضوع غير اجباري هذي وجهة نظري فمن راا غير ذالك فل يطرح ما في جعبته وصحت ابدانكم تحياتي للجميع |
رد: قرار يهم اعضاء المنتدا عامه
بيض الله وجهك ياناصر
ودوم وانت للخير سباق وكل ماتطرح له ميزه وتسلم واخوي فهد يستاهل كل العلوم الغانمه ولايهونون الجميع ربي يسلمك من غذاب النار |
رد: قرار يهم اعضاء المنتدا عامه
مااتوقع ان الادارة تلاقي اطيب من ابو هباش
يستاهلها وانت كذلك تستاهلها لاهنت وصح لسانك |
رد: قرار يهم اعضاء المنتدا عامه
ارحب يا ناصر تراحيب المطر....
وافي وجزل.... يكفيك ان كلامك شعر.... بكل ناكيد ان الاشراف على منتدى يصخر بنجوم شعر مثلك وشرواك من شعرائنا المميزين هو تكليف وتشريف ..... ان حصل وكنت مشرف فالله يقوي عزومي ويجملني مع اهل الجميل شرواكم... وان لم يحصل فيكفيني اني متواجد معكم وهذا هو الشرف والفخر بحد ذاته..... واما أمير فاكيد صوتي له وابصم بالعشر بعد.... تحياتي يالذيب مرة أخرى لك ولكل الأخوان والأخوات هنآآآ |
رد: قرار يهم اعضاء المنتدا عامه
بيض الله وجهك ي ناصر و فهد و امير يستاهلون و الله و نعم .. مهوب سمع لهم لا كن كلمه و في ما جوبها ..
الشي الثاني .. لو انك طرحت الفكره في بريد الاداره افضل .. الدعوى ما يبي لها تصويت كثر ما يبي لها درايه و وجهة نظر من زوايا معينه .. لا كن انكان الدعوى تصويت انا اول من يرشحهم .. صح الله لسانك ي الجزل و لا هنت .. |
رد: قرار يهم اعضاء المنتدا عامه
اقتباس:
انا والا فهد ياهل الشعـر في المنتــدى نحظا .. مع الشعـــــار نحظا بالجزال اليوم شعبيه وانا صوتي لابو هباش ماوقّف ركض ركضا .. مدام اليوم ناصر مارضى لاشراف عانيه ابو هباش شاعـــر قرم لو هو منشغـل يفضا .. ويكفيه اختيــاره صار من سلطه حكوميه ولكن ودي اتضلل حرقنـي نـــــار ذا الرمضا .. واقول اللي بقلبــي ياعرب وانا تحت فيه اذا تبغون قسم الشعر بين الصــون والحفظا .. يعوّد ناصــر لمنصب فراغـــه مالقى زيه |
رد: قرار يهم اعضاء المنتدا عامه
بيض الله وجهك ياناصر على كل حال .. يعلم الله ثم يعلم الله انك تستاهل المشرف على قسم الشعر بدون منازع وبدون عنصريه وياليت لو ترجع للاشراف كما كنت سابقا لأنه لا يوجد مشرف لهذا القسم .. اما فهد الهباش يستاهل الاختيار من مديرنا الغالي ابو مشاري كمنسق للمحاورات ويستاهل ايضا الاشراف على قسم المحاوره والعرضه وهو كفو لذلك ولا يحتاج الى شهاده مني فالمعروف لا يعرّف ..
اما انا لست بكفو للإشراف وانا عارف نفسي ( رحم الله امرئ عرف قدر نفسه ).. بيض الله وجهك ياناصر مجددا وتقبل مروري البسيط .. |
رد: قرار يهم اعضاء المنتدا عامه
صـــــــــــــــــح لسانك
وفهد يستاهل |
رد: قرار يهم اعضاء المنتدا عامه
اشكر جميع من مر من هنا
واشكر التجاوب ومبروك مقدم يا فهد اما انت يا امير صح لسانك والله لا يهينك على التواضع اما انا فلا استطيع القيام بمهمة الاشراف وقد سبق الخوض في هذا الامر فارجو من الاداره ان ترا الرجل الانسب تحياتي للجميع |
رد: قرار يهم اعضاء المنتدا عامه
صح السانك يا ناصر
والله انهم يستاهلون الاشراف امير و الهباش و المفروض الشعر يشرف عليه اصحابه لا هنت يا ناصر و صوتي لفهد الهباش القحطاني و لا هان امير |
رد: قرار يهم اعضاء المنتدا عامه
::
صح لسانك أخوي ناصر.. أبيات جزله ومن شاعر جزل وطلبك أبد ع العين والرأس ويستاهل فهد الهباش كل خير..وكلكم مافيكم قصوُر إن شاء الله وتقديراُ لطلبك ولـ جهوُد الأخ الغالي فهد سـ يتم تعيينه مشرف على قسم المحاوره والعرضه لاهنت ناصر وبالتوفيق للجميع |
رد: قرار يهم اعضاء المنتدا عامه
الف الف الف الف
مبروووووووووك ي الهباش .. وعسى الله يجملك و انت مجمل .. بيض الله و جه الشريف ولا يهونون اللي تجاوبو مع النداء .. |
رد: قرار يهم اعضاء المنتدا عامه
ماشااااااااااء الله
حلوووهـ منك ي ناصر وفهد والله يستاااااااااهل وهو كفولها يـــلا نبارك لـ فهد ونشكر ناصر+الاإدارهـ الله يحفظكم يارب |
رد: قرار يهم اعضاء المنتدا عامه
اهلين وسهلين يالغالين
اولا: الله يبارك فيكم على كل الاحوال والله لا يهينك ياناصر مجمل يالغالي والادارة واخوي الغالي احمد المدلولي بيض الله وجيهكم ومجملين ثانيا: حقيقة ان الاشراف هو تكليف قبل ان يكون تشريف ما نقول ما حن قدها ولكن اقول بما انكم انتم اللي اخترتو فطلبكم ع العين والراس وما اقدر ارفض طلب لاي شخص في هذا المنتدى بالذات ولكن مقدما قد يحصل الخطأ والتقصير فلن اقول هنا سوى اعذروني مقدما ان حصل خطا او تقصير... وعسى الله يجملنا مع اهل الجميل يارب.... |
رد: قرار يهم اعضاء المنتدا عامه
تستاهل يابن هباش
الرجل المناسب في المكان المناسب ومن زود بزود ان شاء الله الله يقويك |
رد: قرار يهم اعضاء المنتدا عامه
فهد يستاهل كل خير رجل وكفو وعلمه غانم
وعقبالك ياقاصد يوم المنى اشوفك بالاشراف |
رد: قرار يهم اعضاء المنتدا عامه
فهد الهباش الف الف الف مبروك
والله لا يهينك ومعذور مهما حصل والله لا يهين الاداره على الاستجابه واشكر كل الاعضاء الذين ساندو تحياتي للجميع |
رد: قرار يهم اعضاء المنتدا عامه
الشاعرناصرالشريف قصيدة راااائعه واما الشاعرين اللي ذكرت هم لها واهلها
لامن الاستاذ المميزالشاعراميرالشريف ولامن الاستاذ الشاعرفهد الهباش كلهم ونعم ونعم ونعم وموافق الى مالانهايه تقبل خوي ناصر مروري وصح لسانك |
رد: قرار يهم اعضاء المنتدا عامه
ياناصر اخجلتنا وسبقتنا في اختياراتناا ..
أنت سباااق للعلوم الغانمه .. وكل من ذكرته في هالاابيات الشامخه يستاهل .. وكل من مر من هنا يستاهل كل خيرر واحترام وتقدير .. يعلم الله اني ما اعتبر هالصرح الا صرحكم .. وانتم الاداره فيه .. وحناا طلباتكم نجيبه وهذا تشريف لنا . والاخ اميررر يكفي ان له من اسمه نصيب .. وعدم رغبته في الاشراف تعتبر خساره لنا .. وااتمنى يراجع نفسه .. ويراجع الاخ ناصر نفسه الان الاثنين عينين في راس واحده وافتقد قسم الشعر والشعراء ناصر الشريف مسبقاً وكذالك وسيفتقد امير الشعر اللي اتمنى ان يكون ضمن طاقمنا الاداري .. بالنسبه للاخ فهد الهباش ... اسمه هو المقدمه والعنوان والتفاصيل .. لا يحتاج ان اكتب فيه شي .. فقد سبق وطلبت منه استلام قسم المحاوره .. وهو بادر من قبل الطلب ورحب من بعد الطلب .. وانا اعلم انه من الاشخاص اللي اعتبرهم المؤسسين لنهضة هالصرح وارتقاءه .. ففهد قد احرجني .. فكل ما اريد ان ارد الجميل والعطاء بالاحسن لم اجد .. وعندما اريد ان ارد بالمثل .. اجد الهباش متفوق وبعيد المدى . . فتنصيبه اشراف لقسم المحاوره والعرضه .. هو تشريف لنا .. واضافه والله يوفقه ويعينه وهو يستاهل كل خيرر انسان محبوب من الجميع . وان شاء الله يجد استجابه من الشعراء عامه وشعراء المحاوره خاصه .ز لا عدمناك يافهد ولا عدمناك يالامير .. وكذالك انت ياناصر .. فكلكم اخوان ونفتخر فيكم وفي تكاتفكم واخوتكم والشكر كل الشكر لكل من مر من هنا لاخلا ولا عدم .. اخوكم ابو مشاري |
رد: قرار يهم اعضاء المنتدا عامه
ألف ألف ألف مبرووووك اخوي فهد
الرجل المناسب في المكان المناسب تستاهل الطيب وأنت كفؤ و أهل له أرق التحايا موصوله لإدارتنا الموقره ولصاحب الفكره. تحيآآآآتي للجميع |
رد: قرار يهم اعضاء المنتدا عامه
الف الف مبرررروووك يالهباش..
يعلم الله إنك تستاهل كل خيييير.. وعؤافي ناصر وماهي غريبة عليك يابن الاجواد.. والشكر موصول للإدارة على حسن الاختيار.. |
رد: قرار يهم اعضاء المنتدا عامه
صح لسانك ياناصرررر والاخوان يستاهلوون كل خيررر
ولنا موعد عندك يابن هباش فالمحاوره عطنا الجدول ض25 |
رد: قرار يهم اعضاء المنتدا عامه
الف الف مبرووك للآخ فهد
تستآهل كل خيير والله يوفقكـ والشكر موصول للآخ نآصر والآدارة الموقره |
| الساعة الآن 09:32 AM |
Powered by vBulletin® Version 3.8.12
Copyright ©2000 - 2025, vBulletin Solutions Inc