|
يـــآ لـــيـــل
السلام عليكم ورحمة الله وبركاته الله يصبحكم بالخير ومن العايدين قبل الزحمه وكل عام وانتم بخير حبيت اتواصل معكم بهذه الابيات ارجو ان ترتقي الى ذائقتكم يا ليل وشبك ما معك رحمه على بعض الجرآح ــــــــــــــــــــــــــــــــــ اللي بعضها في صميم القلب قدهو مستوي ويا كبدي اللي ما يبرد غلها شرب القرآح ـــــــــــــــــــــــــــــــــ كن القرآح اللي يداوي الروح يكويها كوي ويا عيني اللي كن تحت اهدابها سمٍ ذحاح ـــــــــــــــــــــــــــــــــ أونس اذا غمضت جفن العين حرقآت الضوي ويارجم ياللي صوب مرقآبك تعودت المرآح ـــــــــــــــــــــــــــــــــ حتى لو ان مبداك نسمع فيه سرحآن يعوي ما سدني منك ظهور العولمه والانفتآح ــــــــــــــــــــــــــــــــ غديت لي من سبة الازمآت والضيقه خوي ويانور عيني يا منآة الروح يا ظبي البرآح ـــــــــــــــــــــــــــــــ يا كآمل الاوصاف والتوصيف يا عين خلوي ياشوف برآق من الوسمي بعرض الغيم لآح ــــــــــــــــــــــــــــــــ ياريحة الزملوق يوم اسقآه همآل تلوي ماترحم اللي في بعادك راح وقته ما استرآح ــــــــــــــــــــــــــــــــ تلعب به الافكآر والهاجس على قلبه قوي أجنب العربان من وقت المغيب الى الصبآح ــــــــــــــــــــــــــــــــ من خوفتي لحدن يلاحظني وانا ماني سوي وان مازحوني قمت اجاملهم بضحكي والمزآح ــــــــــــــــــــــــــــــــ وانا بصدري شي مما صار يزويني زوي اقفى مثل ما يقفي القرناس في صلف الريآح ـــــــــــــــــــــــــــــــ يطرد خريشٍ عآزمه والقاع يطويها طوي تعبت وانا الوح بالتلوآح واجر الصيآح ـــــــــــــــــــــــــــــــــ وارقب على المشراف و أوقف ثواني و آهوي ومن عقبها وانا بصدري يابعد عمري جرآح ــــــــــــــــــــــــــــــــــ اكنـها مـع انـها فـالـيل تـكوينـي كــوي وسلامتكم يالغوالي |
رد: يـــآ لـــيـــل
صبحك الله بالنور والسسرور َ
وكل عآآم وأنت بألف خير صصح لسسآآآآنك ع هالبآآآذخه ي مبـدعَ رآآآقت لي ججزيل الششككر َ |
رد: يـــآ لـــيـــل
ويارجم ياللي صوب مرقآبك تعودت المرآح ـــــــــــــــــــــــــــــــــ حتى لو ان مبداك نسمع فيه سرحآن يعوي ما سدني منك ظهور العولمه والانفتآح ــــــــــــــــــــــــــــــــ غديت لي من سبة الازمآت والضيقه خوي الله يشويييييييييييييييييك :( صح لسانك يَ محمد على هالجزله والغير مستغربه منك ،، لاهنت لاهنت |
رد: يـــآ لـــيـــل
الله الله يامحمد
هالقصيده راح احتفظ فيها بعد اذنك يالقرم استمتعت بقراءتهاا وقراءته مره ومرتين وثلاث ولا شبعت منها له دررك يالقرم ولا خلا ولاعدم هذا اللي تعودناه منك اخوك ابو مشاري |
رد: يـــآ لـــيـــل
يشهد الله انك شاعر مميز
وانا مثل ابو مشاري راح احتفظ بها لانها تستاهل وانت تستاهل حبة الخشم تحياتي يالغالي |
رد: يـــآ لـــيـــل
تعبت وانا الوح بالتلوآح واجر الصيآح ـــــــــــــــــــــــــــــــــ وارقب على المشراف و أوقف ثواني و آهوي ارحب يالمري صح السانك يالغالي ابيات قمه في الروعه تسلم عليهاا تحياي وشكري لك مررت |
رد: يـــآ لـــيـــل
مايحتاج شهادة يامحمد
تعرف شهادتي فيك وانت اصلا موب في حاجة شهادتي الله لايهينك والنص راقي بكل ماتعنية الكلمة اكيد بننتظر جديدك جعلك تسلم |
رد: يـــآ لـــيـــل
اقتباس:
مرحبا ياترف وصح الله الحضور الطيب وادامه الابداع في هذا الحضور الغالي تشكراتي |
رد: يـــآ لـــيـــل
اقتباس:
الله يحييييييييييييييييييييييييييييييك يا وليد وصح الله بدنك يالغالي اسعدني جدا تواجدك مرحباابك مليووووووون ومن قال ما يهوون |
رد: يـــآ لـــيـــل
اقتباس:
يامرحبا بهالنك والله اني صادق ارحب يا ابو مشاري لو تدري بسعادتي بتواجدك يالغالي مريت كل يوم وصح الله بدنك وروحك حضورك يكفي عن شهادتك فديتك هو بروحه شهاده وانا وقصيدي كله فدوه لك طال عمرك ولو انه ماهو بقد المقام |
رد: يـــآ لـــيـــل
صح لسانك يامحمد متميز ومبدع
دام وجودك وطابت لياليك |
رد: يـــآ لـــيـــل
اقتباس:
اررررررحب يا فهد والله اني صادق عاد انت شهادتك غيير طال عمرك الله يرفع قدرك ويعز مقدارك وصح الله بدنك وما عليك زوود فديتك تستاهل الطيب والعلم الغانم والقصيده قصيدتك طال عمك |
رد: يـــآ لـــيـــل
اقتباس:
والبقى يالشمري والله يصح بدنك وروحك احبكم ياشمر والله اني صادق القمه حضورك يالغالي ومن قال سالم وغانم |
رد: يـــآ لـــيـــل
اقتباس:
هلا وغلا يا رائد العصيمي الله يبيض وجهك وشهادتك تاج على راس محمد المري مرورك بحد ذاته شهاده وفخر لي |
رد: يـــآ لـــيـــل
اقتباس:
صح الله بدنك يا شبل العيادين مرحبا ومسهلا يالغالي ودام الله نبض قلبك |
رد: يـــآ لـــيـــل
صح لسانك يامحمد وبيض الله وجهك .. شاعر يستحق المتابعه ونصوصك لها وقع في نفس المتلقي .. لك مني كل التحايا
|
رد: يـــآ لـــيـــل
صصصح السآنكـ
وآعتلي شششآنكـ ولآهنت علي لابيـــآت الجزله لاتحرمنآ جديدكـ يالغالي |
رد: يـــآ لـــيـــل
صح لسآآآآنك يامحمد كل مره نرتقي معك ومع نصوصك لسماء الابدآع
نص مذهل ’’’ لاعدمنا بوووحك . تحيآآآآآتي وتقييمي. |
رد: يـــآ لـــيـــل
اااالله
جـزل ورآعي جزآله ي محمـد , بيض الله وجهك , وصح لسآنك ورأسك أشيـخ تحيه لسموك |
رد: يـــآ لـــيـــل
صح لسانك اخوي محمد قصيده رااائعه كروعه صاحيها
اتمنالك المزيد من هالابداااع ... لك ودي ... |
رد: يـــآ لـــيـــل
امير الشريف ,,,, جابر اليامي ,,,, الهوى ,,,, الريم اللعوب ,,,, غرام نجد
صحت ابدانكم وطابت احوالكم وعسى السعد والفرح فالكم بيض الله وجيهكم كلا باسمه والله لا يهينكم على التواجد الغالي على قلبي وجعل ربي ما يهين اللي قييم الله يرفع قيمته عند ربه وربعه |
رد: يـــآ لـــيـــل
محمد المري
الله عليك وعلى هل شعر الراااااائع استمتعت وانا اقراء وناظر هل قصيد عذوبه وفن وصياغه لايجيدها الامحمد المرى صح لسانك وسلم الله بنانك لاتكتب الآمايرتقى الى ذائقتنا انت صقر تنظر الى البعيد ليحمل معه اجود شعر ويضعه امام من يترقبون مايحمله معه .... ...نظم ابيات من شاعر يخاطب السماء والسحاب بروعته ستظل علم يرفرف فى سماء الشعر اتمنى التوفيق لك دوووم تقبل حضورى هنا لقلبك جنائن الجورى |
رد: يـــآ لـــيـــل
صح الله لسآنك أخي محمد المري
أبدعت في هالقصيدة الطيبة تحيتي لك .. |
رد: يـــآ لـــيـــل
مشاء الله عليك يامحمد
والله انك شاعر وشهادتي فيك مجروحه لاهنت وسلمت وبيض الله وجهك |
رد: يـــآ لـــيـــل
الفوه
نوير محمد الوريكي ربي يسعدكم ولا يهينكم على التواجد الذووووق |
رد: يـــآ لـــيـــل
صح لسانك وسلم فكرك
احترامي لك |
رد: يـــآ لـــيـــل
محمد المري
ابدعت يَ خيي صح الله ألسانك ملايين ، جزله من جزل :) ولاشلت يدك طال عمرك في انتظار روائعك دائماً احترامي |
رد: يـــآ لـــيـــل
محمد صح الله لسانك
تغيب وتحضر بالجديد اللي يعذر غيبتك لاهنت نفداك ع القصيده الاكثر من رائعه |
رد: يـــآ لـــيـــل
يسلمــــــــــــووو
|
رد: يـــآ لـــيـــل
هلابكم وحيا بكم والله يرفع مقامكم
وصحت ابدانكم والله لا يهينكم وعيدكم مباارك |
رد: يـــآ لـــيـــل
الله الله
جزل .. جزل يّ ابو حميد بتجبرنآ نتابع باقي نصوصك من خلال هذه المتميزه .. سجل فائق اعجابي يّ الذيب + تقييمي ..! |
رد: يـــآ لـــيـــل
اقتباس:
صح الله بدنك يالعابر شرف لي اعجابك بالقصيده يالغالي والله لا يهينك على التقييم ودي لشخصك |
| الساعة الآن 08:36 PM |
Powered by vBulletin® Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
