|
( مرزوق الرمالي + أمير الشريف )
السلام عليكم ورحمة الله وبركاته
اللعب مفتوح لاي شاعر يبي يلعب سلام واللي يبا يلعب يسجّل حضور=مع كل تقدير والدله وفنجالها يرقب على راس قمّه ما يحدّر حدور=يا الله عسى خير والدله وفنجالها |
رد: . اللي يبي يلعب مع التحيه يتفضل.
استلم يامرزوق
يامرحبا يالرمالي يالرفيق الوقور ...عشق لنا القير والدله وفنجالها انا معك وين ماتبغى لو انها تثور ...قلته وانا آميــر والدله وفنجالها |
رد: . اللي يبي يلعب مع التحيه يتفضل.
هلا والله
يالله شعللوووووووووها سوى سجلوني من الصف بصفة مستمتع تحياااااتي مبدعين ولا تتاخرون |
رد: . اللي يبي يلعب مع التحيه يتفضل.
الله الله يا مير
استلم يا مير خلك عليه ولا تلف وتدور=من غير تفكير والدله وفنجالها يا مير مافيك ذارب وانت رجل مخبور=والهيم با البير والدله وفنجالها |
رد: . اللي يبي يلعب مع التحيه يتفضل.
انا معك بس بعض احيان نحسب لامور
ما نعكس السير والدله وفنجالها بعض الكلام اسمعه والبعض منه نفور واحذر من العير والدله وفنجالها |
رد: . اللي يبي يلعب مع التحيه يتفضل.
ههههههههههههههههههههههه ياليل البعارين انا اقول انها ماخطتكم
وراكم ماكملتو عسى المانع خيرر ولا هذا اثار النوووم ياليت تكملونهاا متابعين ض25 وصح السنتكم مقدماً |
رد: . اللي يبي يلعب مع التحيه يتفضل.
وش فيك يا مير قدام الاوادم تخور=خل المغاتير والدله وفنجالها احسب حساب السنه واحسب حساب الشهور=لوح ومسامير والدله وفنجالها |
رد: . اللي يبي يلعب مع التحيه يتفضل.
سلطان ما عينت نهار البعارين ههههه
مشكور على المرور ومتابعتك شرف |
رد: . اللي يبي يلعب مع التحيه يتفضل.
حنا عطيناك جوك خص وقت السحور
والسم في الشير والدله وفنجالها لا تامن الا الولـي والبعث يوم النشور حن وقعنا غـــير والدله وفنجالها |
رد: . اللي يبي يلعب مع التحيه يتفضل.
امير لم يرد الرد الناقض لما فتله الشاعر البادع
ثم قال كلام في العجز لاله قبول ويش يعني عشق لنا القير هنا كلام لامعنى ولامبنى بل دخل على الامير بمعنى استقله الرمالي ثم بعد ذلك حاول الامير استدراك ذلك فلم يستطيع لأنه لم يتصرف بما يكون من فنون المحاورة هنا نجد شاعر النظم يعرف ويقع في مطبات لايفهمها على حقيقتها بل اتضحت للمتابعين والمحاورة تختلف لابد يكون الكلام من نفس الكلام بما يفهم من المعنى حتى يكون النقض مثل التصدير والتوريد ويشد المتابعين لسبر في اغوار المتحاورين بما يكون من بيوت يفكر فيها الشاعر والناقد والمتصفح متابع لما يكون وصحت لالسن والله يوفق الجميع |
رد: . اللي يبي يلعب مع التحيه يتفضل.
انا اسف لم اكن متواجدا لسبب انقطاع الكهرباء عن منطقة حائل وانفصال النت,,
اخوي الغالي عبد الله السفياني اشكرك على المداخله الرائعه والايضاح للمتابع لك كل الشكر .... اظن حالتك سيّه من دبور لدبور=بين الجماهير والدله وفنجالها يا اللي تبون العشا حنا ذبحنا الجزور=قدم المناعير والدله وفنجالها |
رد: . اللي يبي يلعب مع التحيه يتفضل.
معذور يامرزوق حياك الله
تبطي ويبطي معك من كان صوبي غيور .. ورد ومصادير والدله وفنجالها وياللي تبون العشا لعيونكــــم جبت ثور .. هاتوا لنا الزير والدله وفنجالها |
رد: . اللي يبي يلعب مع التحيه يتفضل.
أخي الناقد والشاعر عبد الله السفياني حياك الله يالغالي .. انت استاذ ونحن نتعلم منك .. تحياتي لك
|
رد: . اللي يبي يلعب مع التحيه يتفضل.
انا احمد الله بلبسي ما لبست الغرور=يشهد لي الغير والدله وفنجالها يا اللي تعشي ضيوفك من طعام النسور=قدر المسايير والدله وفنجالها |
رد: . اللي يبي يلعب مع التحيه يتفضل.
في محكم ايات ربي فار هدَم جسور
متواضع اكثير والدله وفنجالها حظك تعثر ومالك ياقصير الشبور الا المخاسير والدله وفنجالها |
رد: . اللي يبي يلعب مع التحيه يتفضل.
فتّش رصيدك ودور للفتات المهور=عملتك تزوير والدله وفنجالها اخر زمان الثعل يبغى يصيد النمور=صيده عصافير والدله وفنجالها |
رد: . اللي يبي يلعب مع التحيه يتفضل.
الحكي ماهو يفيـــــد الحي لهل القبور
يانافخ الكير والدلــه وفنجالها الذيب يعوي فخر والكلب يعوي عقور بعدك طوابير والدله وفنجالها لنا لقاء بعد الفطور |
رد: . اللي يبي يلعب مع التحيه يتفضل.
ما ينفخ الكير الا الصلب اما الطنايا شمر ما هم نفاخت كير
استلم الثرثره خلها والنور يعطيك نور=النور تنوير والدله وفنجالها انا ادري انك تغوص ولا تغوص البحور=وروار وروير والدله وفنجالها وانا اسف يا متابعين انا ما العب لعب حواري لكن هو اجبرنا بحواريته لذلك .. |
رد: . اللي يبي يلعب مع التحيه يتفضل.
حصل خير ياوجيه الخير
واعذر امير مواااااااااااااصل شكله ما ناااااااااام ههههههههههه تحيااااااااتي |
رد: . اللي يبي يلعب مع التحيه يتفضل.
أمير الشريف ’ مرزوق الرمالي
صح السنتكم ومحاوره قمه بس هدو الأمور هع هع واصلو بنتظاركم |
رد: . اللي يبي يلعب مع التحيه يتفضل.
هههههههههههههههههههه تبريراتك يامرزوق ماهي في محلها وانت تدور لك مخرج بأي طريقه ..
استوقفني هذا الشطر (النور تنوير والدله وفنجالها) ههههههههههههههههههههه اضحكني كثيرا هذا الشطر .. تذكرت كلمة (رحات) على طول .. الحين ادركت ان الحشو يغزو ابياتك مثل غزو اسرائيل على بيت المقدس اما هذا الشطر ( وروار وروير والدله وفنجالها ) فلن اقول انه حشو بل كلام ملفق لا داعي له هههههههه ولكن استلم يامرزوق لو مالحشو يالرمالي كان ثلثك كسور .. ناقصك تجبير والدله وفنجالها لو تدَعي بالشعر تراك تدعي ثبـــور .. كفاك تغريـــر والدله وفنجالها |
رد: . اللي يبي يلعب مع التحيه يتفضل.
يا امير
حدك عن الهرطقه والثرثره والكلام الفاضي , انا كنت احسبك شاعر ولكن تبي لي انك , انك فاشل بمعنى الكلمه , ويكفيك لو انك تعرف ولكنك تهرف بما لا تعرف. يكفيك ملاحظة الاخ العزيز عبد الله السفياني . ولكن الثور ثور ما يفهم, اما انا هنا تكفيني شهادة ابو مشاري والاخرين وانا لست بحاجه لشهادتك ولست انت المقيم في هذا المنتدى للشعراء والعتب على الاداره اللي معطينك حجم با التمادي على الاعضاء فانت اول من تمادى معي عندما دخلت هذا المنتدى بدون مبرر,, وتداخلت معي ايضا عندما بدات المحاوره وبنفس الاسلوب الفاشل.. وقد اثبت فشلك فيها للكل . حنا ترا ديننا حرم علينا الفجور=واكل الخنازير والدله وفنجالها واظن يا مير في مخك عوامل ضمور=مفروط زنجير والدله وفنجالها على العموم الزم حدك وكفى |
رد: . اللي يبي يلعب مع التحيه يتفضل.
هههههههههههههههههههههههههه
الاخ عبد الله السفياني ما كلامه منزل من رب العالمين يالغالي وانا مقتنع في ردودي كلها ايها الحاشي لم اقصد صغير الابل ولكن اقصد انك تحشي نصوصك بالمفردات والخزعبلات مع انها جميله وتروق لي كثيرا .. وانت ايها الحاشي لم تمدح الا البيت الذي ابدى الاخ الملاحظه فيه وبقية الابيات لم تمدح شي منها وهذا دليل على تناقض افكارك .. ارجع الى اول رد لي وسترى ماذا كتبت ايها الحاشي .. انا نهبت الشعر حتى جمعت البحور جبنا التباشير والدله وفنجالها جانا الرمالي ودمه من عمامه يفور شفنا التعابير والدله وفنجالها |
رد: . اللي يبي يلعب مع التحيه يتفضل.
مرزوق الرمالي
انا ما اخطيت عليك من اول يوم اقبلت فيه هنا والشاهد علي ربي .. والملاحظه اللي ابديتها في نصك يمكن ازعجتك كثيرا مع انها ملاحظه والمفروض تتقبل النقد البناء .. بالله عليك يامرزوق هل تريد المجامله وكلمة صح لسانك ومن هذا القبيل ؟؟؟ او انك تريد النقد والمناقشه كي تستفيد ونستفيد ؟؟؟ والله العظيم اني اكون سعيد عندما أرى نقد في نص من نصوصي والرد عندما يكون فيه نقد وملاحظات يسعدني اكثر من صح لسانك وبيض الله وجهك عالعموم انا ماخطيت عليك في شي والمحاوره جدا جميله وقد اعجبتني كثيرا ففيها من الحماسه الشي الكثير الذي يلفت الانظار ويدعي للتجمهر .. تحياتي لك يا أخي الغالي مرزوق الرمالي |
رد: . اللي يبي يلعب مع التحيه يتفضل.
والله ماعرفت اجيب شي
خلووووها |
رد: . اللي يبي يلعب مع التحيه يتفضل.
الرمالي بعدي والله انا اشهد انك شاعر
كفيت ووفيت ورايتك بيضا مجمل ومشكور يابن الطنايا . |
رد: . اللي يبي يلعب مع التحيه يتفضل.
حياك الله ياقاصد منور والشاهد الله والرمالي يستحق الثناء فهو شاعر جزل ومهما اختلفنا انا وهو نبقى اخوان والشاهد الله ..
|
رد: . اللي يبي يلعب مع التحيه يتفضل.
صح السنتكم والدعوه محاوره وكلن له وجهت نظر المهم مانبي نطلع برى الخطوط الحمراء ونخسر بعض
الهدوء الله لايهينكم |
رد: ( مرزوق الرمالي + أمير الشريف )
الله الله عليكم وصح الله السنتكم جميع مبدعين ومافيكم حيله
ودي وتقديري |
| الساعة الآن 09:28 AM |
Powered by vBulletin® Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
