|
( شامان المري + محمد المري)
السلام عليكم ورحمة الله وبركاته
حبيت العب على طاروق واللي له خاطر مرحبا به سلام الله على الوافين والله يرحم الشيبان====خذوا كل المطالع والعلوم وقد حن التالين سمعنا فالسوالف قولت الميدان ياحميدان====ولاجربتها والحين ادورلي على احمر عين |
رد: الميدان ياحميدان
اررحب اررحب
الا يا مرحبا والله يحيي بادع القيفان .... وحنا في طريق اسلافنا يا صاحبي ماشين تحزم يا طويل العمر وادخل ساحة الميدان .... ولا تلهى تراها ساحةٍ ما تبغي اللآهين |
رد: الميدان ياحميدان
هلا وابك البقا والملعبه صبحا وبنت حصان====عواتقها نحاف وهي دسمها فاخر الاسمين
تثور المروه من اللي يصير وناقة عريمان=====قطع عرقوبها جور الزمان وطاحت من سنين |
رد: الميدان ياحميدان
ترا بعض البضايع لو عليها بصمة اليابان ........ نعرف انها تجي من مصنعٍ التلفيق وسط الصين
سمعت بطير ابن برمان يومه غش ابن برمان ....... ومن يامن غراب البين ويله من غراب البين |
رد: الميدان ياحميدان
شامان عطني ردك وانا انشاء الله برد عليك العصر وراي دووام وودي ارتاح شوي
|
رد: الميدان ياحميدان
انا ماجيت ادور من جناب الناس صح لسان=====ولالك حق بس نصفي حساباتنا بعدين
تدخل فالدعايه واحدا ماهوب فالحسبان=====وراحت عين لكن العلوم تقول خشم وعين |
رد: الميدان ياحميدان
بانتضارك يابوجاسم وعسى ربي يعينك
|
رد: الميدان ياحميدان
شامان ومحمد .. شعار مبدعين عسى الله يقويكم على المحاوره .. كملوا والى الامام
<< في صف محمد ههههههههههههههههههه |
رد: الميدان ياحميدان
امير الشريف
ههههههههههههههههههه من ذالحين مسكت في صف محمد واقول لك مرحبا مرحبا بك ولاهنت نفدا خشمك على المرور وابشروا باللي يرضيكم وابو جاسم عذره معه جعل ربي يحفظه وبانتضاره يرجع باذن الله |
رد: الميدان ياحميدان
نقول المتهم يبقى ورى القضبان يا شامان ..... الين انا نحقق فالقضيه وانعرفها زين
اذا هاج البحر ما ينفع القبطان والربآن ...... عسى ربي يوجهها على المرسى تروح بزين اررررحب يا أمير جابك الله انا الظاهر اني توهقت خلك قريب غششني |
رد: الميدان ياحميدان
شامان الله لا يهينك على الطاروق الجزل
عز الله اني تونست معك وتعلمت منك الله يسلمك ولنا انشاء الله لقاءات جايه |
رد: الميدان ياحميدان
شآمان المري
محمد المري أبدعتوووا وصح الله ألسنتكم أستمتعنااا تحيتي |
رد: الميدان ياحميدان
صح لسآنك ياشامان وصح لسانك يامحمد
استمتعنا بالمحاوره من الثنائي الجميل ونتمنى تكون لكم محاورات قادمه وتكون اطول من كذا ,,,لاهنتوا . تحيآآآآتي وتقديري. |
رد: الميدان ياحميدان
يامرحبا بكم لاعدمنا
هالحضور الطيب يالطيبين بالنسبه لمـــــــــــــــــــــحمد منك نستفيد فديت روحك ما انا الا تلميذ من تلامذتك وانت القدوه اللي نقتدي بها يالسنافي ولاهنتي يانوير ولا هنتي يالهوى شرفتوا بالمرور الاكثر من رائع واسمحوا لنا ع القصور والتاخير |
رد: الميدان ياحميدان
مشكوررر على الفكرة الرائعة وانشالله الشعار الباقين يلعبون معااااك
لو كنت اكتب قصيد كان لعبت معاااكم بس بخلي البابا يعلمني. ادري اني ماراح افهم شي بس بحاوول. تقبل مروررررررررري(من الرياض) (كان هنا) مجنونك |
رد: الميدان ياحميدان
يامرحبا بك
دامك شرفت الموضوع يكفي طال عمرك |
رد: الميدان ياحميدان
الله يقويك يا شمان والله يقوي كل شاعر قوي اسمح لي ابدي اعجابي بقلمك وتميزك واسلوبك الراقي وتالقك اخوك حسين اليامي ضيف جديد
|
رد: الميدان ياحميدان
لعب رايق يعطيكم العافية
أتمنى اشوف لكم محاوره ثانيه |
رد: الميدان ياحميدان
لاهنتو اثنينكم وحياكم الله
مبدعين |
رد: الميدان ياحميدان
وش السالفه يابني مره
محاوره جميله جداً جداً |
رد: الميدان ياحميدان
شامان المري
محمد المري الله يصح السنتكم جميع مبدعين والله لايهينكم محاوره رائعه كروعتكم ودي وتقديري |
رد: ( شامان المري + محمد المري)
الله الله عليكم وصح الله السنتكم جميع مبدعين
ودي وتقديري |
| الساعة الآن 08:25 PM |
Powered by vBulletin® Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
