[poem=font="simplified arabic,5,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
بسم الله الرحمن الرحيم

السلام عليكم ورحمة الله وبركاتة

اصبّح/وامسّي على الجميع بالخير


يامرحبا من قلب تنّصى غوالي=تنّصى حبيب امن العذاريب خالي

تنّصى حبيبٍ قدله اشهور غايب=من بعد صدّه جاء وجوّي صفالي

فرقاه عجّ ولكنٍ وصله امطار=يالله يادايم تدوم الوصالي

وصل الحبيب اللي بزينه بلاني=اتعب وتتعبني وصوف الجمالي

له جمرتينٍ لاضحك لاح برّاق=وخشمه كما سل السيوف الصقالي

والا العيون عْيون حرٍ ويسبر=لْصيدته من فوق روس الجبالي

والا الهدب لرمش على طول له جيت=احسبه يدعيني واثاريه سالي

وله وجنتينٍ وردةٍ بالبساتين=هي الطبيعه والدهر للزوالي

وله جادلٍ ليلٍ وليلٍ بلا نور=وان شفت وجهه قلت نور الليالي

وان شفت جيده قلت سرحان يقنب=وان شفت صدره قلت تفّاح حالي

وان شفت خصره فوق الارداف معزول=وان شفت ردفه قلت ياعزتالي

قصّرت في وصفه وغصبٍ عليّه=زينه حقيقه مير وصفه خيالي

ابختصرها ابقول لوني مقصّر=كامل ولكن للولي الكمالي

حبّي وحبّه حب عنتر وعبله=ياوجد روحي منه ويابري حالي

ان كانها بالحب قدّمة حبّي=وان كانها بالطيب سقت الدلالي
[/poem]

ان كانهـا بالـحـب قـدّمـة حـبّـي
وان كانهـا بالطيـب سقـت الدلالـي