|
لا طرت لي خلوة البيت من نادر هله
السلام عليكم ورحمة الله وبركاته هذي ابيات مرثيه في أخي غفر الله له طبعا القصيده لها وقت بس ما سبق لها النشر كانت حبيسة الصدر وهذا اول ظهور لها في منتدى الشاعر الجماهيري لحبي له ولقصيده اترككم معها وعسى ان تنال استحسانكم اشهد ان الحزن ماهوب ريف للقلوب ,,,, واشهد انه للكبود الحزانا مشكله والدموع اللي على الخد من الحاجر تذوب ,,,, ماوراها كون كشف الخفا باالجدوله غير جاريها على الخد في الامر مغلوب ,,,, كل ما مشيتها حولت متسلسله ينتثر دمعي من الراس كانيه الغروب,,,, كل ما عرض خيال الليالي لوله كل ما خاضو بطاريه ولا ريت نوب ,,,, موقع التذكار خلى العيون مبلله اشربي يالحيتي وارتوي من كل صوب ,,,, اجعلي من دمع عيني علولش وانهله اشهد اني عاذرٍ الخلوج اللي تلوب,,,, كنها تنس بمعلوقها شيٍ كله يا حمام الورق يلي حطامك من طروب ,,,, لا تساعف لي وانالي وله غير الوله واجحد الضلعه وانا علتي بين الجنوب ,,,, علتة دكتورها معلنٍ قل احوله يشتعل فاالصدر شين على وصف اللهوب ,,,, لا طرت لي خلوة البيت من نادر هله غايب زوله ولازال فاالكبد امحبوب ,,,, لويغيب من النظر ماتغيب المنزله فرقت بيني وبينه مطولت الغيوب ,,,, العيون معزله والسموع معزله كل ماريت المداهيل تذراها الهبوب ,,,, في ضميري دار شين يحسه واشعله كن لسراب الدبا بين جنبيني دبوب ,,,, من هموم الصدر واللي على الهم احمله شايم من عارض اهل الترف واهل اللعوب ,,,, واندب الذكرى وافل الشريط من اوله وانخطف لي طيف بعض المواقف والعجوب ,,,, قامت عيوني بماها تهشم مهمله ياعيون العبد مايطَلع علم الغيوب ,,,, يعتلم باالفوت والمتجه له يجهله يا عنا من لبس له من قماش الحزن ثوب ,,,, ملبس بين المحاني جديده واسلمه جعل قبر حله اخوي تسقيه النصوب ,,,, من حقوق الوسمي اللي عيازه مسبله كامل الشارات فاالمرجله مابه عيوب ,,,, ليت من الانذال من حط فاالقبر ابدله آآه ياقلب حنون له الذكرى جذوب ,,,, ما قطع الارماس يوم انقطع حبل الصله غادي مني ذهيب خلت منه الخبوب ,,,, وعفى منه الرمس والقلب عيا مادله اجعل الذكرى اكل واجعل الدمعه شروب ,,,, واطلب التوبه من الله تعالى لي وله يا الله انك عنه ياقابل التوبه اتوب ,,,, جعل فاالفردوس العلى رفيع منزله يا الله اني راضي عنه في كل السلوب,,,,فارض عنه ياوسيع المغفره واقبله فرقتنا قدره الله ولا منها هروب ,,, القضا والقدر حق علينا نقبله |
رد: لا طرت لي خلوة البيت من نادر هله
فرقتنا قدره الله ولا منها هروب ,,, القضا والقدر حق علينا نقبله عظم الله أجرك وصح لسآنك والله يوسع مدخله ويغفر له تحيآآآتي |
رد: لا طرت لي خلوة البيت من نادر هله
يحياتي يالنشمى
عظم الله اجرك واسكن اخيك فسيح جناته قصيدة معبرة جدا جدا جدا |
رد: لا طرت لي خلوة البيت من نادر هله
اقتباس:
وعليك السلااام ورحمة الله وبركاته صح لسآآآنك أخي شامان وعظم الله أجرك في إخيك الله لايهينك ع القصيدة الحزينة.. ولكن مايسعنا إلا أن نترحم لأخيك وموتانا والمسلمين.. في إنتظار قصيدك اللي ع هالشاكلة لكن مو حزن تحيتي |
رد: لا طرت لي خلوة البيت من نادر هله
الله الله
ياااااااربي على الابداع يا شامان والله ان القصيده ماتجي الا من شاعر جزل الله يرحم اخيك وبسكنه الفردووس الاعلى الظاهر ان القصيده ذي تسد من البكا والحزن كل شي موجود فيها صح لسانك يا شامان |
رد: لا طرت لي خلوة البيت من نادر هله
صح الله ابدان الجميع
ولي الفخر في ارياكم وعتز فيها اقولها ولاهيب مجامل وعذروني على التاخير |
رد: لا طرت لي خلوة البيت من نادر هله
صح لسآآآنك أخي شامان
وعظم الله أجرك في إخيك |
رد: لا طرت لي خلوة البيت من نادر هله
الله يرحم موتانا وموتاكم وموتى المسلمين
وعظم الله اجرك واسكنه فسيح جناته يا عنا من لبس له من قماش الحزن ثوب ,,,, ملبس بين المحاني جديده واسلمه وحبيت انبّهك لهالبيت بس , فيها خطا املائي بالقافيه وصح الله لسانك |
رد: لا طرت لي خلوة البيت من نادر هله
لاهنتو جميع
وصح ابدانكم جميع لاهنت اخوي حمد السبيعي وصلت المعلومه |
رد: لا طرت لي خلوة البيت من نادر هله
!, طرح رائع بكل ابعادة ومضمونه سلمت اناملك على هذا النثر الأكثر من رائع دام الابداع والتميز يعانق سطورك اطلالتي / |
رد: لا طرت لي خلوة البيت من نادر هله
صح بدنك اخت اهات
|
رد: لا طرت لي خلوة البيت من نادر هله
الله يرحمه ويسكنه الفردوس الأعلى
لاهنت على ذا المشاعر الطيبه والله إنها غصتني العبره عالعموم صح لسانك تحيتي |
رد: لا طرت لي خلوة البيت من نادر هله
قصيدة جزلة وصح لسانك
|
رد: لا طرت لي خلوة البيت من نادر هله
شامان
صح لسانك عودتنا على الابداع لاعدمنا جديدك الراقي |
رد: لا طرت لي خلوة البيت من نادر هله
ابيات رووعه اشكرك عليهاا والله يرحم اخوك
تحياتي لك انتظر ابداعك مررت |
رد: لا طرت لي خلوة البيت من نادر هله
الله يرحمه ويجمعك به فالجنة .!
صح لسانك ياشامان ولاهنت م ح م د |
رد: لا طرت لي خلوة البيت من نادر هله
صح الله السانك واعتلى شانك قصيده رائعه كروعتك مبدع دائما وشاعر جزل ومافيك حيله
ودي وتقديري |
| الساعة الآن 06:29 PM |
Powered by vBulletin® Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
