الملتقى الجماهيري للشاعر محمد بن فطيس المري - صوت وصدى 2 مع النجم فهد بن هباش

- ( قسم الصوت والصدى ) (http://www.m-f6es.com/vb/forumdisplay.php?f=75)

- - صوت وصدى 2 مع النجم فهد بن هباش (http://www.m-f6es.com/vb/showthread.php?t=5761)

صوت وصدى 2 مع النجم فهد بن هباش

السلام عليكم

قبل عدة ايام ارسلت قصيدة من الخاطر لآخوي فهد

وتكرم اخوي بالرد عليها
واستمرارآ للموضوع الاول صوت وصدى

فأليكم الصوت واقول فيه:

تكفى يابو هباش تكفى وتكفى
بشكي حبيب ن يرسل اقسى شباريه
يجرح بجرح ن دامي ن مابه إعفى
ويزيد جرحه جرح ثاني يخاويه
الوصل بلسم لكن الصد شلفى
وعزالله انه مارحم قلب مغليه
والوقت مايصفى لو الوصل يصفى
يبعد بشوف الي عيوني تدانيه
والدمع كان الدمع يحتاج وصفى
عانه مشيّد وسط خدي مبانيه
اسعى لوصله لكن الخل يجفى
مايشفع لقلبي هواه ومساعيه
انا اشهد ان الحب مذهب ومنفى
بداية ن حلوة وشين الهنا فيه
ارسلتلك نبذه بسيطه وتخفى
بعض الامور اللي صدرت من معاليه
ابغي علاج الجرح تكفى وتكفى
لعل جرحي بعد ربي تشافيه

وتكرم علي ابو هباش بهذا الرد الجميل

الصدى

ياحـي مـن صـوته لــذا القلب مشفى
مـبـطي عـن بيوته وجـتــنـي ملافيه
حـيـه وحي اللي لقـلـبــي بــه ألـفــى
قــافٍ عـلى كيفي جــزال ٍ مـعــانــيـه
ياللــي شكـيت الحب لا اقبل ولا اقفى
خـــلٍ بــلاك بسكـرة الحــب والـتـيــه
الــيا بــغــيته صــدّ عــنّــك وقـــفّـــى
وحـتـى بصـــدّه باقــي القـلب يبغيــه
قـــلــبـــك تـــرى كــفّى وكـفّى ووفّى
وقلبه تــرى ياصاحـبـي فـيـه ثم فــيه
انكانه اخفى شي مدري واش واخفى
والا حسـب قـولك عسى الهم ياتـيـه
يقـطـعـك يادنيا بـهـا الحــظ صـلـفــى
احّــيــه يــا قــلبـك ويــا قـلـبي أحّـيـه
تـشــكي وانا قـلـبي من الحب يطــفى
يشغـّــله صــوته ولا غـــاب يـطــفيه
بيــده ريـمــوته ويتــحكّم متى اشــفى
يارب رايــق كــل ما جــيـت با ادعـيه
لأنه ليا مــنّــه زعــل صــار خسفـــى
زلزال ومــوجّـــه على القلب توجـيه
لا يالعصيمي يــوم غنّيت (تـــكفـــى)
مثلي ومثلك في الهوى ويش نرجيه
ارفــع يـديـك وقــول يــارب لــطــفى
سبحــانه اللي ما يخيب الرجا فــيــه

لعل ماقدمناه لكم يحوز على رضاكم واستحسانكم

مع تحياتي رائد العصيمي