الملتقى الجماهيري للشاعر محمد بن فطيس المري - المرجله ماهي بكلمه تنقال وتروح

- ساحة القصائد والقصة والخواطر المنقولة (https://www.m-f6es.com/vb/forumdisplay.php?f=17)

- - المرجله ماهي بكلمه تنقال وتروح (https://www.m-f6es.com/vb/showthread.php?t=4352)

المرجله ماهي بكلمه تنقال وتروح

اذا المراجل لبسة شمـاغ وعقـال = قل للعـذاري يلبسـن العمايـم

ماعاد يفرق زول حرمة ورجـال = دام الفعايل تشبه البعـض دايـم

المرجلة ماهيـب كلمـة وتنقـال = وتروح ماراحت هبوب النسايـم

ولا خشونة صوت اورفع الاثقـال = او رزة صدور وفعـل الزلايـم

ولاهي بعد مفتاح موتـر وجـوال = والا ردى لسانن حديثة شتايـم

المرجلة شيمه عن القيـل والقـال = رفيع نفسن حـر باجـو حايـم

المرجلة عقل وزن وزنـه جبـال = ودون العقل وش فرقنا والبهايـم

يامسندي لومايل الوقت بـي مـال = ياولد أبويـه ياعظيـم العزايـم

يامعرب الجدين من العـم والخـال = يانخوة المفزوع وقـت الهزايـم

المرجلة ياخوي هي طولـة البـال = هي العزم هي الصبر فالظلايـم

فيها الكـرم عـزة دلـه وفنجـال = فيهاالكرامه عن ردى الطبع شايم

والدين لامنه خـذا القلـب منـزال = مشى طريق الحق وابليس نايـم

ومن لاعرف ربه في طيب الحـال = لابد وقت الضيق بالهـم هايـم

حتى صلاتك مع جماعات ورجال = في خيرها ياخوي نعم الغنايـم

ولامن نصف ليلك قم صفي البـال = ياعظم اجرك بين ساجد وقايـم

ولامن رفع ربي له كل الاعمـال = حسن الذكر لاقالوا فلان صايـم

وخلك شريف القصد ياطيب الفـال = سوء المقاصد فالبيوت الهدايـم

واحذر تبيع النفس في دب الأنـذال = وتتبع خوي ابليس راع النمايـم

النفس خيل لـك اذا كنـت خيـال = ومن لاقوى نفسه قوته الهزايـم