يامن ذبحت المحاني من غلاك الجموح=مرابطك في خفوقي ليه خليتها
نسيت مفلاك في ضلع الغلا والسفوح=اللي على طارف أضلاعي تخطريتها
فوّحت دلة غلاتك والمشاعر تفوح=وبن الهوى يحيي الأذهان ويميتها
وصبيت لك من بهار الطيب فنجال روح=ونثرت صبة يميني يوم مديتها
أوجعتني وأنت ماتدري لو إنها مزوح=وفهمت وش مقصدك منها وقاسيتها
ياليت جرح الهوى..لحظات عقبه يرووح=ماكان نفسي على فرقآآآك حديتها
عواصف الحزن هدّت من جفاك الطموح=في كلمةٍ لاآآآوصلت إلها ...تعديتها
أسَكّت الحزن فيّ وتنطق العين بووح=حسبي على دمعةٍ لـ رضآآآك هليتها
خلاص باح العزا لو كان قلبي سموح=يا اول وآخر أماني قد تمنيتها
الحب ماهوب غصبآآ تبي تروح روح=ذبلت ورود المشاعر وأنت ماأسقيتها
قد قلت لك والقسى في عين صدك يلوح=حدك معي بالجفا وماكنك أوحيتها
مبدأ المحبة غرام ومنتهاها جروح=هي كذا تجربتها يوم عانيتها
ماكنك اللي عرفته يالغزال الجموح=حيرتني بأربع أشياء ماتهقويتها
حبك..وداعي غلاك..وغيرتك..والوضوح=ماتت من الحزن وألا وين وديتها
إن رحت عنك تجي!وإن جيت يمك تروح=ياتنهي المسأله وألا ترى أنهيتها
كرامتي مالها إلا أستأذنك بالنزوح=فـ إجمع خطايا الغرام وشبّ كبريتها

المشاركة الأصلية كتبت بواسطة سمـ المراجل ـو (المشاركة 47117) حمد البريدي شاعر فذ صح الله لسانه نوير لاهنتي ع الطرح المميز ولاعدمنا ذااائقتك

خلاص باح العزا لو كان قلبـي سمـوح
يـا اول وآخـر أمانـي قـد تمنيتـهـا

الله الله ,, صح لسـآنه البريدي مافيه حيله

نـويـر ,, سلمت لنـآ هـ الذائقـه الخطيره ض42

لاخـــلآ ولاعـدم

المشاركة الأصلية كتبت بواسطة العقاب (المشاركة 47190) البريدي شاعر جميل لا يختلف عليه احد \ ولكن شاعرنا اروع :) الله لايهينك يانوير على هذه الانتقاء تحياتي لك

؛
صح السان الشاعر
قصيده جزله وكلمآت رائعه
ومنتهى الروعه سلمت الآيآدي على جديدگ الرآئعِ.!
دمتِي / ودآم حرفگ ِ..
؛
تحياتي : كويتيه مجروحه

المشاركة الأصلية كتبت بواسطة آلريم آللعـوب (المشاركة 47195) خلاص باح العزا لو كان قلبـي سمـوح يـا اول وآخـر أمانـي قـد تمنيتـهـا الله الله ,, صح لسـآنه البريدي مافيه حيله نـويـر ,, سلمت لنـآ هـ الذائقـه الخطيره ض42 لاخـــلآ ولاعـدم