|
اترك العنوان لكم
على وسع المدا تاتي هموم الذكريات افواج=وتطعني على صدري وتسفك دمعة اهدابي واتمتم بالسعاده والحزن في داخلي لجاج=ولحظات الشقى تلعب عليُ وتحرق اعصابي ما بين الضيق والحرمان تتلاعب بي الامواج=وتضربني المصايب من على راسي بمشعابي غديت اسبب لفوج المشاكل بالخطاب ازعاج=معى ان الحزن في جوفي سكن واجتاح مرقابي مغيب الشمس يصدمني بضيمه والهوا لا ساج=يعني نبرة التعبير في جوفي ويبلابي مشاكل كونت في داخلي ملجا بدون احراج=وانا كونتها لوحة جمل يزهى بها كتابي تناجيني واناجيها واقلدها الولا والتاج=والحفها الشعور اللي يناسبها وترقى بي سلاسة لفظها يشهد له اللي بالبسيطه داج=وقوة سبكها يشهد له اهل العرف بعجابي هواها في خفوقي داخل عروق الجسد ما ماج=وافصلها على فكري مثل تفصيلة ثيابي ولكن لا بدا حس القوافي فالضمير وهاج=تزافقه المعاني والخيال اللي تلوُا بي رسمت اليوم للناظر مدينه عرشها وهاج=تميزها برائة خافقي وطعون جلبابي سرت وانا مسريها وهامت بي وانا منعاج=وخلتني مثل ما قالو العالم على النابي جهازي لو شريحتها تموج يصيبه الف خجاج=ولو تبقى يصيب المخ رجه والجسد صابي سرتبي واعرجتبي للخيال ولكن اي اعراج=على متن البراق اللي خذا لبي ثم اقفا بي تباشر بالسعاده كل حسي يوم جاه افراج=ودمعي سال وانا ما عرفت ارتب عتابي يطوف الفكر حول مخيلاتي مثلما الحجاج=تطوف لبيت خلاق السما وتعانق اسرابي |
رد: اترك العنوان لكم
ياوجه الله على هالنص ياناصر
والله اني في حيره .. في اختيار العنوان شامخه القصيده بكل ماتعنيه الكلمه .. بحثت عن كلمه او كلمتين تكونان رائعتين وتصلحان في العنوان الا ان القصيده كلها طلعت كلهاا رووعه فكل كلمه تقول الزين عندي ولك شطر كذالك صح لسانك يالقرم وهذا ماتعودناه من جزل قصائدك صح لسانك ولاهنت وتحياتي لك يالغالي |
رد: اترك العنوان لكم
صح لسااااااااااااااااانك ياناصر .. نص شامخ بشموخك أبدعت ياناصر .. بحر وقافيه وسلاسه في النطق وصور شعريه مذهله .. ما اقول الا الله يشد بك الظهر .. يطوف الفكر حول مخيلاتي مثلما الحجاج تطوف لبيت خلاق السما وتعانق اسرابي اعذر قصوري يابو حسين |
رد: اترك العنوان لكم
مافيك حيله يابو حسين ..
هنا تنومس الهاجس وتشرح الصدر ابيات ما يقال عنها الا انهاا عانقة السحاب لروعتها وجمالها .. لا فض فوك يالقرم وهذا ماتعودناه منك .. صح لسانك مدد لاعدد لك جزيل التحايا |
رد: اترك العنوان لكم
على وسع المدا تاتي هموم الذكريات افواج وتطعني على صدري وتسفك دمعة اهدابي هذا هو الأدب النبطي والشعبي بكل ما تعنيه الصوره الشعريه العذبه والصادقه من تصويرات دقيقه وشفافه يااااااااااااااه يا ناصر |
رد: اترك العنوان لكم
اخي العقاب صح بدنك والله لا يهينك على هذا المرور الشامخ
والمتواصل لله درك على هذا الاطراء والدعم المعنوي الذي يحفزنا الى ان ناتي بالابداع لنصبه على صفحات المنتدى ليلامس اذهناكم ولكي تاتي شعارات مديحكم اللتي تنسينا جمال الشعر والقصيده اللتي كتبت فلك مني كل الود والتقدير اخي العزيز |
رد: اترك العنوان لكم
احلف مافيك حيله ياناصر
الله يسعد من حطك على هرم الشعر في هذا الصرح صح لسانك مدد لا عدد ولا هنت على هالقصائد الذهبيه تحياتي لك يالغالي |
رد: اترك العنوان لكم
رسمت اليوم للناظر مدينه عرشها وهاج تميزها برائة خافقي وطعون جلبابي سرت وانا مسريها وهامت بي وانا منعاج وخلتني مثل ما قالو العالم على النابي جهازي لو شريحتها تموج يصيبه الف خجاج ولو تبقى يصيب المخ رجه والجسد صابي نص رائع مليء بالشعر..إقتبست منه الجميل..وتركت الأجمل.. بكل صرآحه أخوي ناصر أنت شاعر مُبدع..وشهادتي فيك مجروُحه ..وأبياتك تهطل كـ المطر على ذائقتنا المتعطشه.. لاهان نبضك..وتقبل إعجابي |
رد: اترك العنوان لكم
العنوان هو : ابداع ناصر
نص في غاية الامتاااااع وربي امتعتني بنصك الراقي مبدع ياناصر كما عهدناك لا عدمنا جديدك المميز سجل اعجابي الشديد تحيااااااااااااااتي |
رد: اترك العنوان لكم
اخي العزيز امير الشريف صح بدنك والله لايهينك على المرور الجميل
وانت لي شدة ظهر يا صاحبي وما حولك قصور فمرورك وشهادتك تعتبر وسام لي تقبل تحياتي وخالص تقديري |
رد: اترك العنوان لكم
ابو مشاري تسلم وصح بدنك
ومرورك يعتبر تشريف لي ولنصي تقبل تحياتي وخالص تقديري |
رد: اترك العنوان لكم
الله الله الله يالجزل صح لسانك حتى ترضى ابدآآآآآآآع غير مستغرب من شاعر مبدع لكل الود~ |
رد: اترك العنوان لكم
الله الله
وش تبيني اقول فيك ياناصر في ذمتي انك محيط شعري كامل سلاسة لفظها يشهد له اللي بالبسيطه داج وقوة سبكها يشهد له اهل العرف بعجابي صح لسانك ملياااااااار لك الود والاحترام يا طير شلوى |
رد: اترك العنوان لكم
لاهنت على النقل المميز
|
رد: اترك العنوان لكم
صح لسااااااااااااااااانك
قصيييده رائعه تحيااااااااااااتي |
رد: اترك العنوان لكم
لأهنت اخوي ناااااااصر الشريف وأبيات في منتهى الجمال ووانا اقراءها عشت جو القصيد من جد وحسب قراءتي للقصيدة طالما قلت أترك العنوان لكم ... ( فوج المشاكل ) <<<< وأنا اقرءاها جاء في بالي ان العنوان يكون كذا تحياتي ........ عاأإشق المحيط |
رد: اترك العنوان لكم
ابدعت صح لسساانك ابيات راقية
|
رد: اترك العنوان لكم
صح السانك ابيات مميزه فيها الخيال فيها الصورالشعريه التي ميزت الشاعر لا هنت الشلي
لا تحرمنا ابداعك وجديدك |
رد: اترك العنوان لكم
اقتباس:
وتقبل تحياتي وخالص تقديري |
رد: اترك العنوان لكم
مشاكـل كونـت فـي داخلـي ملجـا بـدون احــراج ** وانــا كونتـهـا لـوحـة جـمـل يـزهـى بـهـا كتـابـي
تناجـيـنـي واناجـيـهـا واقـلـدهـا الـــولا والــتــاج ** والحفهـا الشـعـور الـلـي يناسبـهـا وتـرقـى بــي سلاسـة لفظهـا يشهـد لـه الـلـي بالبسيـطـه داج ** وقـوة سبكهـا يشهـد لـه اهــل الـعـرف بعجـابـي صح لسسسسسسسسسسانك نثرت فابدعت نظمت فابهرت ابيات قليل في حقها كلمت ابداع ابيات اسرتني حروفها واذهلتني معانيها اعجبني غموضها الواضح مااقدر اقول غير لايكتب هذا النص غير شاعر مبدع وقوي مثلك وشرواك تقبل مروري على متصفحك الماسي تحياتي |
| الساعة الآن 10:52 PM |
Powered by vBulletin® Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
