الهوى كذبه غدت في وسـط جيل=سالفه تجمع عواطف مع هيام
والضحيه جرح ياس ٍ له ذليل=فاقد الشيمه فقد كل احترام
المراجل مالها غير الثقيل=من حكم رايه بحنكه والتزام
الرخم عاشت فوارس فـوق خيل=في هجوس ٍ خلت الرمه اقطام
الرجال افعالها شاهد دليل=والكديش أهياطها زود الكلام
لوفقت الحقد عودبك قتيل=وان بغيت الوصل شرق ٍ رحت شام
الدواير بالزمن داب وشليل=والنفوس السود تشبه للنعام
الوفاء ذكرى جميل ٍ من جميل=مير تالي الوقت يستره الغمام
يازمان العولمه ضاع الـصهيل=والحرار الشقر تشبك بالحمام
الـكفو يجحد على فعل الجميل=والردي ياللاسف نال الوسام
يازمن باحساسنا شب الفتيل=والحصان الياقبع طش الجام
للرجال احمولها ياكم تشيل=بس ماتصبر على قص العظام
وبالختام اقول كم عدل ٍ بمـيل=لااطلعت شمس ٍ سقط كل الظلااام