واحالي اللي ماغير يزيدني حسره=واحالي اللي اندفن مابيني وبيني
افتح له أبوابه العوجا وأنا مكره=لو كان أحس الطّعون القاسيه فيني
مليت من حالتي وامّل على بكره=ومليت من وظعي اللي صار يرثيني
صحيح عاطل لكن الحلم وش كبره=يكبر وكنّه يسابقني على سنيني
وآحلمي اللي مخليني على جمره=جمرة غظى كنّها مابين يديني
أحلم وأصارع سهوم الغدر من غدره=أثر الزمن غادر(ن) فيني يعاديني
ياسعود وش حيلتي بحظوظ منثبره=وياخوك انا الجرح ثاويني وباليني
وشلون ابـا أصبر وانا صبري نفذ صبره=على سنين(ن) .. تعاندني وتشقيني
كسر المجاديف ياخي مالها جبره=وانا كسرني مناظر عاشته عيني
غمّضت أعيش الشباب اللي طنخ عمره=وفتّحت أشوف البطاله هم ماليني
انا اللذي من حياته جاني(ن) فقره=وانا اللي حرمان وقتي غير يجنيني
أشفق على حالتي وتخنقني العبره=وادعي عسى الرب يعوضني ويشفيني
يارب ماغيرك ارجي وراظي(ن) بامره=من عز خيرك ومن فظلك وتغنيني
عن حالة(ن) عشتها عاطل ومستتره=بالجرح والهم والتحطيم بسنيني
يارب طالبك رحمه لحالي ونصره=من ضيم مركوز في جوفي وذاويني
عبدك إلهي يغوص بموية(ن) عكره=ماغيرك أنته تساعدني وتنجيني
خطيت في دفتري واصل القلم حبره=مشاعر(ن) نزفها بشعر(ن) يواسيني

فارس الجهيمان ..

كان الله في عون الجميع ,
صح الله لسانك ,
لسان حال أو لسان مجتمع .
كل التقدير ل سموك .

يــارب طالـبـك رحـمـه لحـالـي ونـصـرهمـن ضيـم مركـوز فـي جوفـي وذاوينـي
عبـدك إلهـي يغـوص بمويـة(ن) عـكـرهمـاغـيـرك أنـتــه تسـاعـدنـي وتنجـيـنـي
خطيـت فـي دفتـري واصـل القلـم حـبـرهمشاعـر(ن) نزفهـا بشعـر(ن) يواسينـي

الله ثم الله يـ خوي فارس

ما أجمل هذا النص الرائع بمفرداته وبمعاناته

وما أجمل الإرادة التي قرأتها هنا بهذا الشطر

صحيح عاطل لكـن الحلـم وش كبـره
يكبر وكنّـه يسابقنـي علـى سنينـي

أتركه يسابقك يـ خوي ولابد من يوم ٍ يجي الفرج بأمر منه سبحانه

و

بعد

لا أخفيك النص بمجمله باذخ وفخم وراق لي كثيراً من بدايته لنهايته

فشكراً مدد بلا عدد ولا عدمنا الحضور ولا الروعة بالشطور

تبقى همسة أهمسها لشخصكم الكريم وهي أنني أضم صوتي

لصوتها الأخت الرائعة أنفاس الرحيل بنصيحتها لا عدمناها

ولا عدمنا نصائحها فو الله ما كذبت وعن تجربة أنا كذلك أقولها

ما أعظم الصدقة لذا تصدق .. تصدق .. وبإذن الله سـ توفق ..

كنت هنا أختك في الله وأخت الجميع حروف من نور

فارس الجهيمان

دون شك التقييم + الفايف ستار يتواضعان لهذا النص الباذخ