|
نهايات السفر يوم التقينا والقلوب اشباه؛؛مطلوبه
السلام عليكم ورحمة الله وبركاته قصيدة قديمة ومطلوبة من الشاعر خالد العبيريد سبق ان قد نشرتها من قبل نهايات السفر يوم ألتقينا والقلوب أشباه تشابهنا في كل أطباعنا حتى بدمعتنا لقينا بعضنا نصفين يميزنا النفس مجراه زفير وشهقة ٍ كانت دواعي سرّ جمعتنا وتخالفنا عن حروف الشفاة ونبضنا يقراه كلام ٍ تعجز الدنيا تترجم ما بجعبتنا ونظرات العيون إللي خذتنا في زمان أتلاه سنين ٍ مضمحلة بس عشناها بنظرتنا وتعايشنا مع الواقع ودسنا كلما يطغاه من هموم الحياة إللي هزمناها ببسمتنا وذقنا من مرير العيش ما يجعل لذيذ أحلاه إذا ذقنا الفرح ساعة وخالطنا برعشتنا وعطينا للحياة أبعد معاني وللعطا معناه وزرعنا للوفا روحين تحيانا إذا متنا وملكنا عالم ٍحنا فضاءه والنجم يزهاه ورحلنا في ملاكوته إلى مالا نهايتنا وتجلينا فـ/غاية حلمنا ودروبنا تنخاه عسى ما تخطي الخطوة ولا يصغر بعثرتنا وخضبنا كفوفنا وتشابكت آمالنا يا الله تتمّم رحلة الغاية على دربك وفرحتنا نهار يظلنا عرشك من سموم اللظا صلواه يذوب الصلب من حره ونعرف قدر جنتنا ونسينا غرة الدنيا وتقنا في كفوف الجاه وذكرنا مطمع الغاية إذا فزنا بدعوتنا عسى ربي يجازينا بعفوه والرضا برضاه وعسى روحين في حبه تلاقت وسط دنيتنا يلاقيها نهار الحشر مجتمعه سوا وأشباه ويميزها عن الباقي بدمعتنا وضحكتنا سلامتكم وسلامة نواظركم عامر صالح ال شنيف |
رد: نهايات السفر يوم التقينا والقلوب اشباه؛؛مطلوبه
صح لسانك
قصيده رائعه يعطيك العافييه |
رد: نهايات السفر يوم التقينا والقلوب اشباه؛؛مطلوبه
عسى ربي يجازينا بعفوه والرضا برضاه
وعسى روحين في حبه تلاقت وسط دنيتنا يلاقيها نهار الحشر مجتمعه سوا وأشباه ويميزها عن الباقي بدمعتنا وضحكتنا ياشيب راسي يابو صالح ابيات لها رونق خاص جدا ً وأحساس عذب ماشاء الله تبارك الله ,, وعليكم السلام ورحمة الله وبركاته ,, ياهلا ويامرحبابك والله يبيض وجهك وافي يالغالي ,, صح الله لساانك وصح قلبك وكلك ولاهنت يالجزل مبدع وراعي علم طيب ,, كل تقديري وشكري لك وخالص تحياتي ولاتحرمنا من الجديد . |
رد: نهايات السفر يوم التقينا والقلوب اشباه؛؛مطلوبه
عامــــــــــر صح لسانكـ يعني لازم يطلب خالد عشان تنزل شعركـ <اجل خالد لاتقصر فيه ههههههههه <عوافي وصح لسانكـ واعتلى شانكـ وبيض الله وجهكـ ولاهنت
|
رد: نهايات السفر يوم التقينا والقلوب اشباه؛؛مطلوبه
عامر صالح ال شنيف آخي القدير كلماتك تناثرت ك قطرات المطرمن غيمة بيضاء حروفك لها رونق وبريق ورقي ومشاعر من قلب صادق شامخ هنا تصويرك سلمت انامل تكتب لنا هكذا ابداع ويستاهل الشاعر العبيريد تقيم لسموك يعطيك ربي ماتمني |
رد: نهايات السفر يوم التقينا والقلوب اشباه؛؛مطلوبه
مدري أردّ على القصيده هذي
ولّا إلّا في التوقيييع مجرّد أنّي أقرأ اسمك يا عامر أجد نفسي أقرأ اسم يعانق صمتي كثيراً شكراً لقلبك الطاهر على كلّ بوحك أخوك عبد العزيز |
رد: نهايات السفر يوم التقينا والقلوب اشباه؛؛مطلوبه
روابي
يا هلا وغلا وتسلمين والله لا يهينك |
رد: نهايات السفر يوم التقينا والقلوب اشباه؛؛مطلوبه
هلا هلا يا خالد
حياااك الله ي االغااالي ولاهنت وصح الله ابدنك وما عليك زوود ووجهك ابيض يا الغاالي لاهنت |
رد: نهايات السفر يوم التقينا والقلوب اشباه؛؛مطلوبه
يا هلا بفرح
وتسلمين ولاهنت وصح الله ابدنك وابشروا كلكم بالقصيد لكن بظروفها لا خلا ولا عدم |
رد: نهايات السفر يوم التقينا والقلوب اشباه؛؛مطلوبه
الفلوه
يا مرحبا فيك والله يبيض وجهك على هذا الرد المبهج وتسلمين وصح الله بدنك والله يطول بعمرك على الطاعة اصدق التحايا |
رد: نهايات السفر يوم التقينا والقلوب اشباه؛؛مطلوبه
ابو عبدالله
يا هلا فيك يا الغااالي وتسلم ويسلم راااسك والله يبارك في عمرك وهذا من طيب اصلك لا خلا ولا عدم |
رد: نهايات السفر يوم التقينا والقلوب اشباه؛؛مطلوبه
حرف ذهبيّ لا مثيل له ..
يعطيك العافيية ي الشيخ .. تقييم والله يسعدكَ .. |
رد: نهايات السفر يوم التقينا والقلوب اشباه؛؛مطلوبه
يا حي الله فراشة
وتسلمين حضورك شرف لاهنتي |
رد: نهايات السفر يوم التقينا والقلوب اشباه؛؛مطلوبه
عامر صح لسانكـ
ابيات لامست قلبي واعتقد قلوب جميع من قرأها لاتحتمل اي وجهة نظر عنها فهي قد فرضت شاعريتها وجمالها ودي وتقييمي |
رد: نهايات السفر يوم التقينا والقلوب اشباه؛؛مطلوبه
عامر دائمااا حرفك وشعرك عااامر بجزالته
صح لسانك إحساس وشعر وشاعر مايحتاج شهادتي يعلم الله إنها من القصايد اللي أطربتني وجازتلي دام حرفك يتلالأ بفضاء الجزاله ياجزل |
رد: نهايات السفر يوم التقينا والقلوب اشباه؛؛مطلوبه
اررحب يبوصالح عليم الله بغيت اقتبس منها لقيت كل بيت احلى من الثااني
مبدع مبدع صح الله لساانك وبيض الله وجه خالد الي طلبها |
رد: نهايات السفر يوم التقينا والقلوب اشباه؛؛مطلوبه
تراتيل السكون
يا هلا وغلا وصح الله ابدنك وسلم قلبك ونبضك لاهنتي |
رد: نهايات السفر يوم التقينا والقلوب اشباه؛؛مطلوبه
ارحب يا فارس
حياك الله يا الغاااالي وما عليك زوووود شهادة افتخر بها وعلى راااسي وصح الله بدنك ولاهنت |
رد: نهايات السفر يوم التقينا والقلوب اشباه؛؛مطلوبه
صح لسسانك
ابياات روعه يعطيك العافييه |
رد: نهايات السفر يوم التقينا والقلوب اشباه؛؛مطلوبه
عبدالله المتعب
يا هلا وغلا ومرحبن يبقى وسلمت ولاندمت ووجهك ابيض يا الغااالي وصح الله بدنك ولاهنت |
رد: نهايات السفر يوم التقينا والقلوب اشباه؛؛مطلوبه
روابي
يا هلا وغلا وتسلمين على حضورك يا الغلا والف شكر |
رد: نهايات السفر يوم التقينا والقلوب اشباه؛؛مطلوبه
آبداع پآنتقاء القصايد ... لله درك بأنتظار جديدك |
رد: نهايات السفر يوم التقينا والقلوب اشباه؛؛مطلوبه
يا هلا بحمد العجمي سرني حضورك
وتسلم والله يحييك في كل وقت |
رد: نهايات السفر يوم التقينا والقلوب اشباه؛؛مطلوبه
ورحلنا في ملاكوته الى مالا نهايتنا
ذكرتني القصيده ككل بقصيدة فيصل اليامي عيال حارتنا عامر صالح ال شنيف والله انك مبدع وكلمة مبدع قليله بحقك صح السانك من هنا الا مالا نهاايه واشكرك جزيل الشكر على روعتك وتميزك وابداعك واشكر المتالق وصاحب الذوق الرفيع الشاعر خالد العبيريد هذا الامير باخلاقه وذائقته وشعره لكم جميعا مني اعذب واطيب واجمل التحاااااايا ودمتم في رعاية الرحمن |
رد: نهايات السفر يوم التقينا والقلوب اشباه؛؛مطلوبه
ارحب تراحيب الغلا يا الغااالي
وحياااك الله يبو حمد وحي حضورك وتسلم وما عليك زود وصح الله ابدنك وحالك ولاهنت اسعدني حضورك الراااقي والله يرفع من مقدارك لاهنت وسلم راااسك |
| الساعة الآن 06:36 PM |
Powered by vBulletin® Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
