|
وياخالـــد ابن سهيـــل يفدونــك طوابير الشحـاح
بسم الله الرحمن الرحيم الاخوه والاخوات السلام عليكم ورحمة الله وبركاته وكل عام وانتم بآلف خير وصحه وسلامه اطلالتي هذه من محبتي لكم من بعد غياااب الله يعيد العيد ومصافح العيد ......... بأمن وأمان وفرحةٍ مستجده ومصافح الشيبان قبل الأواليد ......... هذاك راس المال ياللي تعده مقدمه لضيف شط المفاريد ......... وآهل الثناء لا وايق العلم حده ,,,,,,,,, يالشعـــر لا هاجت مشاعرها تلبسني وشاح ......... ماني من اللي غمرهم ينشــب لسانه فالجمـــاء ليـــا وردت اصـــدر الحــادي من العـــد القـراح ......... وأسقي بعون الله ثرى العــارض ليامنــه ضمـاء انا من اللي ورعهــم يطغــى على صلف الرياح ......... ان هب شرقيــه زمــا وان هــــب غربيــه زمــاء وليا نقشته فالصخــــر من ورث جدانـــي مبــاح ......... لكــــن جـــنـــب يارفيـــق الـــدرب لامنـــه كمـــاء وليا رقى راس الطويله والحق الصيحه صيــاح ......... والله لا اورد عنفــوانيــة مـــن القـــاع السمـــــاء وياخالـــد ابن سهيـــل يفدونــك طوابير الشحـاح ......... ياوارثيــن الطيــب والطولـــه وللمجــــد زعمــــاء ليــا نشــدك محمــــد البـــداي قــول البــرق لآح ......... وحنت تبي المسنـاد واقفت طوع والمقفــي عمــاء ولاعاد تنشدنـــي عن اللي راح واللي راح راح ......... الله وكيــلك بحــت طاعنهـــــم وبحــت اللــي رمـــاء مــادام قافينـــي من الخالـــق مســاء ولا صباح ......... يــااارب تغفــرلي ليـــا شـــدت وحــلـــت فالحــمـاء وأن كان صدرك ياوسيع العرف من شهرين فاح ......... صــدري شمالـي له ثــلاث شهــور مابعـــد احتمـاء لكــن اجــاري واقعــي مابيـــن جـــده والمــزاح ......... اتـــوب وتـــرده على الطــاروق والقــاف طخمــاء ماكنهـا إلا غفــل ابــن عشـــوان تكســـر لطيــاح ......... وطاشــت تبي المربـــاع لاهلت من المـــزن دهمــاء ................................................ آمل ان تنال على اعجابكم هذه الابيات واعتذر منكم على قلة عطائي الفترة اللي راحت واتمنى محد ماخذ على خاطرة مني واستودعكم اللة الذي لاتضيع ودائعة وســــــلامتكم |
رد: وياخالـــد ابن سهيـــل يفدونــك طوابير الشحـاح
وعليكم السلام ورحمة الله وبركات.
وانت كل عام بخير ان شاءالله.. صح لسانك قصيده طيبه . الله يطيب فالك. حفظك الله.. |
رد: وياخالـــد ابن سهيـــل يفدونــك طوابير الشحـاح
سنيد القعياني
حياك الله وصح الله الساانك قصيدة جزله وكل عام وانت بخير |
رد: وياخالـــد ابن سهيـــل يفدونــك طوابير الشحـاح
[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]
يا هلا بأهل القصيد ،، منوّر بحضورك المتميّز الراقي برقي فكرك وجمال حضورك أخووووي صح لسانك ،، أخوي وتقبل مروري وموفور الاحترام أخوك عبد العزيز الهزاع |
رد: وياخالـــد ابن سهيـــل يفدونــك طوابير الشحـاح
وأن كان صدرك ياوسيع العرف من شهرين فاح
......... صــدري شمالـي له ثــلاث شهــور مابعـــد احتمـاء حياك الله ياسنيد وكل عام وانت بخير وكفو وصح الله السانك وقلبك مليون ابيات جزله مسندها على شاعر جزل ارق التحايا |
رد: وياخالـــد ابن سهيـــل يفدونــك طوابير الشحـاح
سلطان البقمي
صح بدنك ومشرف اخوي .. تمنياتي لك بالتوفيق .. تحياتي .. |
رد: وياخالـــد ابن سهيـــل يفدونــك طوابير الشحـاح
عامر آل شنيف
صح بدنك وياهلا وسهلا نورت الوسطاء بك .. الوفاء مرهون لك .. تحياتي .. |
رد: وياخالـــد ابن سهيـــل يفدونــك طوابير الشحـاح
عبدالعزيز الهزاع
صح بدنك انت مكسب للمنتدى بالخلق العظيمه , واللي عطاك يعطيني ويمنح الجميع من كرمه اتمنى لك مزيد ودمت .. |
رد: وياخالـــد ابن سهيـــل يفدونــك طوابير الشحـاح
يابدر الشدادي خابرك للبحر سباح ..
ذكرتني بالهوى ياهلال .. صح بدنك اخوي ولاعدمت طلتك المشرقه .. تحياتي لك .. |
رد: وياخالـــد ابن سهيـــل يفدونــك طوابير الشحـاح
صح ألسانك
قصيده في قمة الروعه وكل عام وانت بخير |
رد: وياخالـــد ابن سهيـــل يفدونــك طوابير الشحـاح
وعليكم السلام ورحمة الله وبركاته ,,
ياهلا ويامرحبا ياسنيد حياك الله ,, مبارك عليك العيد وعساك من العواده ان شاء الله والمقبولين ,, صح الله لساانك وصح قلبك ونعم فيك وفي ربعك ولاهان ابو بداي ,, يكون لي عوده بأذن الله . |
رد: وياخالـــد ابن سهيـــل يفدونــك طوابير الشحـاح
يقول شليويح بن شلاح
مير لن ضيّعت صوّت يا ولد شلاحي لاهنت ياولد شلاح على الطرق الجميل المميز واسندت الى رجل عزيز ومن قبيله عزيزه صح لسااااانك وسلم بنااااانك وتسلم وتغنم |
رد: وياخالـــد ابن سهيـــل يفدونــك طوابير الشحـاح
أم راكان صح بدنك
|
رد: وياخالـــد ابن سهيـــل يفدونــك طوابير الشحـاح
خالد العبيريد صح بدنك وماعليك زؤؤد ويامرحبا بالمقبلات
|
رد: وياخالـــد ابن سهيـــل يفدونــك طوابير الشحـاح
محمد بداي انت ذخر والشك زايل وخفايف الأمور ماتستاهل
|
رد: وياخالـــد ابن سهيـــل يفدونــك طوابير الشحـاح
يابو متعب الله لايهينك والله اني جيت ووقتي ضيق شوي والا كان سويت موضوع جديد لكن لك رد على الابيات وتقبلها بزينها وشينها ومثلك يقبل الزلات كانها جات مني ,,
يوم انتصف ليل السعد وأضفا على البيداء الجناح=لاحت بروق الخير في كبد السماء واستلهماء هاض الضمير وجاب من جزل المعاني وأستباح=سد الهواجس بعد هل القيل من عذب اللماء الضاميه بالعزم تارد كانها جهد وكفاح=وان بان فعل القوم انا فعلي بميقافي طماء الي يميز فالنجاح يعرف ساعات النجاح=لابد مايحكم وياخذ من تجاريب أعلماء وش عاد انا ساسي عواريف الحياه اهل الصحاح=وأهل المشوره والفعل والوقت شاهد يحكما ورثت منهم مايقدي من بغى درب الصلاح=والمرجله والطيب وفعل ٍ بالفخر طال وسمى واقول يلي هاض بالمضون مع درب ٍ سماح=انته وانا والسابقه تاخذ مع الماد افحماء أهلا ً هلا يلي تشيل السيف مع جل الرماح=دام الهدف سامي على وضح النقى قم واقدماء احسب لها وانا لها حاسب على نضح الضحاح=والنور ياسنيد يبا يجلا طريق ٍ مظلما شفت الرساله مالها ساعي على خف وجناح=قلت الله الي يستر وجعل المعنى يسلماء لو الليالي مقيفه والزاد به سم ٍ ذحاح=النفس طابت والخفوق مع الزمن ماينهماء وقت ٍ تغير يالقعياني ونجمه عقب طاح=لامل مدري كل والا ذل منهو محرماء القفر ممحل والعدود اليوم مافيها قراح=صارت صريه يالله انك في عبادك ترحماء |
رد: وياخالـــد ابن سهيـــل يفدونــك طوابير الشحـاح
اخوي الغالي خالد العبيريد
وفيت ولا هفيت من قدم الماجود سلم المنقود تقبل خالص تحياتي ودعواتك لي بالتوفيق وفمان الله |
رد: وياخالـــد ابن سهيـــل يفدونــك طوابير الشحـاح
ونعم الشاعر ونعم اللابه
صح لسانك ومسنده الى شاعر كفو وفي انتظار الرد يعجبني الفخر جدا بالذات اذا امتزج بالابداع تقبل تحياتي وخالص تقديري |
رد: وياخالـــد ابن سهيـــل يفدونــك طوابير الشحـاح
صـــــــــح لسانكـ واعتلى شانــــــــكـ وبيض الله وجهكـ ولاهنت على القصيده الرائعه
|
رد: وياخالـــد ابن سهيـــل يفدونــك طوابير الشحـاح
صح لسانك
بيت في السماء وبيت في القاع لكن مضومنها جيد ويعطيك العافيه |
| الساعة الآن 07:00 PM |
Powered by vBulletin® Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
