|
يا ناصر بن حسين لاجيت تبدع
ياناصر ابن حسين لجيت تبدع*
ركز على نظم المعاني والاوزان مانت بلبيبً غير تبهت وتخدع واتفكر العربان ياهيه عميان بعلمك درسً يفيدك ويردع ويطلعك براء مغلً وزعلان * وليا مشيت الله يسلمك ودع * * * * * * * * * * * * * * فرقاك برق وغيم وسيول وديان وليا زعلت بمراح الادباش تقدع ثم كبر اللقمه عوافي وصفطان اذنيك ياحجلان لازم تجدع* وتسير كفؤً للمكده وسرحان والله لا سوقك سوق لين اتفّدع حتى تجض امن التفاحيم كسلان |
رد: يا ناصر بن حسين لاجيت تبدع
ههههههههههههههههههه
ناصر بن حسين والله مافيه حيله لكن صح لسانك ياسهيل لين ترضى وننتظر الرد الساخن من ابوحسين |
رد: يا ناصر بن حسين لاجيت تبدع
ياسهيل كلكم اخوان والدحرو الشيطان والمفروض تتجنبون هانوع من القصيد اللي يخر الحقد والبغضاء بينكم
فهذي نصيحه مني لكم جميع |
رد: يا ناصر بن حسين لاجيت تبدع
والله يا بدر ماعندي مانع ولا صار شي
بس اخوي ناصر فهمها غلط يا داب و هي مدحه واذا يحسبنها ذم يدخل اليوتيوب ويكتب قصيده محمد الخس في محمد السديري ويشوفه يمدحه ويقول ياداب |
رد: يا ناصر بن حسين لاجيت تبدع
وانا ما اسندت عليه القصيده الا اني متوقع
رد غير الرد ذا |
رد: يا ناصر بن حسين لاجيت تبدع
كنت اتوقع رد مثل القصيده الاولى
اللي جاته بس هو ظلمني في رده |
رد: يا ناصر بن حسين لاجيت تبدع
سهيل شوفه فالميادين جدًع
ما يدري ان به للميادين سلطان ويحسب ان وجهي مثل وجهه افدع يصلح مداس بدون شكه ونكران يقبل علي بشويش في ثوب ضفدع ثعلب خلق الله في هيئة انسان ان كنت تبغى الحق يا شيخ فصدع بالحق تلقاني على كل ميدان كنه يخاطب بالمضامين دعدع مسكين ما عنده للاخلاق ميزان كم شخص قبلك من عنى الروح كدًع تاتيه دقاته معى كل محيان شل الكلام اليوم والا فله دع ما دمت مثل العبد للصوط شفقان والصوت يوم يكون عالى يقدًع نهق الحمير يلخبط اذهان الانسان |
رد: يا ناصر بن حسين لاجيت تبدع
الشعر يا سهيل لا يخلو من الدعابه
ولا بد من اختلاق المشاكل ولا يهمني تمدح تذم كله سوا بعدين انا تمزهلت في طلبك اللي في القصيده الاولى ليه الزعل والتبرير مصير كبدك تندبل معى كل قصيده تلقى العلاج ابشربي والشباب ما راح يخيب ظنهم فيني اشكر فزاع على الاطراء تحياتي |
رد: يا ناصر بن حسين لاجيت تبدع
الاخ بدر الله يعطيك العافيه على النصيحه
اما بالنسبه لي فانا والله لا احمل على اي شخص لو يقول ما قال ولا اهم ان كان يحمل هو ام لا هذا ميدان من عرف انه بيزعل يجنب من الاول ولا هو بعيب كلا له اسلوبه وانا مستعد في اي وقت والجميع يعرفني هنا يمكن قد حصل بيني وبين الجميع مناوشات ولكن لا تؤدي الى الزعل والا الغضب تحياتي لك يا بدر |
رد: يا ناصر بن حسين لاجيت تبدع
اليوم جمعة فَ اللهم صلٍ وسلم على المصطفى ..
ي ملا الصلاح وش خليتووا !! عالعموم يعطيكم آلعافيية |
رد: يا ناصر بن حسين لاجيت تبدع
كلامك صحيح ياسهيل فعلأ الداب مدحه بلاشك وشفت انا قصيدتك الاولى
لكن الاخ ناصر يمكن فهم غلط واعتقد بانها سبه وقال لك ياغراب لكن ان طعتو شوري اقصروها من الان والطيب من يبدى بالسلام (بمعنى الحديث) لنك انت ياسهيل بترد على ناصر وناصر بيرد عليك ثم بتطول المسئلة وتسوء اكثر من كذا لكن اقولها لك يالاخ ناصر فعلأ كلمه الـــداب تراها مدحه ليست سبه وهذي الكلمه متداوله عندنا في الحجاز ونجد وأغلب أهل مكه اللي من الاصحاب والجماعه يعرفونها وانت بلاشك فهمتها غلط تحيتي لكما جميعأ |
رد: يا ناصر بن حسين لاجيت تبدع
انا فاهم كل شي يا بدر انت وسهيل
انتو تسمونه داب وحن نسميه حنش ويوصونا الشيبان خلك حنش ولكن انا احب اختلاق المشاكل هههههههههههه كذا عباطه وليست سوء فهم والجميع هنا يعرف ناصر ومتعودين علي انا من اول الشعراء هنا يا بدر وكنت مشرف القسم سابقا وقمت بطلب الاعفاء وطلبته فيما بعد لفهد الهباش ومن ثم قامو بايقاف عضويتي الاولى ناصر الشريف ثم دخلت بهذه العضويه بعد انقطاع طبعا وارجع الى الصفحات الاولى وسترا قصائد ناصر الشريف ومداخلاته معى الشباب يعني بالعربي الكل متعود علي تحياتي لك واشكر لك نصحك |
| الساعة الآن 12:01 PM |
Powered by vBulletin® Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
