|
سنجار المري + محمد الشريف
قوم ياشاعر الصفين ونار حيه ** ودنا نلعب الطاروق لو ربع ساعه
سامعلي علوما ياهل الــشاذليه ** وثقه كنز يبقى من كنوز القناعه |
رد: قوم ياشاعر الصفين ونار حيه
مرحبا يالمغني والحروف ابجديـــــه
...وكلٍ حرف تثنــى لي بقـــدر وطاعـــــــــــــه سامعن لك علوم الصبح ولا العشيه ...قالو ان العشيـــه ماوراها مناعــــــــــــــه |
رد: قوم ياشاعر الصفين ونار حيه
صح الله السانك وقلبك ياسنجار وانت خابر بان شهادتي فيك مجروحه يابعدي
وصح السانك يامحمد الشريف ومتابع للابداع والامتاع |
رد: قوم ياشاعر الصفين ونار حيه
سرها وانتبه لا تطيح فالمهمــــهيه ** صاحبك مايهاب ونجدته من ذراعه
شبت النار بين اهل الوفى والحميه ** والعرب ياوسيع العرف ربع وجماعه |
رد: قوم ياشاعر الصفين ونار حيه
مرحبا يالشدادي وجعلك سالم وبيض الله وجهك على المتابعه يالغالي
لاكن تراني مالاعبت معك ولامره يابدر ايش في طاروق بعد محمد الشريف |
رد: قوم ياشاعر الصفين ونار حيه
ساريه يابن مره دون همٍ واذيـــه
...والمغنـــي سلاله ساريٍ من شواعـــــه شبت النــار يوم النار جمره وكيه ...بس مامعكم الي وسط قلبه شجاعـــــه |
رد: قوم ياشاعر الصفين ونار حيه
ياسنجار والله انك تبطي شد حيلك والليل الليل
|
رد: قوم ياشاعر الصفين ونار حيه
لا تقامر على نفسك وتصبح ضحيه ** اســـــــــتريح وتريح خل منك القلاعه
ماعلينا وحنا من رجالا غنيــــــــــه ** ،وانت من عالم اللي عايشا في مجاعه |
رد: قوم ياشاعر الصفين ونار حيه
ابشر ابشر
|
رد: قوم ياشاعر الصفين ونار حيه
الغني اللذي نفسه وروحه غنيــــه
...مد يدك على قدك وقدهي بشــــــــــــــاعه ويش اسوي براعي مايعز الرعيـه ...يبن مره نبا الانصاف والانطبـــــــــــــاعه |
رد: قوم ياشاعر الصفين ونار حيه
جعلك تبشر بالخير ياوجه الخير
|
رد: قوم ياشاعر الصفين ونار حيه
شبت النار بين اهل الوفى والحميه ** والعرب ياوسيع العرف ربع وجماعه
ههههههههههههه يابو محمد ترا النوايا مثل العسسل طال عمررك ,, صح الله لساانك وصح قلبك ياسنجار وصح الله لساانك وصح قلبك يامحمد شعراء شرف المتابعه لهم والله يعلم ,, متاااااااااااااااااااااااااابع ومااسك الصف وابعدو الرمي . |
رد: قوم ياشاعر الصفين ونار حيه
ارررررررررررحب ياخالد ارررررررررررررحب والله ان الهقاوي بعيده بس ابو محمد الله يعطيه العافيه بس ههههههههههههههه وصح بدنك والشرف لنا طال عمرك
|
رد: قوم ياشاعر الصفين ونار حيه
انت شاعر مع العالم ورجلك جريه ** وانت بارع واعرفك منبعا للبراعه
الحقيقه تراها مثل هضبت طــــميه ** والبحر ياوسع العرف ماجيت قاعه |
رد: قوم ياشاعر الصفين ونار حيه
اقتباس:
والمعنى بعيد مثل ماقال اخوي محمد متابعت شرف طال عمرك وتقبل تحياتي |
رد: سنجار المري + محمد الشريف
منبعا ً للبراعه > على ماضن ,,
واصلوا والابداع منكم فيكم عسااني مافقدكم يالغوالي ,, >> مسك الصف ضد سنجار هههههههههههه العب العب يالشريف والساري سرى . |
رد: سنجار المري + محمد الشريف
ياخوك حن عندنا اخطاء املائيه ومثلك عارف هههه
ويستاهل محمد انك تمسك صفه لاكن بدر مع صفي اكيد ههه |
رد: سنجار المري + محمد الشريف
انت مني بعيد ومامعي منك شيــــــه
... واعرفك لو لفيت تحطنــــي للضبــــــاعــــه ساريه يوم غنت اطربتني شويـــــه ... ويوم هزت لميس اخبلت في وســط قاعــه |
رد: سنجار المري + محمد الشريف
حياك الله ياخالد وفخر لي صفك يبو سهيل انا اشهد الي راح فيها ابو محمد مامعه من يمسك الصف ههههههه
|
رد: سنجار المري + محمد الشريف
نيتك لا تسوقك صوب حوض المنيه ** خل عنك الاكاعه مانعرف الاكاعه
لا تهزهز وانا خابرك عينك قويه ** والوداعه تراها عند راعي الوداعه |
رد: سنجار المري + محمد الشريف
محمد صح الله السانك وتشرف باللعب معاك وتصبح على خير
|
رد: سنجار المري + محمد الشريف
ادري ان الوداعه في يديك ويديـــــه
... بس منت بالاميــــــن الي مجــــرب صراعـــــه مانهزهز وحنا من رجالٍ وفيـــــــــه ...ماكفتك الزكاه وكل حبٍ وصاعــــــــــــــــــــــــه |
رد: سنجار المري + محمد الشريف
صح الله بدنك ولاهنت وبيض الله وجهك شاعر ولك مدخل ومخراج يبو محمد
|
رد: سنجار المري + محمد الشريف
صح الله لساااااااااااااااااانكم وقلووبكم ولاهنتم يالمبدعين شعراء جزلين ويعلم الله اني انطربت معكم ,,
اتمنى نراكم في قاف ثاني مباشر مثل هذى ,, تحياتي وكل تقديري لكم . |
رد: سنجار المري + محمد الشريف
طاروق طيب صحت السنتكم جميع..
|
رد: سنجار المري + محمد الشريف
اقتباس:
المشاركة الأصلية كتبت بواسطة سنجار المري [فقط الأعضاء المسجلين والمفعلين يمكنهم رؤية الوصلات . إضغط هنا للتسجيل] ياخوك حن عندنا اخطاء املائيه ومثلك عارف هههه ويستاهل محمد انك تمسك صفه لاكن بدر مع صفي اكيد ههه افا عليك ياسنجار مايبيلها نشدت شيخ اكيد في صفك ياغالي وهذا يشرفني صحت الالسنه وتعافت الابدنه طاروق رائع وجميل تحيتي لكما |
رد: سنجار المري + محمد الشريف
الله الله
صحت االالسن مبدعين تحياتي لقلوبكم |
رد: سنجار المري + محمد الشريف
صح الله ابدانكم جميع ولاهنتوا على المرور
|
| الساعة الآن 12:27 AM |
Powered by vBulletin® Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
