|
نوض القصيد بينكم
ناض القصيد بخاطري نوض بـراق..........من مزنـة ٍ غـراء تهـل ابرديـه
مزنه تهل وربها اللـي لهـا سـاق.........وتسقي بوابلهـا صفـا الجرهديـه ومن يوم ناض الفكر والخاطر إشتاق......شـوق المسافـر لا تذكـر خويـه جيت إبفنون الشعر من غير سـواق......شعـري سفيـري بالليـال الخليـه أما أقبلونـي شاعـره جوهـا راق..........تقـدح بفكـر ومـا تهـاب البريـه والا بنوض وخاطر الشعر ما ضاق.........وبشـد خيـل الفكـر يـم الحويـه إبنتكم نوض القصيد |
رد: نوض القصيد بينكم
صح لسانك لين ترضين يامبدعه
وياهلا والله مرحبا حياك مليون ابيات جميله جداً يانوض الأبداع ههههههههه لاتشدين يم الحويه |
رد: نوض القصيد بينكم
هلا هلا ويامرحبا يانوض القصيد حيااك الله ,,
صح الله لساانك وصح قلبك وكلك ولاهنتي وحيااك الله على الرحب والسعد والتقدير كله ,, اتمنى لك كل خير في حضورك وغيابك واتمنى ان تفيدي وتستفيد بما فيه خير للجميع ,, كل تقديري وشكري لك . |
رد: نوض القصيد بينكم
فزاع المرشدي سلمك الله المهلي ما يولي
|
رد: نوض القصيد بينكم
خالد العبيريد سلمك ربك من النار وعذابها
|
رد: نوض القصيد بينكم
حياك الله وصراحه اعجبتني القصيده وحبيت ارد عليها من إعجابي فيها
وليست مجاراه لها , ولكن حبيت ارحب في هذه الابيات , يامرحــبا ترحيبةٍ مثل الاشــــراق ** تــنحر سواد الليل وتجيب فيّـــــه ويامرحبا ترحيب من قلب مــشتاق ** لاهل الشعر واهل القلوب النقيه الشعر ماينباع في وسط الاسواق ** الشعر عند اهل البيوت الذريّـــــه وإنتي قصيدتك يشرح الصدر لاضاق ** ماهي غريبه والحروف ابجديه يشرح خفوق الشخص ويبل الاعماق ** ماكنه الا مزنةٍ ساحــلــــــيــــه هذا كلامي واضح بوسط الاوراق ** وقبل الختام اخذي ســــلام وتـــحيه |
رد: نوض القصيد بينكم
نوض القصيد
يا هلا وغلا فيك وصح الله الساانك وحيااك الله |
رد: نوض القصيد بينكم
ارحبي يانوض القصيد تراحيب المطر
وصح لسانك وعلا شانك نحن سعدا بوجودك بيننا والله يحييك وصح لسان عبدالله السناني اللي عادته يقوم بالواجب |
رد: نوض القصيد بينكم
أهلا بكـ شآعرتنآ : نوض القضيد،
أبيآت رآقية .. ومصآفحة أولى رآئعة! ننتظر جديدكـ بكل شغف أيتهآ الشآعرة القديرة.. مودتي ، فهد! |
رد: نوض القصيد بينكم
نوض اهلا بهذا الفكر وهذه الاحرف
بين اخوتها وصح ربي لسانك بدايه ثريه بجزالتها ومنها نشتاق لما تخفي نوض من شعر والمتضح انه جزل عذب التحايا |
. . .
_ نوض القصيد / صح لسآنك وقلبك على هالجزله , حيآك الله ض44 |
| الساعة الآن 11:02 PM |
Powered by vBulletin® Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
