حرك سكون القلب واهج هجوسه=يوم استوى للشعر حبر ٍ وقرطاس
يعلب على متن القصيد ويدوسه=هجس ٍ على بحر التماثيل غطاس
يزها جنابه وافر ٍ مايحوسه=مايتعبه من هومته بعد الارماس
أهل الشعر فالشعر لا ماتروسه=رواس لاواجه مع القيل رواس
من عمق فكر وطيب ظني وجوسه=ابني بيوت الشعر ساس ٍ على ساس
في ليلتن بالذكريات محسوسه=تلفي على قلب ٍ من الوقت حساس
شاف اللذي عافه وغير طروسه=في ساعة ً منها الرجاء ينقلب يأس
ذكرىً لها من سالف الجيل غوسه=يضوي سناها لاضفى ليل الادماس
قضيت عمري فالزمان ودروسه=اصارع ايام ٍ عنيدات وشراس
مر ٍ على كبد المولع نحوسه=توثق على باب الضماير بالافلاس
والي صفى للقلب من كثر لوسه=خوة رجال ٍ بالوفاء توفي الكاس
ذخر ٍ ليا جات السنين العبوسه=تبذل عزايمها على كل نوماس
الي لهم بالعز غالي لبوسه=تاج وشاح ٍ يعتلي هامة الراس
ماهم مثل من كاد يحسب فلوسه=كسب بماله كلمة ً مالها ساس
خطو الضعيف الي تضاعف فنوسه=بين الردى والذل قد حط مجلاس

[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]
خالد العبيريد
جمال هنا بحبر قلمك امتعتنا بهذا المساء العطربوردة
سلم فكرك وروعة ابياتك اعتلا شانك خيي وتقديري لك
كل القصيد حلو الله عليك دايم ذوق وقلمك احساسة وشعورة اروع مايكون
تقيم لسموك ....أبياتك الي بتوقيعك رائعة ايضاًأسجل إعجابي بما كتب