يـنـوح القلب وضلوعي تراجف منه لامن نـاح=الا مني ذكرت الي مضى والحزن خانقـني
وجـفـى عـيـني منام الليل ودمـوع العنى فـواح=واحث خطاي للفرحه ولين الحزن سابقـني
جزى الله ذكـريـات ٍ بـاقـيه مـن وقتـنا الي راح=تقول انا صديقت عمرك الي فات صادقـني
وانـا منها وعليها دمعي الي فوق خـدي سـاح=ابرضيها وبرثي حظ عمـري يـوم فارقـني
لعـل النفس تدله فـي زمـانـي والحشى يرتـاح=ويصبح همي الي عن منام الليل عاتقـني
حسبت ان السعد برقه على طول الزمن لواح=واثر برق الشقى بأول شبابي كـان شاعقـني
ورعى الله خـوة الي طيبهم بين الـنشـاما فـاح=ويرحم من وقف سيره وعن سيري مفارقـني
ويرعى الله هواجيس ٍ على بدع القصيد صحاح=احقق مـابـغـيته لو خيـالـي عـنه يـسـرقـني
ورجـيـتـك يـاعظيم ويـاكريم ٍ بـالعـطى مـاشـاح=تكافيني زمـان ٍ فـي صـواديـفه يصـافقـني
ليا من الـبخت عانق بـي الفرحه رجـع ثم طاح=يعود به الزمـان الي على الحرمان سايقـني

لعل النفس تدله في زمانـي والحشـى يرتـاح
ويصبح همي الي عن منـام الليـل عاتقنـي
حسبت ان السعد برقه على طول الزمن لـواح
واثر برق الشقى بأول شبابي كـان شاعقنـي


بصراحه أني اطرب اذا قرأت لشاعرنا العذب خالد العتيبي
أجد قوة الشعر والتمكن وجزالة اللفظ والمعنى
بإختصار شاعر يروي الذائقه المتعطشه للإبداع والتميز
مهما قلت لن اوفيك ما تستحقه أمام هذه السيمفونيه العذبه
تقبل تقييمي وتحيتي وتقديري
ترانيم المطر

حسبت ان السعد برقه على طول الزمن لـواح
واثر برق الشقى بأول شبابي كـان شاعقنـي


آلعبيريد
لله دركـ تنزف درر
آقتبآس للآعجآب وليس للتقليل
تقبل مروري آلمتوآضع

خالد العبيريد
أخي القدير جعل السعادة ماتفارق محياك
قصيدة راااائعة ومميزة بحبرقلم تعودنا منة كل جميل
هتان مطرك لايزال يمطرنا بعذب شعرة وبوح قلبة
كنت ولازلت شاعر ذوطابع خاص
يسكن بعلياء شعرة
ليمتعنا بذائقة وذوق احساسة
حرفك أخذنا معة الي حيث صباح بنورشمس قصيدة
تقيم لسموك ووردالكون لقلب يسكنك
[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]