|
يا شعري لا يغرك غدر وقتي والزمن فاني
شعري هو صديقي الوحيد في خضم هذه الحياه الملئيه بالفرح والحزن ولكن مهما كانت سعتها فلن تجد سوى إثنان فيض مشاعر وقلم يترجم الإحساس اليكم أبي أسمع صدى عزفك ينور وجه عدوانـي=وأبي منك الوقوف بساعة الميقاف تروينـي وأبي منك الحضور بساع لو ناديت من شاني=وأبي فزعتك بالموقف حروفك هي تحلينـي وأبي منك الدرر تلفي بغيض وفيض وجداني=وأبي فتل القصيد ونقضها من شان تروينـي أبيك تنكس أعـلام اللـي بشعـره تحدانـي=لاني من فضل ربي ثيـاب العـز تكسينـي أبيـك بكـل وقفاتـي وقوفـك دوم يبرانـي=مثل ظلي تعـال وروح بالفرحـه تسلينـي لانك انت وحدك من تشارك فرحي وأحزانـي=وأنـا بجهـود يمنايـه أعليـك وتعليـنـي ياشعري لا يغرك غدر وقتي والزمـن فانـي=ترى بعض الخطا ماهو خطا لو كلل يدينـي قريت بحسن تعبيرك زمنا والزمـن شانـي=وتعلمت الحكي بشفاههم وأقراه مـن حينـي سعيده فيك يا شعري رسمت بغيمك الوانـي=وضللتك من الحر وصقيـع البـرد حادينـي أنا أعاهدك يا شعري إن كان الله أحيانـي=لوصلك الغيوم ونعتلـي بالعسـر واللينـي وبرسم فوقها طيفـك بقـوة ظالـم وجانـي=وأخلي كل هتان المطـر وأرويـك بيدينـي يا شعري انت تستاهل تعرف الصدق عنواني=وأعرفك ما يصيبك شك دام الوضع يعنينـي ترانيم المطر |
رد: يا شعري لا يغرك غدر وقتي والزمن فاني
الله الله الله عليك ,,
حيااك الله وحي الله هالمعزووووفه الشااامخه من نبع جزل وفكر ملئ بالجزاله والابداع ماشاء الله تبارك الله ,, صح صح الله لساانك وصح قلبك ومعهوده يعلم الله بهالشوامخ الي مثل هاذي خالد من جماهيرك واصلي ابدااعك ,, شكري وتقديري ووافر احترامي لك وخالص متابعتي . |
رد: يا شعري لا يغرك غدر وقتي والزمن فاني
شاعره تكتب من فيض صح لسانك اختي ترانيم ض29
|
رد: يا شعري لا يغرك غدر وقتي والزمن فاني
أنا أعاهدك يا شعري إن كـان الله أحيانـي لوصلك الغيـوم ونعتلـي بالعسـر واللينـي وفيتي بالعهد ترانيم ، مبدعه عسى الله يوفقك ، |
رد: يا شعري لا يغرك غدر وقتي والزمن فاني
ترانيم المطر
أقف لك احتراما على عنفوانك وشموخك في قصيدك لله در شاعريتك ودرك من شاعرة صح الله لسانك وما على قافك غبار تكتبين بصدق واحساس قادر على ترويض الحرف والمعنى تقبلي مروري مع عبق شكري وتقديري لفكرك ثم قلمك الصادق |
رد: يا شعري لا يغرك غدر وقتي والزمن فاني
أنا أعاهدك يا شعري إن كـان الله أحيانـي لوصلك الغيـوم ونعتلـي بالعسـر واللينـي كفو ... الى الامام.. |
رد: يا شعري لا يغرك غدر وقتي والزمن فاني
ياسلام على الفكر الراهي والبدع الجميل في محله صح السانك نص ملئ بالعذوبه والتفنن المطلق فيض شعر رائع صح السانك ثاني مره ودوم اختي ترانيم المطر |
رد: يا شعري لا يغرك غدر وقتي والزمن فاني
صح لسآآآنك ملايييين ي الغلا
قصيدة مميزهـ دووم التميز وتألق دمتي ودآآم لنآآ عطآآئكـ ودي |
رد: يا شعري لا يغرك غدر وقتي والزمن فاني
ترانيم المطر
صح لسسانك ي مبدعه قصيده في قمة الجزاله والابداع سلمتي لنا وسلمت اناملك الذهيبه بنتظار ابداعاتك |
رد: يا شعري لا يغرك غدر وقتي والزمن فاني
الله الله
الله الله ترانيم المطر يابى الشعر الا ان يرحل رحيلك وقيم ان قمتي ومنين ماتمشين وخطاه بخطاك الله يوفق هالوجه دنيا واخره تقبلي تواضع مرور اخوكِ سعيد القحطاني ولاهنتي |
رد: يا شعري لا يغرك غدر وقتي والزمن فاني
اقتباس:
أشكر لك تواجدك المميز وسلمت من كل شر ولا عدمنا حضورك الراقي تقبل تحياتي ترانيم |
رد: يا شعري لا يغرك غدر وقتي والزمن فاني
مشاء الله تبارك الله عيني عليك
بارده مبدعه ومميزه اختي ترانيم انا من اشد المعجبين فيك سجليني من جمهورك واحلا تقييم+++ |
رد: يا شعري لا يغرك غدر وقتي والزمن فاني
وفااااضت المشااااااااااعر وترجمت الاحساااااس
نعم يا ريم الشعر متنفس ولكن ليس هو الحل دااااااائما عهد قطعته على نفسها لشعرها وبوحها وهي جديره وهذه الباااااااااااذخه اول شهود ذا العهد صح اللسان وسلم البنان رااااااائعه داااااااائما كل الود وخالص التقدير + التقييم ولاهنتي وتسلمين |
رد: يا شعري لا يغرك غدر وقتي والزمن فاني
صح الله لسانك يا ترانيم وبيض الله وجهك
متمكنه |
رد: يا شعري لا يغرك غدر وقتي والزمن فاني
(الشاعرة ترانيم المطر) هنا آقف وهنا أضع كلمة الحق
= = = = = = = = = استطيع وفي هذه اللحظه ان أقول ان الشعر النسائي بخير وان شاعرة بقائمة الاخت ترانيم المطر تمارس الابداع بصورة ذات طابع سلس ورائع ونقي هنئين لشاعرتنا ترانيم وللشعر النسائي ايضا تحيه وتقدير قد ان اقول الكلمه صح لسانك تكون ماركه ولكن اقول لافض فوك من متمكنه واتمنا ممن يملكون الموهبه الصحيحه التوجه للاابحار من اخواتناالشاعرات للاابحار لااسترجاع القلم النسائي في الشعر اخوكم موسى ابومشهورالصايغ |
رد: يا شعري لا يغرك غدر وقتي والزمن فاني
صح الله لسانش يا ترانيم المطر
قصيده وافيه ومحبوكه لا يجيدها الا ترانيم لاهنتي وبيض الله وجهش |
| الساعة الآن 04:34 AM |
Powered by vBulletin® Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
