برفوق يازين التواصيف برفوق=تعال نجلس ونتمالا دقايق
انا على شوفتك حاديني الشوق=واذا ذكرت البعد قمت اتضايق
اشفق على لاماك يازين واتوق=عن دربنا فك العقد والعوايق
ماتدري انك ساكن داخل الموق=تضفي عليك جفون عيني طبايق
وماتدري ان قلبي من العشق مفتوق=ليتك على قلب المولع توايق
تلقى محلك يارّيَش العين مرموق=ارتاح خل البال هادي ورايق
وخلك رزين العقل لاتصير مطفوق=واترك هروج مزورين الحقايق
انا معك ماني مع كل مخلوق=اسمع كلامي ياحَسِين الطرايق
كتبت لك من زبدة الشعر طاروق=نقّيتها لك من زهور الحدايق
ونشرتها في منتدى العرف والذوق=وثبتها لك بالصور والوثايق
مضمونها طعني وخل النظر فوق=والله ماينفعك هرج الخلايق
وختامها لو تستمع كل منطوق=ماعاد فيها ياوليفي دقايق

سعيد الهباش
قصيده رائعه ايها القدير
ابحرنا معك ومع شعرك وشاعريتك واحساسك
لترسو سفنك بجواربحر ابداعك
قلم جميل هنا سطر لنا عذب بوح من عذب شعر
تنتهي الابجديه لوصف قلم حبرك
تقبل مروري ولقلبك زهور الكون
[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]