خالد العتيبي =
الناس واجد وانت تفرق عن الناس=بأوصافك اللي فالهـوى معجبتنـي
حسن ودلال ٍ فارق وذوق واحساس=والعفه الـلي فيـك زود اذبحتنـي
ترانيم المطر=
لكن منك اللي على القلب وسـواس=صدّر معاليق الضمـا واوردتنـي
ما عاضني في مجلسك كل الاجناس=سود النوايـا فالكـلام امرضتنـي
العام جلست صاحبي تقعد الـراس=واليوم مـن مـر الليالـي سقتنـي
حطت على قلبي ثلاثيـن متـراس=حتى نهـار العيـد مـا عايدتنـي
ناديتهـا ياغايبـه عـل لا بـاس=تعالـي الغيبـه تـرا حطمتـنـي
خالد العتيبي =
إما لحقتيني قبل قطـع الأرمـاس=والا مجاديـف السعـاده رمتنـي
واما ارحمي قلب ٍ تثنابـه اليـأس=والا ليال الحـب عنـك اخلفتنـي
ضامي لوصلك والمعاليـق يبـاس=وايام عمـري فـالشقـى علقتنـي
مال الغلا في خاطر الحب مقيـاس=لو الدروب العوج معـك اتعبتنـي
اما تتم الوصل ياعـذب الانفـاس=وتبعد هموم ٍ من غـلاك احرقتنـي
ترانيم المطر=
والا نروح وكل شي ٍ على سـاس=والذكريـات بداخـلـي شيبتـنـي
وابذكرك لا هب بالجـو نسنـاس=نسمة غلا مرت علـىّ أوخذتنـي
حطيت في قلبي عن الحب حـراس=وجتني مع النسمه غلا واعسفتنـي
تلوفني لوف القلـم وسـط كـراس=وعـن حالكـم ياغاليـه علمتنـي
واليوم طاح براس مجنونك الفاس=وعيني من إفراقك بكت واسهرتنـي
خالد العتيبي =
وحارت بي اقدامي وسافرت مكناس=وخطاي لدروب الشقى وجهتني
الله ليا طبل على القلب هوجاس=واخلف ضنون ٍ فالغرام اجبرتني
واخذت انا وياه من ضيق فـ عماس=على نجوم ٍ فالسماء سامرتني
فيها من الذكرى ثمانين نبراس=تفضح سواد اليل عن ماعطتني
هذى شعوري والمشاعر لك احباس=منها الشقى كله ولو مانصفتني
ترانيم المطر =
ولو الليال السود صلفات وشراس= ما كانها من قشرها لوعتني
ولو كانت الديره محل جيت عساس = لعيونها سرنا ولو ما دعتني
ولو كان عندي عقد للشعر من ماس = فازت قصايد غاليه عاجبتني
يا خالد انته شاعرن منت هلاس = تقدح بفكره من حلاها سبتني
حرن ولد حرن ولد صقر قرناس = اقولها ما دام راسي بمتني
اني عزيزة نفس ما ادور ادناس = سحابتي من عطرها عطرتني
بنتن عزيزه ما تصل درب الاجناس = فوق السحابه عزتي وصلتني
مالي بهرجة حااسد وهرج الافلاس = ولا عمر رجلي للرذيله رمتني
والشكر لله مغني النفس عن ناس = لو حاجتي بيديهم ما هنتني

المشاركة الأصلية كتبت بواسطة فراشة (المشاركة 219365) صـــح لسانكــ ,, ولا هنتوا ,, تقبلـــو مروري ...ض29

المشاركة الأصلية كتبت بواسطة سعيد محمد القحطاني (المشاركة 219385) يالله ياسلاااااام ياسلاااام اشهد شهادة حق انه تعداكم الملام ديتووو يهبل بل يجنن الشعراء الكرام خالد العتيبي وترانيم المطر لن اقول صحت السنتكم هذا روتين قديم ان جازت ألقصيده ام لم تجوز بل اقول بيض الله وجيهكم لم يسبق لـــي ان تمنيت ان هذاه ألقصيده اوتلك أوقلت ليتني معهم الا هذاه الحظه أحبائي ما اجمل الشعر حين تسطره أقلام شاعر وشاعره بحجم اخوي خالد واختي ريم اعذروني انا لست جدير بالرد الذي يستحقه عملكم هذا يبقالي ان اقول الحمدالله الذي جمعكم في هذا المنتدى الذي كل ماضاق صدري. وجدت فيه الرفيق وكل ما راق جوي وجدت فيه الكثير والكثير الف الف شكر لكم تقبلوا. تحيات واتقدير أخوكم سعيد والله دركم

حي الله شاعرنا المميز لقد أسعدني تواجدك هنا
وشهادتك وسام طال عمرك لي وللشاعر العتيبي
وحضورك يشرف قبايل لا هنت ولا هان مغليك
ونحن نستمد الإبداع منك فلك السبق في الترحيب والحضور المميز
وكلمات الثناء لا تفئ ما تستحق
وعسى صدرك ما تجيه ضيقه يا رب
والشكر موصول لمن أكمل الابداع بتواجده وتعطيرنا بهذه الكلمات الراقيه التي ليست بغريبه
على شاعر كقامة سعيد القحطاني
بارك الله فيك وبارك بحضورك
تقبل تحيتي وتقديري ودمت بود
ترانيم

المشاركة الأصلية كتبت بواسطة قطري طيب (المشاركة 219406) صح السان من قال

المشاركة الأصلية كتبت بواسطة ضامي الشوق (المشاركة 219501) صح لسان الشاعرين يعطيكم العافيه روووووووعه

المشاركة الأصلية كتبت بواسطة خالد العتيبي (المشاركة 219556) الله ياترانيم المطر عانقت السحاب المراويح هههههههه صح صح الله لساااااانك وصح قلبك وكلك ولاهنتي عزالله وقفت على عظم وساق الابيات ولابقى شي لو اختلف موضوعها فالاخير لكن ابداع وفكر راقي جدا ً جدا ً ماشاء الله عليك ,, كل الشكر وكل التقدير والاخلاص لك .

شاعر الإبداع والتميز
أنه شاعر خطا بخطوات واثقه نحو القمه وأرتقاء بجزالة فكره نحو الأعلى
سرنا بخطا واثقه ولكننا لم نستطيع مجاراته ولكننا سنقتبس من جزالته وعمق تصويره للمعنى
أنه القدير خالد
زال الشعر بخير يا شاعري طالما تهزج به
أحاسيسك ومشاعرك
تقبل من التحيه أغلاها ودمت بود
ترانيم

المشاركة الأصلية كتبت بواسطة محمد الوريكي (المشاركة 219577) مشاء الله تبارك الله عينين براس واحد خالد ونعم بولد العم سنايدي ارقى سنود لبى قلبك ترانيم احلا دوتو والله انكم مكسب للمنتدى لاهنتو وعسا مانخلا منكم وشرواكم سلمتو ولاهنتو احلا تقييم لاحلا اثنين++++

محمد الوريكي
تواجدك شرف طال عمرك
وماعليك زود
تحياتي لروحك ولشخصك الكريم