|
( رائد العصيمي - فهد الهباش )
اتشرف باللعب مع قامة من قامات المنتدى
فهد الهباش قرّب الله لايهينك وين انت ياشاعر قحاطين ابها الي تنومس فالعرب من طلبها تثني ركاب الطيب للي ركبها والصبر زين وكل مطرود ملحوق يالي لاله يالي لال ( وين ابن هباش وين ) يالي لاله يالي لال ( خابره ذيب يعوي ) يالي لاله يالي لال ( دارس ن فالدارسين ) يالي لاله يالي لال ( والبلاء ولد بدوي ) |
رد: ( رائد العصيمي - فهد الهباش )
الله الله يا رايد في انتظار الهباش واشوفه حاضر
متابع |
رد: ( رائد العصيمي - فهد الهباش )
يآ مرحبا باللي لفى بعد غيبه
فيه الغريبه ما تسمّى غريبه ويحقّ له دامه من أبنا عتيبه ( والصبر زين وكل مطرود ملحوق) يالي لاله يالي لال ( حاضرين وفاهمين) يالي لاله يالي لال ( قلبكـم خلّـه قــوي ) يالي لاله يالي لال ( جآمعٍ لي درّتين) يالي لاله يالي لال ( وطاوي الدنيا طوي) |
رد: ( رائد العصيمي - فهد الهباش )
الفخر لي يآ رائد ،
يسلم قلبك يالخوي، ناصر ، تسلم ع المرور ،،، |
رد: ( رائد العصيمي - فهد الهباش )
ياسلام ..
متآبعينكم .. صح الله السنتكم |
رد: ( رائد العصيمي - فهد الهباش )
دام البقى ياللي تنومس هل الطيب
ترقى بطيبك في جميع المراقيب الله يجيرك من سموم اللواهيب والصبر زين وكل مطرود ملحوق يالي لاله يالي لال ( عامل التاجر كمين ) يالي لاله يالي لال ( كيف راحت يالخوي ) يالي لاله يالي لال ( كيف درسك يافطين ) يالي لاله يالي لال ( جعل دربك مستوي ) |
رد: ( رائد العصيمي - فهد الهباش )
ناصر - رمق
مرحبا ومسهلا منورين ابو هباش لا والله الا هجدك الله ههههههههه |
رد: ( رائد العصيمي - فهد الهباش )
مشاء الله تبارك الله
جعلكم سالمين واصلو لاهنتو مبدعين متابعه |
رد: ( رائد العصيمي - فهد الهباش )
مدحك على رآسي وهذا تشكّر
لكن تـعآل الجـو مـآ هو معكّـر بالله يا رايد واش اللي تـفـكّـر؟! " الصبر زين وكل مطرود ملحوق" يالي لاله يالي لال ( كيف نجمع هالثنين ) يالي لاله يالي لال ( قلب طاهر ودْمُوِي ) يالي لاله يالي لال ( شمعة الشاطر تبين ) يالي لاله يالي لال ( بالقنآعــة مـرتـوي ) |
رد: ( رائد العصيمي - فهد الهباش )
رمق + مشاعر
حضوركم ومتابعتكم شرف ما ننحرم ! رايد ، احسبهآ لبى قلبك ،! |
رد: ( رائد العصيمي - فهد الهباش )
حي ذا الشوف شعار من كبار الشعار يتقابلون ويسببون ازمة في القصيد ههههههههههههههههههه
وليلهم حامي وانا من متابيعنهم |
رد: ( رائد العصيمي - فهد الهباش )
حياك يا محمد نيابة عن اخوي رائد
الشرف لنا بمتابعتك ،، |
رد: ( رائد العصيمي - فهد الهباش )
هذا الزمن ياصاحبي وش علامه
شفت الصقر يكفخ سواة الحمامة كلن من الايام يبغى السلامة والصبر زين وكل مطرود ملحوق يالي لاله يالي لال ( قدم عين الحاضرين ) يالي لاله يالي لال ( دون دفنة او لوي ) يالي لاله يالي لال ( ماش غث ولاسمين ) يالي لاله يالي لال ( يالصحيب التربوي ) |
رد: ( رائد العصيمي - فهد الهباش )
مرحبا بك يامحمد ومرحبا في مشاعر
منورين |
رد: ( رائد العصيمي - فهد الهباش )
هذا الزمن فيه العليمي تلطّش
من زود ضيمه قام ماه يتنطّش ما كـلّ شـيّن قلبي اله يتعطّش ( والصبر زين وكل مطرود ملحوق) يالي لاله يالي لال ( تنظر بعين الحزين ) يالي لاله يالي لال ( وش علاج المنطوي ) يالي لاله يالي لال ( ما اندفر كتفٍ متين ) يالي لاله يالي لال ( شكل قلبك منـشوي ) |
رد: ( رائد العصيمي - فهد الهباش )
اشهد انها محاوره رهيبه .. كملوا لا هنتوا
<< متابع وبقوه |
رد: ( رائد العصيمي - فهد الهباش )
كلن بعينة يحسب انه زعيما
لو كان من طيب الفعايل عديما وانا على بعض الحبايب حليما والصبر زين وكل مطرود ملحوق يالي لاله يالي لال ( فالمواقف صامدين) يالي لاله يالي لال ( نكوي العالم كوي ) يالي لاله يالي لال ( ياصحيبي موفقين ) يالي لاله يالي لال ( دربكم درب علوي ) |
رد: ( رائد العصيمي - فهد الهباش )
اللي على شآني قلـيبه مشتّت
الظآهر انْ قلبـه من أوّل مفتّت يآ بآشة العـتـبان شدّت وفكّت " الصبر زين وكل مطرود ملحوق" الي لاله يالي لال ( فيك دائم حاجتين) يالي لاله يالي لال ( قرم وتحبّ الضّوِي) يالي لاله يالي لال ( ننتظر حينٍ بحين ) يالي لاله يالي لال ( ننتظـر للمـثـنـوي ) ............................... اشكر كل من حضر ، واشكر النجم والمبدع دائما رائد العصيمي تشرفت باللعب معه ، لبى قلبه ولبى قلوبكم ،، .... والان لعيون رايد نتابع مباراة العالمي، نشوف وجيهكم بخير، |
رد: ( رائد العصيمي - فهد الهباش )
صح لسانك يابو هباش
انا الي تشرفت باللعب معك مدرسة في الشعر والاخلاق والمرجلة موفق خير يارب |
رد: ( رائد العصيمي - فهد الهباش )
الله عليكم
محاوره رائعه جدا وتسلم يارائد وتسلم يافهد ثنائي رائع |
رد: ( رائد العصيمي - فهد الهباش )
صحت السنتكم رايد العصعمي
فهد الهباش واسمحولي اخ رايد والأخ فهد والجمهور الكرام لن اخضر متفرج وهذا اسلوبي اذا مو عاجبكم حطو اسمي ظمن لايحة الجمهور ممنوع الدخول النتيجه النهايه شاعرين كبيرين ولكن معزتهم لبعض انها المقابله مثل مابدت والحقيقه والكلام عن نفسي لا ارغب المواجهات التي تعتمد على تقفيل المناطق الخلفيه بسبعة مدافعين وثلاثة محاور ومهاجم واحد وكل ما انكشف المرمى امام احدى المهاجمين تصنع ب التوى عصبي وسقط بداعي الاصابه لابد من التحقيق في نتيجه مواجهة الشاعرين ثبت ان هناك تلاعب في النتائج وبيض الله وجيهكم واسوف أعرج على المقابلات الاخرى |
رد: ( رائد العصيمي - فهد الهباش )
اممممممممممم
تمنيت انها تطول بس الكوره سلطان تعوضونا ان شاءالله في المرات الجايه اشكركم على ماقدمتم ولنا منكم المزيد والمزيد |
رد: ( رائد العصيمي - فهد الهباش )
شكر لكل من رد وحضر بيض الله وجيهكم
اخوي سعيد يومك جاي يالخوي واسمك ممنوع في لوحة الجمهور لكن مكانه قلب دفآع ، حتى لو ما يحب الدفآع ،،، تشرفنا بحضوركم جميع، |
رد: ( رائد العصيمي - فهد الهباش )
شاعرين مميزين جدا
ومن اللذين اطرب لقصائدهم عندما أقراها وهنا اجتمعا ليكونا قمة هرم عاليه شامخه محاوره اعجبتني كثير كيف لا وهي بين عملاقين بالمنتدى فهد الهباش ورائد العصيمي تستحقا التقيم استمتعت بها حيل |
رد: ( رائد العصيمي - فهد الهباش )
صحت ابدان الجميع لمن حضر
بنت برقا وسعيد وقاصد وعالية للأمانة كان ودنا يطول الطاروق شوي لكن للظروف احكام وبما اننا اخذنا الشي يرضينا وقفناها وان شاء الله القادم احسن |
رد: ( رائد العصيمي - فهد الهباش )
للأسف فاااتتني ،، بس الاكيييد انكم شااااعرييين مميزين صحت السنتكم وربي يعطييكم العافييه ... لكــــــــــــم ودي ... |
| الساعة الآن 11:30 AM |
Powered by vBulletin® Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
