أصابع هالزمن تلعب بشعري لعبة البالوت = تصدر فيه حكم وصن مادري ويش تبغابه
زمن والله عجايب شفت بعض الناس فيه سكوت= وبعض الناس ماتعنيه لو انك على بابه
وبعض من العرب يادافع السية كما الطاغوت = لوده لوتغدى بك قبل ماانت تعشابه
وبعض من البشر ماودك الا له بسهم الموت= قليل العرف مابه صرف غير يسحب ثيابه
وبعض من البشر ماودك الا له تشوته شوت= ليامنه هرج ضيق صدور الناس باكذابه
وبعض الناس دون احساس واسمع علمي المثبوت= تدرهم به على كيفك لياقدته بجلبابه
وبعض الناس له بين الخلايق والقبايل صوت= ولكن الخلائق بعضها ماتعرف اسبابه
وبعض من العرب مثل الذهب والدر والياقوت= الاياسعد من هو في معاملته تقدابه
وانا اعرف الشتاء حد البرودة فيه برج الحوت= لكن الصيف خير من الشتاء والخير في اقطابه

وبعض من العرب مثل الذهب والدر والياقـوت
الاياسعـد مـن هـو فـي معاملتـه تقـدابـه

؛
صح السانك
قصيده جزله وكلمآت رائعه
ومنتهى الروعه سلمت الآيآدي على جديدگ الرآئعِ.!
دمتِ / ودآم حرفگ ِ..
؛
تحياتي : كويتيه مجروحه