يابريئــــه
 

[poem=font="simplified arabic,4,black,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
يابريئه وانتي ابعد ما يكون من البراءه=اكتشفت اني انا المخدوع ..وان منتي بريئه

تذبحين الحب وتعزينني فيه بجراءه=وتذرفين الدمع لفراقه ولا كنش مسيئه

كنت اقول انحن حروفه انا حاءه وانتي باءه=وكنت اقول ان في ملامح وجهش اوصاف البريئه

وكنتي لقلبي كرات الدم يعني... ياغذاءه=وكنتي اغلا من مراح الاكسجين ومن مجيئه

وكنتي السلطان به والشوق والغيره ولاءه=والعروق من الوفا والصدق واللهفه مليئه

بس بعد اللي حصل سرت اعرف البير وغطاءه= اشهد ان الكذب مهما تمتن حباله ..رديئه

علموش اللي مبادئهم سخافات ودناءه = وانا ما الومش لأن الاصدقا للشخص بيئه

يعني ماعادش بباء الحب ولاانا بحاءه=اصبحت عندي عبارات الهوى ..عفوا..(بذيئه)

وانهزم جيش الثـقه واضرب عن الرفه لواءه= الرياح تقول له رفرف وهو يئبا الخطيئه

الخيانه داء والفرقا اشوف انها دواءه= عازمٍ ما عاد اطولها ولله المشيئه

الفراش اللي يغره في المصابيح الاضاءه=والا انا اعرف الوجيه السود لو كانت مضيئه

ان حسبتيني جريء وشفتي ان هذي اساءه=فانتي اول من اساء بحقي وكنتي جريئه

اعرفي ان الخيانه ما تواطن والبراءه=وموتي بسيف الهجر..لن الهجر....موته بطيئه
[/poem]

رد: يابريئــــه
 

لله دره..

دمت تاج على راسي يا بو مشاري

رد: يابريئــــه
 

رد: يابريئــــه
 

صح لسان ابو حمد

وصح نقلك أخوي ابو مشاري

رد: يابريئــــه
 

ياوجه الله ياوجه الله


هذا الشعر الجزيل وكفىى


لاحرمنا ابو حمد ولا حرمناك يابو مشاري


لاهنت

رد: يابريئــــه
 

صح لسان ابو حمد والله لايهينك اخوي


لك تحيه

رد: يابريئــــه
 

الله عليييييييك

رد: يابريئــــه
 

رد: يابريئــــه
 

صح لسانه ~

رد: يابريئــــه
 

صح لسانك يابوحمد

تعجز الكلمات عن وصف هذه الابيات الرائعه

لاهنت يابومشاري على النقل

تحياااااااااااااااااتي