سهيل
 

ترى الجدي ياسهيل ثابت محله
من خلقت الدنياء مكانه ولاغاب
يسري به التايه وشوفه يدله
يضوي على ذوده وربعه والحباب
ولانت ياسهيل المطر فيك خله
معاد تصدق بالوعايد وكذاب
امن اولآ ياسهيل والجود لله
ترسل تباشيرك حقوقً وصباب
امن القنوف الي مطرها تهله
تملأ بها روضً وتدرج بها شعاب
تفرح بك البدوان شرقً وقبله
أليا غدا نورك مع الصبح جذاب
قبل الفجر مقدار تفويح دله
تنعاج لك بدوان بعيون ورقاب
الجدي

رد: سهيل
 

رجعت وخترت القصيده كلها.. وعزالله صدقت البدو في السابق ينتظرون نجم اسهيل. ياتي معه المطر . يوم الله يريد..



الله اكبر على كل شيطان . قلت لك من اول قصيده لك انك على الفطره بدوي وشعرك شعر بدوي


وشعر البدوي هو الاساس لأنه الشعر الصحيح وسبق قلت لك شعرك وراثه..






اعجابي بدون حدود بيض الله وجهك وارجوك لاتبخل علينا .



تقديري وحترامي وتقييمي واعجابي.لك..

رد: سهيل
 

عزالله صدقت ياسلطان

وصح لسانك يالجدي شاااااعر جزل ونجم ثابت هههههه

كفووو وسهيل كفووو وننتظر رده عليك

رد: سهيل
 

رد: سهيل
 

فزاع


بدر


صح النوم .. الشاعر يتكلم عن النجم سهيل . مايتكلم عن رجل


اسمه (سهيل)

هههههههههههه

وهذه البيوت الدليل على النجم...


تفرح بك البدوان شرقً وقبله
أليا غدا نورك مع الصبح جذاب
قبل الفجر مقدار تفويح دله
تنعاج لك بدوان بعيون ورقاب





صح النوم... ههههه

رد: سهيل
 

أخوي سلطان البقمي
لاهنت على الاطراء الجميل
وافي ودايم وافي
تسعدني ثقتك وأتمنئ
ان لاتحرمني مرورك شكرآ
لك خالص تقديري

رد: سهيل
 

أخوي فزاع المرشدي
صح بدنك ولاهنت
على المرور تحياتي

رد: سهيل
 

اخوي الجدي انت تجيب لك قصائداً ماهي بهوينه قصائداً جزله وبيني وبينك قصائد شيبان

شعر اصيل تحس بغزارة المعنى وقوة البيت وجمال المفرده

صراحه كنت اشك انه من والدك

ولكن ماندري ونقول صح الله لسانك يالجدي والله يبيض وجهك

تحياتي

رد: سهيل
 

أخوي بدر الشدادي
صح بدنك بليون
مشكور على المرور
وافي

رد: سهيل
 

ووجهك أخوي هياف صح بدنك ولاهنت على
الصراحه وهذا بحد ذاته دعم لي ومنشط بكل
تاكيد تحياتي