يابيت
 

[frame="7 10"]
يابيت شعري لاتوقف على جال
اعبر وهات القيمه والثمينه

اورد علا فكري كما الغيث همال
وخل الهزيله منك واعط السمينه

يابيت لامنه طرى شي بالبال
غديت انا وياك مثل السفينه

تقتادني يابيت من جال ليجال
مثل البحر لامن لعب بالسفينه

واصبحت انا يابيت هايم ورحال
اسرح ابفكري بين زينه وشينه

واسهر ابتالي الليل واجر موال
وغيري لذيذ النوم هم مهتنينه

يابيت قلي وينهي راحت البال
حالي نحل ياعل ربي يعينه

يابيت انا دنياي عبرات وامثال
منهو غدى مثلي لهمه رهينه

لعبت بي الدنيا كما لعبت الشال
في يد عذرا بالهوى مستهينه

اجي على اليمنى وهي تاتي اشمال
واجي لها يسرى وهي لي فطينه

تعبت انا في دنيتي والعنا طال
ويش الدوا للي حياته حزينه

يابيت لاتبدي من الهم مثقال
خل العلوم اللي عطيتك دفينه


-------(( فااااااقده ابوها))



[/frame]

رد: يابيت
 

صح لسانك أختي فاقده أبوها والله يفرج الحال
كلنا فاقدين ابونا بس الحزن ما يرد غالي
تحياتي

رد: يابيت
 

الله


تصوير قليل في حقه كلمة جميل ،،

رغم الحزن الذي يحمله النص في طياته إلا انه زاد من جماليتها

صح بوحك يّ بنت وعيل وفالك البيرق .!

رد: يابيت
 

صح لسآااااانك قلبي
مبدعه وربي
الله يحفظك يآارب

رد: يابيت
 

صح السااانكك
كلمآآآت ‘‘عذبه
دمتي كما تحبين..

رد: يابيت
 

صح بدنك يالغلا وش تبيني اسوي الله يعين

رد: يابيت
 

صح بدنك ياخوي ومشكور ع المرور ولاهنت

وللتصحيح الخطا مني وقع سهوا في الشطر اقول ---- لعبت بي الدنيا كم لعبت الشال---في يد عذرا بالهوى مستهينه

رد: يابيت
 

يابيت لاتبدي من الهم مثقال
خل العلوم اللي عطيتك دفينه

فكر جزل جدا ً جدا ً ماشاء الله تبارك الله اخذ وعطى ولا اروع منه في فن الشعر ,,

حيااك الله فاقده ابوها ,,

الله انه يفرجها على قلبك ويسهل لك الامور وصح الله لسانك وصح قلبك وكلك ولاهنتي على هالمشاعر الاليمه ,,


خالص تحياتي وكل تقديري لك .

رد: يابيت
 

الماسه----------- مجنونتك صحت ابدانكم ولاهنتو ع المرور اللي شرفني

رد: يابيت
 

صح بدنك ولاهنت وسلمت يمينك ع الكلمات ومشكور والله يفرج هم كل مسلم ومسلمه