|
أطلق سراح العقل
أطلق سراح العقل وأترك خيـــالك
يبحث لك اسباب الظنون ودواهــا وأقرا كتاب الـكون لحظه لحــــالك يشرح لك أسرار الحياه وخفاهــــا تعلم كمال الله وتحقر كمـــــــــالك لا شفت نفسك في تناقص قواها كل البشر ما بين آتي وهـــــــالك قلي لمن تصفى الحياه وحلاهــا أسأل خيالك وين غاية مـــــــــآلك حلق مع الفطره تحس بهداهــــــا أيدلك أستدلال حالك بحـــــــــالك آيات نفسك معجزاٍ محتواهـــــــــا وآيات آفاق الطبيعه شفــــــــا لك سحر الطبيعه والسما في علاها وأسألك بالي أخرجك من مسالك من سلك خيوط الدماغ وعطاهـــا من سيرك ما خيرك في نوالــــــك من يمنع أنفاسك ويقطع هواهــا من بالسعاده والتعاسه يطالـــــك من قصر أطوال الحياه وطواهـــــــا |
رد: أطلق سراح العقل
مشاء الله ياحسين تستاهل حبة خشم
القصيده رائعه وانت اروع لاهنت يالذيب وسلمت |
رد: أطلق سراح العقل
أسأل خيالك وين غاية مـــــــــآلك
حلق مع الفطره تحس بهداهــــــا الله .. الله صح لسآنك .. ولآهنت ع هالجزله |
رد: أطلق سراح العقل
سلام عليك اخوي حسين تعبقرت في
الفكره والمظمون صح لسانك مليون ولايكفون تقبل تحيات اخوك سعيد والاهنت |
رد: أطلق سراح العقل
الله عليك نص جميل ورائع
تسلم يمينك على ماطرحته لنا راق لي جدا ولاعدمناك |
رد: أطلق سراح العقل
صح لسانك أخوي حسين الحاثي
والله لا يهينك على هــ الأبيات الجزله تحيااتي |
رد: أطلق سراح العقل
اقتباس:
صـح الله لسانك ولاهان بالك=ابيات شعرك فالشعر ماوراها كل الشكر والتقدير لك ايه الشاعر الفذ . |
رد: أطلق سراح العقل
ياخطير وش هالقصييييده
بصررراحه استمتعت باسلوبك الشعري شاعر مميز ماشاء الله عليك والله يعطيك العافيه اخوي حسين والله يوفقك في كل نصوصك الشعريه وان تتحفنا دوماً ض29 |
رد: أطلق سراح العقل
اقتباس:
وأنت تستاهل الناموس والتقدير على طيب معدنك وأخلاقك شاكر لك المرور الراقي |
رد: أطلق سراح العقل
اقتباس:
صح بدنك ولا هنتي |
| الساعة الآن 09:49 PM |
Powered by vBulletin® Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
