الملتقى الجماهيري للشاعر محمد بن فطيس المري

ابن خمس الفهمي....

سلام الله بردية على الجاهز من الشعار==نبا نسعى لتنشيط القريحة والهدف سامي
ولالي خيرتاً بين النشاما والجميع أخيار==يقولون العرب ماكل مارد يروي الضامي

عبد الله السناني

هلا يامرحبا في ساحة الميدان شب النار ** وانا قد المواقف كان شفت الماقف الحامي
ترانا مانصوب للهدف ياخوك دون عيار ** مـدام ان الهدف موجود لازم تعرف الرامي

الفهمي..........

لعلك للبقاء ياصاحبي وأنا سمعت أخبار==تريح خاطري والسعد قدامك وقدامي
نبا نرفع مراميها بعيد ولابها معذار==وياصل علمها لصحابنا في الشرق والشامي

عبد الله السناني...

تفضل واعطنا الاخبار يالفهمي بدون غبار ** ونعرف سود الايامي ونعرف بيض الايامي
ترى سوق التجاره ياصديقي يعرف التجار ** تـقـدم بالــجـزيل وحـــاول انك تترك الطامي

الفهمي..........

اذا صار اليسار يمين ون صار اليمين يسار==ولاتشفع لبوزيد الهلالي كل الأعوام
وشوف الأرض ثارت بالعجايب والسماء مدرار==على روؤس الشواوي والرعايا راحت أقسامي

عبد الله السنااااني

ترانا من رجالن ماتراجع لآبتدا الـمشـــوار** ولي قدرة ولي سلطه على الاعداء والاخصامي
عسى الله يسترك يالفهمي من العالم الثوار** تــحزم فـــي حزامــك ولا انا مـــاتجهل حزامي

الفهمي

تقوله السناني مير اذا شفت العلوم اكبار==تفكر في المداني ويش معه والطرف مانامي
أنا ونته سوا والهم واحد والعرب والدار==ومن ضيع طريق الحق والميقاف ينلامي

عبد الله السنااني

كلامك ياوسيع العرف ماينقص لي المــقــــــدار ** وقدري مانــزل يــومن قــدرك طاح ماقامي
عسى الله يستر الاحوال ويفجرك يابشار ** مدام انا على التقوى ودوم بدين الاسلامي