الليلة إحساسي ألم مدري ندم مدري ضياع؟=بس الأكيد إن الخفوق يعيش ليلة مؤلِمَهْ
تدري الغريب بواقعي اللي مسبب لي الصراع=إني إنولدت وخافقي نبضة سكوته تظلِمَهْ

جيت من شوقي وشوقي جابني=لك وكل الكون خليته وراي
إيه مملوكة وحبك صابني=ياكريم الذات لا يطول عناي

جهات الخفوق الأربعة والنظر والسمع=وهرجه لسانٍ ردد أسمه... وغنى به
تنادي حبيبٍ من سبايبه هل.. الدمع=وروحي رهينة بين نظرته وأهدابه
وهبته خفوقٍ عن غلاالغير صِك بشمع=ولا له حبيبٍ الا الذي مات باسبابه

ينسى وجودي يقسـى حيـل وأضمـى لـه=وأبــل ريـقـي بماضـيـنـا ومـــا يـحــوي
أشتاق وأرتـاب وأشفـق شـوف مرسالـه=وذيـب المشاعـر جِويـع وداخلـي يعـوي
أسامـره طيـف وأشكـي لـه مــن أفعـالـه=وأكشف طعون ٍ حواها خافق ٍ يدوي
تعبـت أكابـر بجرحـي وأطلـب وصـالـه=أخـفـي همـومـي ونــاره للحـشـا تـكـوي
جـعـل السـعـادة تـبـاري صــادق آمـالــه=مسـيـت بالخـيـر دن إرشــاك لا تـطـوي

هانت حياتي وهان الدمع من عقبه=اللي منحني الحنان وحب خفاقه
اليا دعيته يلبي وأهتني بقربه=والقلب يفرح وشمسه تعلن إشراقه
بدل رحيله حياتي وأجدب التربه=والعين عقبه غزتها دموع حراقه
حر ٍ تعلا الفضاء قائد على سربه=شامخ ونادر وعملة عز براقه
يابوي عقبك شكيت المُر والغربه=وهموم بقعا علي فِتْحَتْ لها طاقه
الجوف ينزف بسيف الضيم والحربه=واليآس مجرم وفيني ثبت وِثَاقِه
مرحوم يامن سعى بِمْوَادَعَهْ ربه=خذاه مني ملاك الموت وإستاقه
غير القدر ماقدر شخص يتلاعب به=لأنه الشجاع الذي ماقد حدٍ فاقه
ياليت عيني تشوفه وأنعم بحبه=وأرجع لماضي حياتي حيل مشتاقه

يد الكريم يمدها جود من طيب =ويد الــردي لامــدها ماتجمل
أنا مقامي مرتفع عن ثرى العيب=ياللي عرفت إنك بكرهي محمل
وفر هروجك التفت داخل الجيب=الهى بعيبك منت شخص ٍمكمل
الحر حلق فوق رؤس المراقيب=ولا الردي مثلك بدربه مهمل

عجيبـة لعبـة الأقـدار أذا باليـآس مقرونـه=تردد في صدى الذكـرى أمانـي مالهـا آخـر
ظلام وهم جروح وضيق ودمعة عين محزونه=وغصة تحرق البلعوم ونفسٍ همهـا ناخـر
دعاني من بحور اليتم وجيتـه أحتمـي بكونـه=حضني بأعذب أحساس المحب الشامخ الفاخـر
مشيناها ضحك ومزوح وبدعنا القاف ولحونـه=نسينا أن القدر نـاوي يلاعبنـا وهـو ساخـر
وأشوف النفس تشكي لي زمانٍ ثبت طعونه=مابين الدم والشريـان ولاهـو للحشـا ذاخـر
طعني في صميم الروح ونزفت الهـم وفنونـه=من أحزان ال بحر غربة لضيقٍ بالألم زاخر
سهرت الليل أخايل له وقلبـي عـاش مفتونـه=اسامر طيفه الغالـي وأعبـّر شوقـي للآخـر

لي مع جروحي والألم عهد موثوق=ياللي جرحت وماتسمعت شرحي
تعال وآسيني على الجرح برفوق=ماظن في قلبي مساحة لجرحي
ماظن لي صحوة من الحب وأفوق=ياللي وهبتك كل جدي ومزحي

قهوني من دلة حروفك مُبَهَـــــرْ=مرتوي من زعفران وزود هِيله
وأمنحك قلــبٍ عن العــيبة مُطَهَرْ=ماملكه الا غــــلاك بــكل جـِـــيله
لعـــنبو جد الغلا ياكيف سَهَــــرْ؟=طرفي اللي ماروى بشوفك غليله
إن نـظرتك خافقي بالحب زَهَــــرْ=وإن بعدت الروح من بعدك محيله
أشهـــد إن الحــب خـيالٍ مُشَهَـــرْ=لالتوى بك شِبَتْ من صبحه وليله

على صهوة الغيمة رحلنا ولا أدري وين؟!=مشــاعر تــــنادي بالــوفاء تلبس الـــعفة
حــبيبي ملكت القــلب طــيفك سكن بالعين=مشـــاعر غــلاك بخــافقي تحــكم الــدفة

شهقت لك بالحب من شفت زولك=ياللي وسط قلب ٍ خضع لك تحكمت
زفرت غيرك مابقى حد حولك=عطيتك الرأية وبالحكم سلمت

أسجع مع الورق أسحب صوت وأجره=لهيت فرقاه صَرم باقي عروقي
الشوق تل المحاني وإنكـــسر جبره=والعين تنزف غلاه بدمع من موقي
آسامره طيف ليلٍ يحيي السهره=وأهيم به نور فجرٍ يكشف طروقي
القلب ملكه آسير ومنحكم بأمره=والفكر به داعب النبضات مع شوقي
ياليل ياليل حلمي تهت في سبره =رحلة ضياعي وجودي صافي الذوقي

ون الخفوق وشاركه كل مغبون=من نبضتي لي دمعتي لي طيوفه
أرهى على ذاتي هواجيس مجنون=مره طفل مره كهل به مروفه
مدري أستباح العقل أو كان مفتون=مدري وأنا أدري كل مابي يحوفه
أسكر على هرجه ولا أكون بالكون=أبحر مع الأشواق وأعشق وصوفه
ياللي تلوموني كفى لا تلومون=ترى العتب جاير لحتني سيوفه
إن كان مايدري تراكم بتدرون=إني بذاته عشت نبضه وشوفه

طن ٍ من الهم متربع على صدري=أزريت أشيله ياغير بقدره الخالق
يالله يالله ترحم من حوى القبري=أمي وأبوي وخفوق ٍ عقبهم عالق
عيت همومي تبارح والحزن يسري=جيت أطلب العون باللي للصخر فالق

ما هو يطولك ياعنب منهو قصير القامه=وأكثر عذاريبك مدح من مكثرين الذَمَهْ
اللي تخاووا بالردى حلف ٍعليه إغمامه=قامت تحامى بالمهار اللي خسارة ضَمَهْ
ماهم كفو تنظر لهم دامك رفيع الهامه=إعلم ترى من طاولك كفه قصر من كمه
أحتار في شوف الردي اللي حكمه إخطامه=طامع بعِدْ أهل الفعول اللي غبنوه بسمه
اليا نظروه بعينهم ماينتهض بعظامه=واليا مسكوه بغاربه عود سواة الحُرمه
ليت الزمن يرجع ورى والا يكف إسهامه=مليت من غض طرفي عن واسعين الذمه

ضيقة وهم وفكر متعب من البوح=ومشاعري عيت تطاوع زمنها
لكن على الله ضيقة البال والروح=الله كريم يعيد نفسي لأملها

أنا المهرة اللي ماقدرها عقل عساف=وقادت جميع إمهارهم يوم هابوها

تاتي مشاريهي على قدر ماغليك=واليوم لا والله على قدر الأوجاع
ماعاد في قلبي مساحة وأخليك=تطعن بها ياصاحبي تحت الأضلاع
البعد أكرم لي وغاية معاليك=أبشر بها والراس شامخ ولا طاع

الحب راعيه مع الناس يشقى=اليا غدى بالبعد كنه مجاهد
تعال عاهدني على الحب تبقى=ياللي ملكت القلب والرب شاهد

أبحرت في ذاتي وفـي أغوارهـا=وعلمـت أنـي لـن يـحـل وثــاق ِ
ومـضــيــت أقـنـعـهــا بــأنـــي قـــــادرة=على المضي بعالم العشـاق ِ
هيهـات قالـت لاتطيلـي بـالأمـل=فالعشق نار تحرق الأعماق ِ
العشـق بحـر لا يخـوض غبـابـه=الا عــــنــــيـــــد لا يـــــــهـــــــاب فــــــــــــــراق

الله يـــــــرد الــــغــــلا لــــزيــــارة ال..دوحــــــــه=تهـنـى بـشـوفـه عـيــون ٍ دمـعـهـا هـامــل
الآحــــي الـــــورق بـغـيـابــه عــلـــى دوحـــــه=لعيون من صان قدره ماهو إب..هامل

ياعاذلين القلب خلوه في حاله=يكفيه نبضه شكى من وقته الجاني
لا تعذلونه كفى راعوه في حاله=شوفوه مجني وخله أصبح الجاني

المشكلة لا خاب ظنك بيمناك=وشلون ترفعها بوجه المعادي؟
لاقلت تكفى وردد الصوت شكواك=وساقوك بالقوة برأسك تقادي
ماتت حميا منسبك والبلاء جاك=ويمناك ماتقوى بفعل الجهادي
أدخل على الله من تصاريف دنياك=لا ثارت الهيجاء وقدح الزنادي

يابوي حبك عشق في داخل الجوف=ماينزعة يابـوي ياكـون موتـي
ياالذيب حبي لك مغطى ومكشوف=يامادعيتك ليـن مابـح صوتـي
أعشق سنا فعلك ويذبحني الخوف=حبك غذاء روحي ولامـاك قوتـي

الذيب والله والدي راعي الطيب=اللي خذاه الموت مني بساعة
لا ماقدر به غير خالقك ياذيب=اللي نجي لرضاه سمع وطاعة

من بعيد يلوح طيفه يبتسم لـي مبتهـل=وأرفع النظره أخايل له طيوف ٍماتغيـب
يلمني بالشوق طيفه وأحتضن حيل الكهل=اللي أضنته الهموم وأبتدى رأسه يشيـب
قلت وينك ياعزاي يابعـد كـل الأهـل؟!=قال أنا يمك قريب لو زهمتينـي أجيـب
قلت يابوي أنتظرتك لي زمان وماتهـل=قال وشلون يتواجد بين هذي الناس ذيب ؟!!
قلت لو ترجع بيرجع كل صعب لي سهل=قال أرضي بالقدر وأذكرينـي بالقنيـب

فكري تريّث وأتركه لاتحاتيه=مدام فكره يولع النار بحشاي
خله بظنه تايه(ن) لاتصحيه=بكره يبي يبكي على طلال ذكراي
أنا شموخ الذات شيخه معاليه=والا الردي مثله أدوسه بماطاي
مهرة جفول ولا حكمها بأياديه=تعشق طبول الحرب ماهزها الناي

حبك غصب لو حاربه كل جيشي =يفرض قوانينه على نبض محتل

ديني خذاه الزمن من خزنة أحلامـي=واللـي تـرك لـي همـوم وونـة وفرقـا
ياليـل طيفـه يسـرى خطـوة أقـدامـي=على دروب الضيـاع ودمعـة ٍ زرقـا
من عقب ما أنا مليكة قلبـه الضامـي=أصبحت ماضـي يعيـده نايـح الورقـا
الله يسـامـح غــلاة وسـالـف أيـامــي=توي عرفت إن روحي بالهوى غرقا

أكتب شعوري لك وأغلف به الجرح=وأدعيك من خافي ضميري وأراعيك
حتى بديت أتفنن بروووعه الطرح=لعل يشفع لي ويرضي معاليك
أسهبت ذكر أسمك وأكرر به الشرح=وأدعي إلآه الخلق يالحب يحميك

داخل أعماقي لقيت البوح غير=دنيا غير اللي طلبت أقضي بها
دنيا تصرخ جرح والخافق كسير=آه ياربي السعاده جيبها
المشاعر تشتكي وأنت الخبير=من لهيب الجرح تطلب ثيبها
والنواظر هلت الدمع الغزير=وانا مثل الكل راضي بعيبها

جيت أبدله عن همومي والحزن عيا يغيب = شفت ماجدد جروحي وهز نبضات الخفوق
شفت قبروشفت دمعة والأمل واقف غريب = آه ياطوله عذابي والحشى... عيا يروق
ليت قبرٍ ضم غالي يفرج.. لجسم الحبيب = وليت ربٍ شال روحة يامر وبأمره تفوق
آه ليت أبوي يرجع وأستمع صوت القنيب = لاعوى ولد الحموله به نشف دم العروق
ذيب والمرقاب عالي وباللقاء فعله يشيب = وإن وعد يافي بوعده والله إنه مايبوق

ليتـه مـن البعـد ياتينـي وأنـا أجـي لـه=الصاحب اللي وصاله طب لجروحي
ياسعـد مـن هـو تقهـوى مـن فناجيـلـه=عز الله الا أنكتب له عمـر لـو يوحـي
لبيه ياصـوت داعيـه وخطـى أرجيلـه=لـبـيــه لـبـيــه يـانـزفــي ويـابــوحــي

صوته يزلزل مابقى من شعوري=وتهزني لأشواق وأقول له سم
الصاحب اللي في حضوره سروري=واليا ومرني قلت له حاضر وتم

قولوا له ان الحب ماكـان تمثيـل=وأن المشاعر صادقة بالوفاء لـه
وأن الغـلا لـو مـت مافيـه تقليـل=يكفي يكون النبض كله فـداء لـه
ويكفي أموت ولا أبي منه تحليل=خلوه ينساني ولا جـي في بالـه

ياصاحب الجرح لاتزعل على شانه=ولا تعـذب خفوقـك دام هــو سـاهـي
مابيك تشفق على وضعه مع أحزانه=ريح ضميرك وعيش العمر متباهي
لا لا تجيني تعـزيـنـي بهـجـرانـه=أنا شمـوخ الجـروح وكلمـه الناهي

أنـا شـمـوخ النخـيـل ووقـفـة الهـامـة=وأنا عيون القصيد ولهفـة الضامـي
أنا الفريدة وأنـا اللـي خافقـك سامـة=وأنا اللي إبتتركك والجرح بك دامي

أنادي لك من أعماق الخفوق اللي سهر مابات=يــــردد نبضه الونه ودمـــــه ينزف إجـــراحك
ترد بـ (هآه)بعد(لبيه) وأنا أسحب خافي الونات=ورب الكون يالغالي نبشت الجرح بســــــلاحك

لبـيـه يـانـور صـبـح(ن) فـيـه يجمعـنـي=لبيه ياهمس صـوت(ن) يسلـب أعماقـي
لـبـيـه لـبـيـه جـيـتـك شـــوق يتـبـعـنـي=صدق الوفاء اللي نظمته شعر باأوراقي
ياطيـف ماغيـر شخصـه حـيـل يدفعـنـي=لمعـانـق الـحـرف دام الـشـوق حـراقـي
أجي بضعـف الأنوثـة وفــوق يرفعـنـي=تقدير وأحساس وأسكن منـه الأحداقـي
شوقـي لـه يزيـد لـو الأقـدار تصفعـنـي=ماجيت شاكي جـروح ولا شكـى فراقـي
عـلـى دروب الـوفـاء ياصـبـح طبـعـنـي=أسقيـت ورد التواصـل دمع الأحداقي
سطرت له قـاف ليـل(ن) فيـه ودعنـي=على وعد باللقـاء فـي صبـح الأشواقـي
أرخى عتابه وأنا اللـي خفـت يفجعنـي=بـمـوادع القـلـب يـومـه حـــل ميـثـاقـي
أثـره عـلـى درب وصـلـه عــاد متعـنـي=بمعانـق الصـوت والترحـاب لـي راقــي
ماهمـنـي عـاذلـي لــو كـــان يسمـعـنـي=نعـم عشقـتـه طـهـارة تسـكـن أعمـاقـي

جيت أبدله عن همومي والحزن عيا يغيب = شفت ماجدد جروحي وهز نبضات الخفوق
شفت قبروشفت دمعة والأمل واقف غريب = آه ياطوله عذابي والحشى... عيا يروق
ليت قبرٍ ضم غالي يفرج.. لجسم الحبيب = وليت ربٍ شال روحة يامر وبأمره تفوق
آه ليت أبوي يرجع وأستمع صوت القنيب = لاعوى ولد الحموله به نشف دم العروق
ذيب والمرقاب عالي وباللقاء فعله يشيب = وإن وعد يافي بوعده والله إنه مايبوق