يا بادعين القاف أنا ويش ابـا اقـول=واليـا بدعـت القـاف كـلاً يــرده
وإن جيت أهاوي لي من البيض مجمول=والـيـا ورايــه واحــداً زاد وده
وان جيت أبرمي بذنـي كـل ناجـول=وإن جيت أسـد الريـع كلـنً يسـده
وإن جيت أعدي مرقباً قلـت مجهـول=واليـا ورايـه واحـداً بـاق جــده
يا راكباً مـن عندنـا كنسـن حـول=مـا فوقهـن كـود القـرب والأشـده
مثل النعام الربـد وإن راح جهجـول=واليـا عطـالـه رقــة مسمـهـده
أسلم وسلم لـي علـى الشيـخ مقبـول=شيخ الشلاوى اللي ورى الضلـع قـده
تلقاه فـي بيـت كثيـر بـه الضـول=ومشيـداً كنـه علـى فـرع جــده
وهوه كما عـدٍ مـن البـدو مدهـول=احدٍ قطـن و أحـدٍ نـزل فـي مهـده
وهوه كما سيفً مـن الهنـد مسلـول=ليـا هـوى يفصـم الضلـع حــده
طريحنـا منهـم نشيلـه ليـا الحـول=وطريحهـم منـا كـلا الرمـل خـده
وحنـا شبابـه ناخـذ الفعـل بالـدول=حـبـل يمـدونـه وحـنـا نــرده