يلهمني الله بطوله بال من عنده=ولا ورى الخلق مابي مطلب وحاجه
يقال هرج ٍ يردك يافتى بده=وأقول ليت الخفوق يعّين إفراجه
ليت العواذل تغيب وتنوي الصده=أو ليتها خلف باب ٍ محكم إزلاجه
مدام كل ٍ يحصل رزقه بزنده=راعي الحسد وش عليه مقطب إحجاجه؟

هان الغلآ والهجر سرج خيوله=وأنا خفوقي للصبرمد كفـه
عذري ماكل الي نوده نطوله=ولا كل حي نال بالـكون شفه

مُر الفرآق أعطب معه روح تشتآق=للي الغلآ له وثق القلب بسمه
ليت الأمل يِرجع رجاء كل مشتآق=كان الثغر مامل من شوق بسمه

أكتم همومي وأمنع الدمع مابوح=وأسقيك حب ٍ صادقٍ ماهو برمس
آمر والبي لك من الروح للروح=ياللي غلآك بداخلي منغمس غمس
لا لا تضيق وتودع القلب مجروح=من ضيقتك ضاق الفضا والفكر عمس
قلبي وروحي والفكر دونك صروح=والشوق طاغي والامل لمحه الشمس
تعال دم القلب من بعدك يفوح=والنبض ياشوقي حمس مهجتي حمس
أسمك ورسمك ماكتبته لك بلوح=لكن كتبته لك ببصماتي الخمس

يتل قلبي الشوق والبعد كايد=بعد الغلآ ماهوب بعد الجنوبي
زوله معي لاشك بالفكر نايد=وينه عسى ماعاف خطوة دروبي؟
أربع ليال وهقوتي العد زايد=والجو غّبّرْ وأقتفته الهبوبي
لا يحسبن قلبي الى صد عايد=خطوى الوحش يكفخ بريشه لعوبي

مـهتني نـومه يداعـب مـحـجـره=والسهـر شـوق ٍ هـدآه لمحجـري
ياسواد الـلـيـل ليـتـك تِـسهِــره=طرف عين اللي خذا قلبٍ طري

يقولون بالأمثال إن ( الهوى غلآب)=وأنا أقول مايغلب سوى ضعيِف الحيله
صحيح الهوى كافر وشوقه نعم نصاب=ولكن صدوق الحب ماتنهزم خيله
الا ياسواد الليل .. لقلبي عليك عتاب=ترفق ترى الخفاق يشكي من الميله
طواني العنى والهم واحد من الأسباب=وباقي الامور تقول قلبي فتر حيله

ذللت له قلب ٍ من الحب به خوف=وأحنيت له هامة غلآ ونظرة العين
حتى قدى شوفي بلاماه ملقوف=وختم على روحي ونبضي بختمين
إسمه ورسمه وإنحجب ناظر الشوف=غيره فلا أدري به ولو هم ملآيين

ينحني له طوع قلب ٍ مهتويه=ويرتفع به نبض شريان ٍ هواه
وتبتسم له شفة ٍبأسمه تتيه=وتنبهر به نظرة ٍترجي رضآه
جعل رب الكون بأمره يحتميه=وجعل فاله خير بدروب الحياه

وحّــــــــــــــــــد الله يــــاخــــفـــــوقـــــي لا تــــــضــــــيــــــق=لا تــــضــــم الــــجــــرح واحــــزانــــك تــــدوســــه
أشـــــهــــــد إن الـــلــــيــــل مـــايــــعــــرف رفــــــيــــــق=كــــل مـاجـيــت أســهـــره أعــلـــن عِـبــوســه
وأشهد إن الشوق مسجون ٍ طليق=كـيـف مــدري؟ الـغــلا خـالــف طـقـوسـه
إحـتــوى ضـيــم الـبـشـر صـــدر الـغـريـق=وإنحجـب نـور الأمــل وأعـلـن يـؤوسـه
الأمـــــل دربـــــه عــكـــس ســـيـــر الــطــريــق=والرجـا غصـن ٍ تكـسـر مــن يبـوسـه

بكرة يبي يكشف لك اللي تخبى=من ماضيات الوقت والا جديده
وأنا بقول القلب لرضاك حبى=وجرى غلاك بدم صافي وريده
أشوفك مقفي ولا فيه سبى=سدلت جنحانك حن حدود بيده
إن جيتني وناديت رديت لبى=لبى عيونك جعل روحك سعيده
إن غبت زرع القلب بالعون شبى=ودقات نبضاته تزيد الوقيده
يالله دخيلك خافقٍي به تربى=وأصبح بدنيا الحب والله سيده

ينساني أحساسي الى قلت بأنساك=وأصبح مجرد ذات منزوعه شعور
أشباح بعدك طاردتني بفرقاك=ورديت معها ونظرتي ترتجي نور

يبل ريق القلب شوفه والوصل=يزيح عن نبضه همومه والجراح
الخفوق اليا ذكر كل ماحصل=إنتهض وأرخى المدامع له سلاح

به ومنه وفيه حرفي والقصيد=صاحب الطولات راعي المرجله
شامخ الهقوات بو رأس(ن) عنيد=في ضحى الهيجا تسابقة إعجله
أشهد إنه عزوتي ودم الوريد=في حنايا الجوف قَدرِه سجله

نيران بعده لهبها إجتاح شرياني=وأظلم فضاء القلب والدخان مجتاحه
وارضه هشيم وشعوري مات بأحزاني=والحب منصاب غادر ينقل إجراحه
عقب المحبة رحل بالدرب وحداني=من عقب ماهو بقربه عايش بواحه
الله يعينه وهذة ميزة أزماني=لابد تجرح غريب(ن) عاش بأفراحه

هانت على روحي تفارق جسدها=ولا تفـارق مــن ســرى وســط دمــي
الـلـي عـلـى قلـبـي جـنـوده حـشـدهـا=أنـــا أشـهــد إنـــه زاد بـالـبـعـد هــمــي
ليـت القـدر يتـرك لروحـي جهـدهـا=مـاكـان زاد الـيــآس يـانــاس غـمــي

تهت في عمياك وأخطيت الهدف=لا تحسب الصدر لك دائم وسيـع
لـعـنـبــوه الــحـــظ مــلــعــون الـــجـــدف=ساعدك ولا أنت مـن قبلـه وضيـع
الـلـيــالــي بِـــنْــــت والـلــقــيــا صُـــــــدف=والــــزمــــن دوار والــــشـــــاري يـــبـــيـــع

تــيــار حــبــك يــاهـــوى الــبـــال جـــــارف=تــل الخـفـوق وجـــز حـــدب الضـلـوعـي
ضـاع الفكـر والعـقـل مـاهـوب عــارف=اللي جرى بالروح شىء ٍ يروعي؟!
أصـبـحـت أشـبّــر عـالـيـات الـمـشــارف=والآحــــي الــورقـــى وأرخـــــي إسـمــوعــي
يمـكـن يجيـنـي بالـخـبـر مـنــك طـــارف=يسـعـد خـفـوق ٍ مــن فـراقـك جـزوعـي

مكّنْ جروحه داخل القلب عن عمد=الله يستر ويش باقي بياتي؟
حتى عيوني من البكاء أصبحت رُمد=والروح يشعبها الحزن في حياتي

ليتك تعرف..أني معك..أنت بالذات=أصدق من السان الطفل.. لو سألته
وأنك شعور القلب ومن خافقي جات=أعذب حروف..الشعر لجلك..بدعته

وظآئف الخفاق ماهي إبث الدم=وسط كل عرق ٍ بالجسد لين يسري به
لزوم ٍ عليه إيشيل حمل الغلا ويهتم=بمقدار شخصك يوم نبضي عوى ذيبه
حبيبي ترى الأشوآق ماهي بكيف وكم؟=تزاحم مع الأنفآس والوجد تلوي به

نهر الغلا من قاصي القلب جاري=وأنهي مصبه في ديار ٍ بعيده
دار لها ينبض خفوقي إجباري=اللي سكنها من منحني وريده
حب الشرف يضوي بليل الغداري=مايلحقه هرج القفا والمكيده
ليت البشرتبعد وتترك مداري=وأفرح بوصل اللي يروم العنيده

به الروح من جور الصواديف مسنوده=عسى الله يحفظه وين ماكان منزاله
حبيب ٍ على طول الزمن حافظ عهوده=وقلبي حظيظ إن كان ماعاقه إوصاله
رجيته ولا غيره غزى القلب بجنوده=كسب نبضة الخافق وتله من إحباله
عسى الله يثيب القلب مدام مقصوده= وفاء والوفاء مرهون باقفاه وإقباله

لــــه كــــل دقــــه بـقـلـبـي وكــــل تـنـهـيــده=وله كل حرف ٍ كتبته بالغلآ شاهد
الصـاحـب الـلـي وهبـتـه خافـقـي بـيـده=يالله عسى خافقه عقبي غـدى زاهـد

لـيـه أحــس أن الـفـراق دربـنــا رغـــم التـصـافـي=لـيـه أحــس أن الـجـراح مــن غـرامـك مكـسـبـي
ليه أحس انك غريـب مقصـده جـرح وتجافـي=ليـه أحـس أنـي ضحيـة مـعـك مانـلـت أطلـبـي
ليـه بأشعـاري أشـوفـك رمــز لـحـروف القـوافـي=ليه بأحساسي أعيشك وأنت جرحي ومطلبي
لــيــه يـاخــلــي شــعـــوري دوم تــذريـــه الـســوافــي=ينمسح وأرجـع أخطـه وأخفـي نيـران أغضبـي

الليل والقمرا وشوقي وطيفك=والحب والنخوة وفزعات ثائر
تزامنت في خافقي وجيت ضيفك=والقلب يسبقني بالأشواق طائر
الى متى بشكي لواهيب صيفك=الى متى وأنته كما الطيف غائر؟؟؟

جُد بعطفك ياكريم الذآت جود=شف يديني في يدينك مدها
المحبة لك عطايا وكف جود=من مشاعر ماتِمِننْ مدها

يرددهـا علـى سمعـي ويعزفـهـا عـلـى أنغـامـه=وأنـا طـرزت مـن صبـري كفـن والبعـد ديانـي
كفاني كل ماقاله وحب ٍ صادق ٍ ضامه=وقلب ٍ مـن جفـا رده دمـج جرحـه بشريانـي
سـواد الليـل والنجمـه وعهـد ٍ للـغـدر سـامـه=تواسينـي علـى الفرقـا وتعـلـن إسـمـه الجـانـي

أرجوك لاتنبش جروحي وتوجعني=ماعاد في القلب ماياسع لطعناتك
مابغي أعاتب ولا أطلب منك تسمعني=صمتي قناعة في وجه أقسى قناعاتك
وأرجوك لا عاد للضيقات تدفعني=يكفي حملت الحزن مع حمل ضيقاتك

تعال ياللي جرحت القلب بسكاتك=تعال وأكشف ظنونك ليه مخفيها ؟
أنا تراني الأصيلة عند هقواتك=والله إن تموت الأفاعي وسمها فيها

أكتب شعوري لك وأغلف به الجرح=وأدعيك من خافي ضميري وأراعيك
حتى بديت أتفنن بروووعه الطرح=لعل يشفع لي ويرضي معاليك
أسهبت ذكر أسمك وأكرر به الشرح=وأدعي إلآه الخلق يالحب يحميك

حيل الله أقـوى والرجـاء بالمقابيـل=ترهي على القلب الحزين إنشراحه
ياما حـلا شـوف النِجـر والمعاميـل=وشب السمر والشِقْ مطوي جناحه
وشوفه زعيم القلب شيخ الرياجيل=ذيبي الـذي راح الفـرح مـع مراحـه
اللي خذاه المـوت مافـي يـدي حيـل=ولغير رب الخلق عسـر ٍ مطاحـه
كـريـم سَـبْـلَا مـدتــه نُـــدَرْ الـحـيـل=واليا أعتزى يِرْهِبْ عـدوه صياحـه
عسـاه للجـنـة رحــل نــادر الجـيـل=عقبـه شكـى قلـب اليتيمـة إجراحـه

تاتي مشاريهي على قدر ماغليك=واليوم لا والله على قدر الأوجاع
ماعاد في قلبي مساحة وأخليك=تطعن بها ياصاحبي تحت الأضلاع
البعد أكرم لي وغاية معاليك=أبشر بها والراس شامخ ولا طاع

يكفيني الجرح والأحزان والضيقه=ما عاد أبي منك تسألني عن أحوالي
تجاهلك والسفه ماحب تطبيقه=ودامك نويته خلاص أبعد ولا تبالي

هات الخفوق ورد كل المشاعر =ماعاد أبي تفتح معي للهوى باب
كذاب بهمومي أبد منت شاعر =يامزيف إحساسك ترى الحب غلاب

هَرم الخفوق وزاورة سقم نبضه = وأنت البعيد اللي مكلف تداويه
لو لف كل الكون طوله وعرضه = عيا شبابه غير وصلك يشافيه

يكتبني الجرح ولا الجرح ماله يدين=ويسهرني الليل ولا من السهر ردني
أنا كتبت الجراح بنزف مع دمعتيـن=وأنـا كتمـت إشتياقـي والغـلا حـدنـي
الحب عالم خيالي يختصـر بكلمتيـن=لــوهو نطقـهـا لغـيـري للـكـفـن مـدنــي
يعني ياروحي آسيـرة بيـن هالعالميـن=حتى المشـاعـر سبـايـا والـهـوى شـدنـي
كـل كلـي أمـانـة عـنـد ذرب اليمـيـن=والـغـلا لــه إلحـالـه بالبـشـر سـدنـي

ورب الكون يالغالي بأن القلب لك مملوك=ولو ذا الكون باللي فيه هجرني جيتك الحالي

زيد من تحطيم ذاتي وأحتقرها=دامها عاشت لجل ترضيك هون
ولا تبالي لو تزود من قـــهرها=دام دنياها كذا هم وحــــــزون
من بغى منك فروحك ماعذرها=ومابغيته لك يلبى ولا تـــهون
الليالي ماتروف بمن سهرها=والمشاعر تنتظر طبع الحنون

أجرح وحطم بس لاتطري البعد=ترى حياتي تنتهي ببتـــعادك