جتني تبي تستفسر وقلت لبيه
عسى الجهل في زينة الخلق عاده :$

اي والله ابشر بما يرضيك وارقى سنود
بإذن الولي عقب ضاقت بك بترقص طرب
صحيح ماعشت عمري بين [خيمه وذود]
مير" الحضاره " ماتنسينا سلوم العرب

العصر ماني يمّكم يا العزيزين
المعذره .. يا عيال خالي , وعمي
العصر والله جلستي بين الاثنين
وفنجالن امدّه على ابوي وامي

غلطتك هذي شوّهت كلّ مافيك
غلطة عمر يازين صابت و عابت

ايه اعترف لك طحت من عين مغليك
مير البلا انك داخل القلب .. ثابت !

كيف صرت اخوك ومنوّل حبيبك
لعنبوها خوةً عقب / المحبه ,

ما ستر دمع الحسايف كبر عيبك
ليت " قدرك " مع ذرايفها تكبه !