|
رد: عبدالله السناني + محمد الشريف
انا مابديت هذي المحاوره الا انا خاسل يدي من محمد بالصراحه
, وحكموها مثل ماتبون , انسان جيته وقلت له يامحمد انا ماعرف ناصر , ماصدقني بعدين حلفت له بالله اني ماعرف ناصر ولا لي عليه طريق ويقول لاتحلف , عاد انتم حكموها , الانسان اللي تحلف له بالله ويكذبك , كيف ترضيه ؟؟؟؟؟؟؟؟؟ ياخوي بالمحاكم , على قضايا ارقاب , إذا مافيه دليل يحلفونك , وتخرج وانت احلف لك اني ماعرف ناصر وتقول لآتحلف ؟؟ وش حادني على الحلف , والله ياخوي لو كنت اكذب ماحلفت لك لو تطير |
رد: عبدالله السناني + محمد الشريف
محاورتي يمحمد مع اخوي عبدالله
كان معناها واضح الاخ عبدالله كان له عتب علي في مهمة الاشراف وانا وضحت له انني اوازن الامور واعطي كثير من الناس حقها حتى لو على نفسي بعض الاحيان واخذنا في الفتل والنقض على هذا المعنى... ولم نتطرق لاحد لا بخير ولا بشر... بل كان محور الحديث يدور حولي أنا ، من هجوم لعبدالله ودفاع لي، وفي بعض الاحيان نصائح وفي بعض الاحيان تمريرات على بعضنا البعض... لم نتطرق لشخص او قبيله ، وانت شاعر قدير وتستطيع ان تستنتج ذلك من خلال المحاورة... ولكن ممكن اخوي محمد انه اتى بتفكيرك كما جاء في تفكير بعض الأخوان ، ان فيه مشكله بيني وبين ناصر او شونق، وهذا الامر اصلا غير موجود في الاطلاق ، ولو بيننا شيء واجهنا بعض وجها لوجه ، ولم ننتظر من اي طرف اخر ... وهذا اكبر الأدله .... ولكن ربما انشغالي في الدراسه سابقا حال دون ان ابين للناس واقطع الشك باليقين.... انا ما كان ودي ابين معنى المحاورة ، لانها محاورة تلعب على معنى مدفون، وهذه سياستها ... ولكن للضرورة أحكام ... واطلب العذر من اخوي عبدالله السناني في هذا الأمر... اتمنى انها وضحت الصورة اخوي محمد.... |
رد: عبدالله السناني + محمد الشريف
اخوي عبدالله اخوي محمد
انتو اكبر من الكلام ذا كله ، انتو اخوان وغالين ولا يجب يكون بينكم الا كل علم غانم .... محمد حنا شعار جميعا ولكن قبل ذلك انا وانت وعبدالله وغيرنا هنا عيال قبائل ونحسب الكلمة قبل نقولها والله يالخوي ان العلم اللي في راسك ماحن بحوله ... وانت اكثر واحد يعرفني ، وتعرف ان في كلمة الحق والله ما يهمني الا خالقي... لكن قبل هذا محبة الرجال وخوتهم مبداه على كل شيء... لانا جينا نبحث عنها ما جينا نطردها ... صدقني يالخوي.... لبى قلوبكم تعوذوا من ابليس وكلكم عينان في راس واحد... |
رد: عبدالله السناني + محمد الشريف
انا والله عن نفسي لازعلان ولا شي , هو محمد اللي زعلان ,
وجه لي كلام غير صحيح , وبس ليش ازعل ؟ |
رد: عبدالله السناني + محمد الشريف
ادرس الموضوع اخوي محمد
وفكر فيه واعرف ان خويك هو خويك ما تغيره السنين... وانا ما ابي منك الا انه يروح الشك اللي في قلبك ، ويعرفون الربع وجهة النظر وانها انزالت... وتبقى الاخوة الصافيه النقيه بيني وبينك وبين عبدالله مثل ما كانت واحسن ... ساترك الموضوع وساعود له لاحقا ومثل ما قلت لك فكر واحسبها وانا خوك.. وتلقى خويك هو هو... مضطرين نطلع نقضي اشغالنا.... تحياتي للجميع والمعذره اذا اشغلناكم بالموضوع... |
رد: عبدالله السناني + محمد الشريف
تسلم اخوي عبدالله..
وان شاء الله اخوي محمد بعد مافي خاطره الا الطيب .. وانا اعرف ان المعدن الأصلي ما يصدأ مثلك ومثله وشرواكم .... تحياتي لكم... |
رد: عبدالله السناني + محمد الشريف
الاوله المعذره العذر الكبير منك يافهد وانا لك مابين قدمك وحذيك فيما اردته
كلمة والله تكفيني عن الدنيا ومافيها عبدالله يقول انه قالي والله وهو والله ماقال والله ولاشي ولادخل في السالفه ولا اصلا تكلم معي والمعذره منك ومن عبدالله ومن اعضاء المنتدى بالكامل والخطا وارد ولاني بمعصوم عن الخطا وانا اعترف للجميع اني اخطيت على فهد كثير الخطا ولا اما من ناحية عبدالله فالتفاهم بيني وبينه لانه خذا حقه وزياده وابد الي تشوفونه علي ابشروبه وانا حاضر للي تبون ومابين القدم والحذيان يافهد والسلام اختام |
رد: عبدالله السناني + محمد الشريف
محمد الشريف انت تقول اني ماقلت والله , طيب ادخل الصفحه اللي قبل وشوف هذي مشاركتي
يافهد , هذا نسي كل شي وجاء يتكلم ويسرد أكل مقلب بتفسيره , ويحسبه صايب , والشرهه , على قولة الشاعر , ان شرهت اشره على من تقفره * وان عتبت اعتب على الناس الكبار , واللي مثل محمد يجي ويحط بخويه شي كذب , فهذا والله مايهم ولا خوي اصلآ وانا والله ثم والله اني ماعرف ناصر منهو , ولا دريت اذا كان فيه واحد اسمه ناصر ولا ادري وش مشكلته اللي تقولون , وشنق ونق من خلال المنتدى شفت له قصائد لآ أكثر ومدري وش صار , جايني يقول تسب خويك , منهو خويي؟ اعرف ناصر انا عشان يقول خويي المهم , اللي يبي يزعل بدون سبب , الله لآيرده , وصح بدنك يافهد ولا هنت على المرور وانت تجي بعدها تقول لاتحلف , كيف تقول ماقلت والله وانا عن نفسي اللي ابي منك تستر ماواجهة , والله يوفقك |
رد: عبدالله السناني + محمد الشريف
مداخله بسيطه لو سمحتوا
من ناحية المحاورات ومعناها فياليت ماحد يفسرها والشاعر اللي يشك أن المعنى فيه يفتح موضوع جديد ويطلب الشاعر اللي يبيه ويتفاهم معه بدون تحليل وكلام ماله داعي ومهما صار الأمر بسيط مزوح تجي وتروح ماتعقب جروح وبدون مجامله الهباش والشريف والسناني من أفضل شعار المنتدى ومايصير بينهم الكلام هذا |
رد: عبدالله السناني + محمد الشريف
حياك الله يالشريف ،
ومجار وانا خوك وعذرك مقبول، ومكانك على العين والراس، وهذه هي الاخوة الحقيقية ، وكلنا نخطي ، ولكن تبقى علوم المرجله اللي ربونا عليها شيبانا، هي اللي الوقود ، اللي يسيرنا لاعلى المراتب ، من قبل الشعر وغيره... عذذرك مقبول ، وعداك العيب ، وانت وعبدالله عينان في راس ، لاهنت وان جا منا خطا ، فاعتذر بعد ، ويشهد الله ما يهمني قبل ذا وذاك ، اللي التشرف بخوتكم ، وتبادل علوم المرجله، والمثل يقول : معرفة الرجال اكبر تجارة ، فمابالك لو كان توجهنا واحد ، وجمعنا امر واحد... لاهنت يالشريف ولاهان عبدالله... وارجوا من الاخوان اللي جو ما عاد يتعرضون السالفه الا بشحم... انا وعبدالله ومحمد ، تفاهمنا وانتهى اللي بيننا بمزارق الطيب ، والعلوم اللي ترفع الراس... وياليت مشرفنا الغالي يقفل الموضوع الله لا يهينه ويسلم قلبه... واعتذر منك اخوي خالد ومن ادارتنا نيابة عن اخواني عبدالله ومحمد عما بدر منا ... حزة شيطان وزالت ،، وانتو تعرفون قيمة أصحابكم ومكانتهم بينكم .... واسفين ثم اسفين ثم اسفين... مد ام الشحم يا محمد ، مد ام الشحم يا عبدالله... حنا وكما كنا الاصحاب الأوفياء ، وما يفرقنا سوء تفاهم أو غيره.... تحياتي يالنشامى،،، |
رد: عبدالله السناني + محمد الشريف
بيض الله وجيهكم هذا هم إخواني اللي أعرفهم فهد ومحمد وعبدالله وكلهم للأمانه من عرفته ما عمري شقت منهم غلط على احد والشريف الله يوفقه بإعتذاره لأخونا فهد يدل على طيب اصله ويزيد من قدره بعيون الكل لا هنتم وهذا عهدنا بكم المحبه وصفاء السريره دمتم مبدعين وربي يسعدكم ويوفقكم تحياتي وتقديري |
رد: عبدالله السناني + محمد الشريف
عبدالله السناني يامحمد اجهز جعل ربي يعينكّ ون طول الموال واشيب عينكّ اكحل رموشك بعد ماكتف يدينكّ واللي يشب النار يصبر النار أبرك وشيل الحمول ان كان ظهرك رزين **ون كان ظهرك خفيف الحمل لايـفـتـقـه دهورك شيطانك اللي مــايعرف الـــيقـــين**أستح على وجهك وجنّب عن الخـنـبـقه محمد الشريف الصاحب الي حيلته في صحيبه امنين ماغطيته يبين عيبــــــــه العيب عيبه والهزيله نصيبــــه والي يشب النار يصبر على النـــــــآر انا جمل يالسناني من قديم السنيــــن**والي سواتك ترى سهلٍ علي اعتقــــــــــــه يالمسلم الي عرض في سكة المسلمين**اعلومكم مسبقه وسلومكم ممحقـــــــــــــه عبدالله السناني العيب في هرجك ووجـهك ومــذهبك ولخوف بعضامــك وقلبك وبركبك ون طول المشــــــوار راكبك راكبك واللي يشب النار يصبر على النار مانته جمل يامحمد انتــه ام القـرين **لاكن وجهك مابين الناس وجه سلقه حنا رجالن على الميقاف دنيا ودين ** واما انت سيرتك والله سيرت مطلقه محمد الشريف الدين جعلك غانم ابعد عن الديـــن منته برب البيت مخلوق من طيـن حنا مع المختار لاشك ماشيـــــن بانت نواياكم عساكم على النـــــــــــــــــآر انت ان ضربناك تمشي من يسار ليميـــن**لاكن تكفى الكلام انطقــــــه لاتنهقـــــــــــــــــه تراي قد قلتها لسعيد من قبل حيـــــــــــــن**يامال قطعة شحم خلك من البقبقــــــــــــــــــه عبدالله السناني كيف اتبلى صاحبك بالظيلمه تسمعو ياهل العقول الفهيمه رجال عقله مثل عقل البهيمه اللي يشب النار يصبر على النار انت ان حشرناك مالك من يدينا عوين ** مانقدمه بالكــــريك ترده بملعقه بعطيك علمي وصبرك ياقصير اليدين ** اسعيد رجال وانته منت رجلٍ ثقه محمد الشريف ماقدمت يمناك شافته عينــــــي يابو ذنيب وراس مثل الحصيني في المرجله مادينكم ربع ديني بانت نواياكم عساكم على النــــــآر يالمعدن اللي ليا حكحك بمعدن يبيــن**راسك ليا شفت ابن الاشـــراف جا دنقــه سعيد رجال وانتم وش لكم ياثنين؟؟**لو جا يحلف لي الهباش ماصدقــــــــــــه عبدالله السناني اعطيك حقك يازبون الــــرديه يالراعي اللي باق نص الرعيه دينك نعرفه يوم جات الحــميه لو العجايز تدعي النار للنار وشلون تبغى زعامه وانت مكسور عين ** وش رايك اخذك طول الليل بالطقطقه اسعيد والنعم لاكن انــــت ويـنـك وويـن ** يالشاعر اللي خبيث وخبثه بــمـنطـقه محمد الشريف حقي على روس الجبال العوالي انا ولد رجال وانت ابن عالـــــي والدين دين احمد رفيع الخصالي لاصرت حافي رجل لاتدعس النــــــار ترطن علينا وحنا مانحب الرطيـــــن**ان كان عندك رطين نشوفلك صندقــــه ارفع علومك ولاتسقط بعيني مهيـن**اخـــاف بكره يودنك على المشنقــــــــه عبدالله السناني دولتك مهزوزه والاوضاع ياما واستكفروها الكافرين النـشاما افطن لهــــا بالـثـانـيه ياغـلاما واللي يشب النار لايامن النار لاتحسبنك على كل الاوادم فــطين ** ان كان جيت السناني حطك بمحرقه لاتشتمون الاوادم وانتم الناقصين ** والعار في وجهك الله من زمن لزّقه محمد الشريف ياورع انا ماحب هرج الوراعيــن واذا انت مسكينٍ جعلك السكاكين قد ريحتك تنفث بهن الشكاميـــــن هذا السناني وابن هباش في النـــــــار شمت فيني العرب والعالم الطيبين**السانك وفمك يذرق طبعك المذرقــــه حنا عليكم ولو طال الزمن وارثيــن**العز والحكم والتوحيد قبل الفقــــــــه عبدالله السناني ياورع لاصـاحي ولاانتـه بمجنون متلوثن دمك وشــــاربك مـدهون واليوم تقل انك من عيال شارون واللي يشب النار يصبر على النار الله يكرم جميع الناس والسامعين ** الكلب الاطوق ليا هز ذنــبه نصعقه يالعالم اللي بلبس العار متسترين **لاشفت درب الزرى بين العرب تعشقه محمد الشريف ماني على منهاجك الشين ماشي وان قلت لي ياكلب باقول ماشـي ياليت ابوك ااقضى بليله تماشي والنار مالك يالسناني من النــــــــــــار عيبٍ عليك الرغى يالعير عقب الحنين**معاد بك غير ثوبك ودك نشرقــــــــــــــــــه؟ كنت احسبنكم معى الاجواد مستجودين**واثار معجونــــنـــا غطى على الدقدقـــــــه عبدالله السناني جتك الضريبه بالضلوع المحاني اكبر خطأ فادح حدث في ثـــواني ابوك ياليته مسك خـط ثـانـــــي النار للي مامسك خط ثاني اركد وخل المهايط ياورع مانت زين ** تــرا الــسنــانــي بـدرب العز ماتلحقه اضرب براسك حديده ثم قل ياحسين ** ون كان احد قال وش ذا قول له تريقه محمد الشريف الرد من شان الهزيلات واجـــــد وانا نضيف وماجد العلم ماجــــد اهجد ياعبدالله ترى الموت هاجد والي تبيه النار ويله من النـــــــــــار كرامتي فوق علمي لابغيت الصنيـــن**والعلم ذا يالسناني علم رجل ارطقــــــه احسين ولد النبّي الهاشمي الاميــــن**ولا انت ولد سحقه علم الوفا يسحقــــه عبدالله السناني انته هزيل وتستحق الهزيله شجره خبيثه جات وسط النجيله واليوم بين الناس فاتح سبيله واللي يشب النار يصير على النااااااااااااااار وش لون تهرب من الميدان وانته سكين ** جتني على حالة محمد قريب شفقه ترا السناني حشرك وصحت صيحت مُهين ** جاب الدلايل وجاب اوراه مـصدقه |
رد: عبدالله السناني + محمد الشريف
بيض الله وجيهكم ما قصرتم واعذاركم مقبوله ولكن النظام نظام
ونا اخوكم ووانا ارى انه لابد من ايقافكم عن المحاوره ولو لشهر واحد وبالتالي تفكون الشعراء والجمهور من شركم ههههه والعذر والسموحه على التاخير والنار من شبابها |
| الساعة الآن 11:49 AM |
Powered by vBulletin® Version 3.8.12
Copyright ©2000 - 2026, vBulletin Solutions Inc