|
رد: الأباء وغلا المهور...هل حياته مربوطه بمهر إبنته..
اقتباس:
الأرووووع تواجدك ومــو أنا عازمتك ليش ماشاركت بوجهت النظر مامني فكه شارك وإالا ماراح تتغدى<<<هههههههه |
رد: الأباء وغلا المهور...هل حياته مربوطه بمهر إبنته..
اقتباس:
لا الله يسلمك أفهمها زين العريس عليه المهر بـس اماا الباقي ع ابوها يعني الزواج بكل مافيه على ابو العروس وعاد ابوها هو وكرمه بعضهم بس ع ذبيحه يقلط اهل العريس وبعضهم يتكلف بالحيــل .. |
رد: الأباء وغلا المهور...هل حياته مربوطه بمهر إبنته..
اقتباس:
صح انا معك بالنقطه ذي ولااااا بعضهم يحط ويتكلف ويسافر الدوله الفلانيه ومدري شوو بس تعالي بعد شهر تلقين النفسيه تعباانه وبس مطنقر وكل ماجاه ديانه يبي فلوسه .. قلب خشته عليهاا ض43 يعني مصايب الله يكفيك شرهاا ض25 |
رد: الأباء وغلا المهور...هل حياته مربوطه بمهر إبنته..
الماس ماأظن ان فيه غلاء مهور في ظل الظروف الحاليه
يمكن أول على وقت الآباء والأجداد فيه تقبلي مروري 2 |
رد: الأباء وغلا المهور...هل حياته مربوطه بمهر إبنته..
اقتباس:
ويسعدك انتي اسوين الغداء ايه هين انا اعرفكن يامهات اكريع تعرفين امهات اكريع هههههههاي وجريتك لن هاذي من اهم الاشياء عندي ان زوجتي هي الي تطبخ وخدامه ان طاوعني سود اليالي ونا صدام حسين الي مايهاب سود الكلاب هع هع فلا احطهاا الحين يالله ترى تفلسفت كثير اليوم وراكي غداء والا لا بذووق غداكي على شان يمكن تعجبيني هع هع ااااااام الغباء واااام الحراج ض24 |
رد: الأباء وغلا المهور...هل حياته مربوطه بمهر إبنته..
اقتباس:
هين ياقاصد يجي يوم وتجرب تكاليف الزواج..أهم شي تعزمنا.. والله مــو كل الناس يقدرون على التكاليف فيه ناس ماعندهم وأنا والله مجربه هذا الشي ..وإحنا عندنا المهر 30 يصعب علينا التكاليف... لألألألألألألألألأ أنا ضد إن مافيه غلااااا عندنا وعندكم يمكن أحسن من غيرهـ لاكن فيه مناطق خياليه أنا أستغرب من هذا الشي |
رد: الأباء وغلا المهور...هل حياته مربوطه بمهر إبنته..
اقتباس:
أمااااااااااااا الذبايح على أبوها<<<<<وناااااااااااسه بزوج أخويا من عندكم خخخخخخخخخخ إحنا عندنا عليه الذبايح اللي عليها بس تكاليفها وتكاليف الحريم |
رد: الأباء وغلا المهور...هل حياته مربوطه بمهر إبنته..
اقتباس:
والله شي جميل بس ذكرني ذا الشي بالهنوود هع هع بس سراحه شي حلوو بس حنى 30 ذبيحه وحاشي والله الله والله عمي زين كذاا بس شي حلوو كثير ابو البنت يتكفل بنته بس هم نقص على الرجال يعني يخلي ابو البنت يعطيهاا المهر وشكراً |
رد: الأباء وغلا المهور...هل حياته مربوطه بمهر إبنته..
.., مرحبااااا حبايبي برد رد على قدي وحسب ماشفت وعشت
اولا لموووس القصيده جداا مميزه وصح لسان شاعرها وقصيدته تحكي الواااقع ... اممممم ببدا اولا بالتعليق على الردود وبالاخر الموضوع بالنسبه لكلام لمووس كلام صحيح % قبل كذا جلست مع الاخ العزيز ابو مشاري شقيق الشيخ ..عبدالله الجهني امام الحرم المكي اطال الله في عمره والجميع فداار الكلام بيني وبينه في غلاء المهور وكم الزواج عندكم ومن هالكلام المهم افدته بالوضع لدينا وتعجب من ماقلته له جدا ووضح لي عن مهور قبيلة جهينه وبالذات المدينه المنوره زي ماقالت الاخت الماس وفعلا مااوضحه لي من 25 الف الى 30 الف ريال واب البنت ايضا يساعدها اذا نقصت اي شي والاب يتفدا المتقدم بروحه ويحاول في اي شي ارضااائه ليكسب رضاااه لكي يعز ابنته في الدنيا والمستقبل القادم له ولزوجته .. جزاء الله خيرا لكل اب واخ يسهل امور اخته بزواجها ... بالنسبه لكلام اخوي شاسع المري كلام عين العقل واحترم شخصيتك وصدقني تجدها عند رب البريه عندما تسهل لأختك زواجها وتدعها تشوف نصيبهابهالدنيا ... بالنسبه لأخوي مبارك الشمري يالبناخي اللي ايده بالنار ماهو مثل اللي ايده بالماء وكان الامور عندك تشوف انه زينه ولك بنت عم ترا فيه الف غيرك مقطوع من شجره يابعد حي لاعم ولاخااال ولاقرااايب لذلك كثر من قول ( الحمد الله على كل حااال ) غيرك داااقه الهمسمس هههههههه ... بالنسبه للأخ/ت رمق وجهة نظر يحترمها الجميع كلامك فعلا صحيح لو ضربت المثل بالقصماان تحديدا لي من الزملاء الكثير من اهل القصيم بحكم عملي في مدينة بريده بالقصيم والداارج عندهم كما اخبروني ادفع خمسين 50 الف وجميع التكاليف عليهم ..القصر العشاء وكل مايخصه من حواائج وغيرها .,ولاعليك الا تجهز شقتك او بيتك وشراء الغرفه فقط ..هذا شي جميل صراحه يعني منصف بس الى الان لايصل الى صفات اهل المدينه^.* .., والان نأتي الى ردي انا وااااااااه ياااناااا سبق وان لمحت للبعض بان لدي موضوع خطوبه وما الى ذلك من امور الزواج ولكن سوف اسرد لكم قصتي مع بعض الاقارب اهداه الله فهو مثل ماكتب عنه القصيده في الاعلى ..المهم بدت الامور بالذكر لي من امي اطال الله في عمرها واخواتي عن ابنة فلان وانها بنت تحمل من الصفات كذا وكذا ادب واخلاق وذراابه الله يستر على بنات المسلمين واللي عليهن كلهن زاايد حلاها عرق البداوه ولاقصور بالبنات المهم البنت تعمل مدرسه في مدرسة ما ., طبعا زي مانتم عارفين بدا الامر من الحريم اولا وتمت الموافقه مبدئيا ودار الامر الى الرجال واتصلو بنا واتفقنا على زيارتهم في الخميس القادم مثلا المهم بعد ماوصلنا انا والوالد حفظه الله رحب فينا الشايب جزاه الله خير ووجبنا وبعد العشاء قاله ابوي الظاهر عندك خبر جيتنا يمكم قال اي نعم وياهلا ومرحبا ويشرفنا قربة نايف ومن هالكلام بس مع الاسف وش الفود يمنقص الزود..مالكم بالطويله قاله ابوي حنا جاااين نبي فلانه لنايف ولدنا والعلم هاللون وهاللون وهات اللي عندك من مطالب .. ياويلي ليتن ماسمعته ,,قال اول بادي مهر بنتنا 80 الف ريال عد ومابهن مؤخر يحضرن عند الشيخ وثانيا بيت كامل من مجاميعه لبنتي خااص ان بغيت فوق اهلك او لحالها المهم انه بيت وثالثا ماتنقل لديرتك الا على كيفها يعني مو كل يوم تشغلها انقلي الا ماانقلي واخر شي تفصلها وترا وظيفتها لها طبعا بهالكلام ديرتهم عننا تقريبا 430 كيلو متر يعني ابو الشباب يبيني كل مابغيت اشوف زوجتي اضرب 860 كيلو سلاماااات قاله ابوي يملا العافيه والله لاصاار كلام الرجل هاللون اجل المره وش مطالبه يله يولدي قم والمزوج ربك وبيض الله وجهك يالبناخي وبنتك تلقى نصيبه كانه ماهي لنا وهذي قصتي واعرفوا اني استخرت عن موضوع الزواااج والان ان شاء الله على بداية عماار منزل والله يوفق الجميييع .., وجهة نظري اتمنى من كل اب واخ بتسهيل موضوع الزواااج فنحن ليس منزلين اغنياء من السماء منا الشاب اللذي اخرجه ذراااعه من بين الشباب ومنا من يأس من الحياه لعدم توفير مطالب بعض الاباء وهم بالسفر خارج البلاد وهنا وهنا ونسي نفسه بسبب غلاء المهور ولاوااازم الزواااج والله يجماااعه عندما احسب مصااريف زوااجي واتذكر انها تصل الى 160 او 180 الف اني اكره اصلا شي اسمه زواااج لذلك من يستطيع تسهيل امر انثاه فأنه حظيظ بهذه الدنيا ويجدها عند ربه تحيتي لكم واسف على الاطاله ولي عوده ان لزم امر عودتي او الاكتفاء بهذا الرد |
رد: الأباء وغلا المهور...هل حياته مربوطه بمهر إبنته..
طرح رائع يستحق النقاش
اول شي المهر 30 او 25 يمكن قبل بس عصرنا الحين 80 او 90 يمكن على غلا الاسعار او تفاخر ان بنته مهرها 90 المهم مالنا بالطويله انا مستغربه انكم تحطون المواضيع هذي وتقولون غلا المهور الحين النياق تجيك على 500000 يعني استغرب ان بعض الناس يتفاخر بهالاشياء اني شريت ناقه بـ 1000000 والبنت اذا مهرها 90 قلتو غلا مهور لاتزعلين بس هذي وجهة نظري تقبلي طلتي |
| الساعة الآن 08:30 AM |
Powered by vBulletin® Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
