سو فيني يا نديمي كل شيٍ ما تسوّه
جيتك وكلّي ذنوب ولمّتك تغفر خطايا





لمّني أكثر فديتك مو كذا بالعمق جوّه
اه يا لبّى حنانك لا انتثر بين الزوايا





والله اني فيك ذايب والغلا مشبوب ضوّه
والمشاعر دون غيرك جاتك جيوش وسرايا

خلّنانحضن بعضنا وانتشيطن وانتلوّه
خل يديني في خصرك وانت يدينك ورايا





خلّنا ننسى المكان بكل تفاصيله وجوّه
خلّني ما اشوف غيرك في البشر وانته معايا





خلّني لا جيت ابوسك تنطق شفاتك تروّه
ما بعد غمضت عيني لجل ازيدك من حلايا





خلّني لا ذقت خوخك أطعمه ما تقول أووّه
أوّتك تنهيد يشعل داخلي كلّ الخفايا





خلّني ادم وجبتك من ضلوع القلب حوّه
وخل تفاحة هوانا تنتهي فينا عرايا





خلّني وابل سحابك وانت يا المضنون نوّه
خلّني جنة سماك وخّلك فجنة سمايا





خلّني سلطان شعرك وانت في شعري فتوّه
خلّني شاعر جنونك واستقي منك السقايا





يا سمو الحب تدري لبى قلبك يا سموّه
عمري ما اتمنيت غيرك واقسمك رب البرايا





يا سمو العشق حلّق لين ما توصل علوّه
حب سامي حب طاهر حب تحلمه الصبايا





حب فيه الشك زايل والزعل غادي عدوّه
لا فراق ولا خصام ولا جروح ولا شظايا





حب فيه الورد يضحك شفت كيف الورد توّه
يبتسم يمزح ينكّت والسبب طيب النوايا





حب مثل الطفل يكبر ويتبختر في نموّه
عيد ميلاده لقانا وفرحة اللقيا هدايا





شي رقّه شي طيبه شي فتنه شي مروّه
والله اشياءك كثيره كثر ما بدمّي خلايا





فيك نخوّه وفيك ذمّه فيك حب وفيك خوّه
فيك من كل الصفات وفيك من كل المزايا





خل حسادك يقولوا زاد حبي في غلوّه
حقّك وحقّك وحقّك دام متربع حشايا





ودامني لا جيت حضنك لمّني بشويش قوّه
ليش ما اهديك المشاعر وانزلك وسط الحنايا