|
رد: والله ان قد لي وانااصد لا جالك مجال...صدت اللي لاتضايق تذكر قبر أخيه
قصيدة........
الضيقه ....................................... ماهيب جديده..................... بس هذا وقتها........................... ماعاد به شيِ ٍ يوسع صدري ولاعاد اعرف الي يريح عيني منول ٍ يجلي اكتئابي( شعري) واليوم عيا شعري يسليني يالله طالبتك تيسر امري مالي سوى رحمتك بي عويني ياضيقتي..... ليتك تفكين اسري انهد حيلي....... خافي الله فيني خليني اسلا الي بقى من عمري فاللي بقى من عمري.. لا تشقيني الشيب طاولني ...وتوي بدري وانتي بذا (................) طاولتيني اضيق.... واحزن ...ليـــــــــــــن ينفذ صبري وانهار..و(كتاب الله إيهدَيني) |
رد: والله ان قد لي وانااصد لا جالك مجال...صدت اللي لاتضايق تذكر قبر أخيه
في ديرة أهلي.... قلت: يابعد (.......)لا شكى ضايق البال اللي منول لاتضايق ..نصاها هذاك.. يومنه ليا من نوى.. نال والحاجه إليا من بغاها.. لقاها ماكنه الا صاحب الجاه والمال أمير..نفسه همهم هو رضاها هالحين من كثر إمتعاضه من الحال عاف الحياه.. وموتته في حراها يموت.. عن اللي يضايقه ما قال ويسج عن بلواه.. لوما نساها من كثر مادمعه على خدته سال..... (عينه ماعاد يعرف سبة بكاها!!!) مرات يقول ان السبب كثر ماشال..... في نفسه أحزانه وقـــــفل علاها.. حتى اصبحت ضيقتها عــــــــاده ومنوال.. ولا عاد تحتاج لسبب في عناها ومرات لا من ما لقى شــي ينقال... يتل له تنهيــــــــــــــــــدةٍ ماقواها...... راح يتعذر باللي الحال له آل... باصحابه ورفقة دروبٍ مشاها كلما تذكر نكس الراس ثم قال: (أدركت هالضيقه وشنهو بلاها) |
رد: والله ان قد لي وانااصد لا جالك مجال...صدت اللي لاتضايق تذكر قبر أخيه
الجديد القديم........
.......... .......... مشكلتي اني مااشتكي من شي وكل النتايج طبيعيـــــــــــــــــــــــــــــــــــــــــــــ ــــــــــــــــــه اصبحت وانا ما اشتكي من شي وامسيت واسقام البشر فيَه دكتوره... احوالي ترى هي هي مراجعتي هذي... رقم ميه... ويومك جهلتي وش اللي في........ قلتي لي( الحاله النفسيه) ادري ضغوطاتي ماهيب شوي لكن علاجك ماصلح ليه بالجى لمنهو يميت الحي ويحييه..هو عالم النيه وان مابقى حل غير الكي قد انكويت اربع مية كيه(ض30)هذا وجه الدكتوره (مافهمت شي) |
رد: والله ان قد لي وانااصد لا جالك مجال...صدت اللي لاتضايق تذكر قبر أخيه
(الله يقطع الحاجه) خلتني اقول: مااقسى من الحاجه...ان حدتك لإثنيني..... حظٍ ردي..ورفيقة درب..ما إهتمت ولا اقسى من الطعنه اللي منها تلفيني خصت خفوقي ..ثم لباقي إجسدي عمت وش اقول لو خذلتني عزوة سنيني وش اقول لا شفتها لعدواني إنضمت!!!! وش اقول !!غير إن حظي اللي معاديني... سبب عذابي..او إنها (عين ..ماسمت) ياللي شريتي غلايه..ليه بعتيني!!!! فرقتي احلى مشاعر بيننا إلتمت حتى ولو غصب عن عينك تركتيني.... خلاص ...قدري رخص..البيعه وتمت... واللي هدفها تفرق بينك وبيني... ما اشره عليها لو اخطت فيني وخمت اشره عليك انتي ..لو انك تعزيني مفروض عن حكيها مسامعك صِمت والا انا رايها فيَه مايعنيـــــــــــــني لو تعرفني إمن انا تدمحني ...ما ذمت انا لو أشك بإن انسان يغليني... ارخصت له هالحنايا العوج وما ضمت بسألك ياللي بعادك مثرٍ فيني!!!! مشاعرك بعد ما فارقتك إهتمت!!!!!! وبسألك بالله وأمانه يوم شفتيني عقب إنكسرت بوداعك..فرحتك تمت!!!!!! |
رد: والله ان قد لي وانااصد لا جالك مجال...صدت اللي لاتضايق تذكر قبر أخيه
لي.....
الحاجه اللي دونها منة الخلق,,, أشوم انا عنها وانا( بنت برقا) واللي يتمنى طيحتي ...تو ما خلق بنت الحرار ولو هي تطيح,,,ترقا |
رد: والله ان قد لي وانااصد لا جالك مجال...صدت اللي لاتضايق تذكر قبر أخيه
الصـــأحب اللي مأيقدر " مشأعرك " . . " فرقأاأه "مأتبغي صلأة استخآإرهَ صدق الشاعر.... بس وين اللي يفهمون!!!!!!!! |
رد: والله ان قد لي وانااصد لا جالك مجال...صدت اللي لاتضايق تذكر قبر أخيه
ابيات لي قديــــــــــــــــــــــــــــمه
ماهوب صدري اللي ضايق يامحاكيني الدنيا.. هي اللي ضايقةٍ على صدري خذتني مدري على وين بتوديني؟؟ وأي بر ترسي عليه بصاحبك..مدري!! لاتلومني وأنا مدري وش نوت فيني يعني لو تشوفني بهالحاله..بعذري ولاتشره ان قلت :مدري..ودمعت عيني جاوبني كانك عن اللي ناويه تدري |
رد: والله ان قد لي وانااصد لا جالك مجال...صدت اللي لاتضايق تذكر قبر أخيه
منــــــــــــاجــاه.....
يافارج الهم غفرانك ياكاشف الغم... سبحانك الطف بمن خابت آماله الا بعطفك واحسانك ابواب خلق الله انسدت ولا باقيٍ غير( بيبانك) ادعوك.. ورجوك الاجابه كما تلوتُ في قرآنك {وقال ربكم ادعوني أستجب لكم} وانا دعوتك وانا وجله من عظم ياخالقي شانك يارب انا عفتها دنيا فاخلفني يارب بجنانك (آآآآآآآآآآمين ...ومن يقرا) |
رد: والله ان قد لي وانااصد لا جالك مجال...صدت اللي لاتضايق تذكر قبر أخيه
من قال لك اناقدرنا نكمل
ولا تقول ان المفارق خيره مدام كلِ فالعناد مصمل احوالنا من جــــــــــفـــــره لــدحـــديرهـ |
رد: والله ان قد لي وانااصد لا جالك مجال...صدت اللي لاتضايق تذكر قبر أخيه
ماعليك من العيون ان دمعت
شف كسر قلبي..دموعي ذي تهون يمكن بنزولها تسرعت.. تنهمر دايم على أدناة دون كلما الخفاق ون..إله فزعت... لا تدقق فالسبب...يمكن.. بدون... ودي بعض احيان لوروحي طلعت.. ما ابكي واخلي عدايه ..يفرحون.. واحتمل واضحك ..اذا الحاجه دعت.. بس ما يلقون فرصه يشمتون... لاتلوم .. العين ..ماتطبعت طبعها ..دمعِ على حد الجفون |
رد: والله ان قد لي وانااصد لا جالك مجال...صدت اللي لاتضايق تذكر قبر أخيه
رفيق الدرب...
الجديد...... طعنة رفيق الدرب تبطي فالصميم وأنا أحسب انها مرحلة وأجتازها رحل من ضلوعي لكن جرحه ..مقيم صوره..ضلوع الصدر هي بروازها يا متصل فيني ترى خبرك قديم ماعدت من تلقاها لو تعتازها اليوم رح دور سواها لك نديم تعبت مشاعرها من ابتزازها مطعونتك لوفيها من كيد الحريم تلقى الخيانه مااسهل من إحرازها لكن عزاها يوم قالوا من قديم القوم أذلتها تخون إعزازها وان عودت للصدق..والله العظيم أزرت لاتمسح رقمك بجهازها |
رد: والله ان قد لي وانااصد لا جالك مجال...صدت اللي لاتضايق تذكر قبر أخيه
[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل] من حبي إله آحب كل العوااااااده يااااااجعلني فدوة خشم شايبٍ لي |
رد: والله ان قد لي وانااصد لا جالك مجال...صدت اللي لاتضايق تذكر قبر أخيه
|
رد: والله ان قد لي وانااصد لا جالك مجال...صدت اللي لاتضايق تذكر قبر أخيه
.... الجديد...
اني ...رفعت الرايــــــــــــــــــــــه... * * * لا والله الا تعبت ..وبرفع الرايه لو ادعي اني بخير.. ووضعي مطمن امثل العافيه..والهم جوايه وهالحاجتين اصلا بمخلوق ما إلتمن ياعاذلي كلما يطروني ... كفايه ياليت بعض العرب لهروجها تثمن انا لواعرف بلاي ..ابعرف دوايه لكني مااعرف.. ولا عاد اقدر اخمن ولابِيدِي الا اشتكي همي لمولايه وادعي على من تسبب فيه وءأمن ولا ضقت تطري علي وش قالت الآيه: {أمن يجيب المضطر اذا دعــــــــــــــــاه} قلت أمن؟؟؟؟ الا انت ياللي عليك ابديت مشكايه ياللي افضالك على كل البشر عمن سواك لويدعي بالمعرفه تايه رجواه لا تغني من جوعٍ ولا تسمن يالله راجيتك تيسر لي هدايه انت اللي تعلم بعوج الصدر وش ضمن |
رد: والله ان قد لي وانااصد لا جالك مجال...صدت اللي لاتضايق تذكر قبر أخيه
اصعب الجرح ......
جرحٍ تستحي تشتكيه.... واصعب الغدر ... (مايأتيك من مأمنه) وأصعب الحب...... لامنه عمى مبتديه... عن (عيوب الحبيب) وعن (ردى معدنه) واصعب التضحيه.... من حط عمره بيديه... ثم قدمه للي قدم له جزاه (كفنه) واصعب الغبن... سرٍ كنت تامن عليه........ شخصٍ تعده (صديق) و(للعدو) يعلنه.. لي.... |
رد: والله ان قد لي وانااصد لا جالك مجال...صدت اللي لاتضايق تذكر قبر أخيه
[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل] يوم انحدرت وللبحر دنّق الجيب وطويق شفته في المراية خلافي أونست وسط القلب مثل الشواذيب وحسّيت كنّه صار في اختلافي لو كثّروا يا نجد فيك العذاريب امفارقك يا نجد سم زعافي شعر - خضير البّراق |
رد: والله ان قد لي وانااصد لا جالك مجال...صدت اللي لاتضايق تذكر قبر أخيه
لاصار فات الفوت....
وش ينفع الصوت,,,,!!!!!!!!!!!!! الحظ لا من طاح...حيل الله اقوى.......... كنه عليلٍ يوم شارف على الموت..... يجيه من ينشده.... (ما تسنك أشوى)!!!!!!!!!!!!!!!!!!!!!!!!!!!!!!!!!!!!!!!!!!!!! !!!! |
رد: والله ان قد لي وانااصد لا جالك مجال...صدت اللي لاتضايق تذكر قبر أخيه
قال :بقفي ..قلت له:شف ذا الطريق...
امش في منحاه,,,والا مفرقه.. والطريق اللي بلا خل ورفيق,,, ما يوسع خاطر اللي يطرقه ما انته بلاقي مثل صدقي صديق في مغيب الكون...والا مشرقه.......... لـ سعد علوش... |
رد: والله ان قد لي وانااصد لا جالك مجال...صدت اللي لاتضايق تذكر قبر أخيه
يالله تفرجها على سوريه
الوضع مايخفاك يا إلــــــــــــهي الُعرب...ماعادت بها ماويه تعزوا للثكلا..وتشرب شاهي.... |
رد: والله ان قد لي وانااصد لا جالك مجال...صدت اللي لاتضايق تذكر قبر أخيه
عدو يبكيني.. ويبكي.. لا بكيت...
ولا صاحبٍ يضحكني... ويضحك علي ماهوب حسافه فيه كل اللي عطيت,, ولا احتري يومي عطيت.. يَرد لي.. ابيه ..لا احتِديت عليه وشكيت.. ياقف بجنبي لين..همي ينجلي.. |
رد: والله ان قد لي وانااصد لا جالك مجال...صدت اللي لاتضايق تذكر قبر أخيه
وحده اعرفها واعرف امها وجدانها...
بس حكيها ..ما اعرف له......ض19ض19 قلت فيها... ودي اني ادري ليه تلوي لسانها!!!!!!!!!!!!!!!!!!!!!!!!!!!!!!!! يعني كذا متحضره ......ومدلعه اعرف ابوها.. وامها ..وجدانها.. (بـــــــــــــــــدو) حكاهم جلف..ماتصنعه وهي عافت حكاهم... تحسبه شانها (ياعايفٍ مشيك..ترى بتضيعه) |
رد: والله ان قد لي وانااصد لا جالك مجال...صدت اللي لاتضايق تذكر قبر أخيه
السلام على الجميع...
لكل من سأل عن الابيات اللتي ادونها هنا... هي من تأليفي الا ما أنوه عنه........ تشرفني متابعتكم.. دمتم بخير............................. |
رد: والله ان قد لي وانااصد لا جالك مجال...صدت اللي لاتضايق تذكر قبر أخيه
يشهد عليَِِ الله...شوفك بهالحال.....
يصغَر الدنيـــــــــــــــا بعيني واهلها... يابوي لا تجزع لامن المرض طال..... الله يبلى الناس..من حبه إلها.... |
رد: والله ان قد لي وانااصد لا جالك مجال...صدت اللي لاتضايق تذكر قبر أخيه
يامي ..ويني ووينها راحة البال!!!!!
خبري بها يامي قبل آتغــــــــــــــــــــــــــطى.... خبري بها يوم ان انا وانتي اطفال.......... قبل نعرف من راااااااااح... (علامه ابطى!!!) |
رد: والله ان قد لي وانااصد لا جالك مجال...صدت اللي لاتضايق تذكر قبر أخيه
يا ناشدي وان كان مقصدك اهتمام....
انا اللي بالع موس...لكنه جحد.... ولا على لسانه سوى كلمة (تمــــــــــــــــــــــــــــــــــام) ينزف ولا يشكي ولا يبين لاحد..... |
رد: والله ان قد لي وانااصد لا جالك مجال...صدت اللي لاتضايق تذكر قبر أخيه
الجو ماهوب جو نوم ياللي تنامون النهار الشمس ضاعت فالغيوم والجو ..لا بارد.لا حار قم يا جعل حظك يقوم (النوم راس اللوم) صار مافيه في هالجو نوم ولا فيه قعده فالديار |
رد: والله ان قد لي وانااصد لا جالك مجال...صدت اللي لاتضايق تذكر قبر أخيه
السلام عليكم....
مساؤكم دعاء مستجاب.......... اليوم جمعه وافضل ايام الاسبوع فيها تحروا للدعاء الإجابه محتاج..ضايق..ناقصك شي ..موجوع!!!! ارفع يديك..بدعوةٍ مستجابه منقوله... |
رد: والله ان قد لي وانااصد لا جالك مجال...صدت اللي لاتضايق تذكر قبر أخيه
دورتهم..والصدر ..جمره من غضى..
ماشفت منهم ..غير طول دروبهم ياقربهم..لـ إحتاجوا لقلبي فضا يا بعدهم..لـ إحتجت انا لقلوبهم صدق قايلها... |
رد: والله ان قد لي وانااصد لا جالك مجال...صدت اللي لاتضايق تذكر قبر أخيه
قرار جاء متأخر...
بفكر بنفسي وبنسى غيري غيري لقى له ناسٍ تفكربه وانا لغيري مسرفه في خيري وخيري نفذ من غير انا لا اشعربه ما فادني في حبهم تبذيري مثل اللي ينفخ له في بالي قربه بقلمي... |
رد: والله ان قد لي وانااصد لا جالك مجال...صدت اللي لاتضايق تذكر قبر أخيه
لا والله الا يا ابن أبوي الحال ماعادت تسر
الضيق داهم راحتي ومن الضلوع استلها تعبت اداري ضيقتي وادور لحزني عذر واضحك واجامل ..ما ابغى منهو ما فطن يفطن لها يامحزمي والآدمي لو مايمل من الصبر.. بيمل صبره لا صبر فـ سنين عمره كلها الخوف ماهوب من دموعي لوتهل من الكدر الخوف لا تجبرني عند احدٍردي وآهلها ماراح اموت ان شافها ياكود موت من القهر يومنها طاحت ..ما طاحت عند احدكفوٍلها ياخوي لا تشره وانا مثل الي بالع له جمر يغنيك دق السالفه يامحزمي عن جلها راحت سنين العمر والظاهر بيقفاها العمر وانا انتظرها يا عساها تنفرج..ياعلها.. ولومابقى من ضيق صدري فالديار الاشبر بسج رجلي في رجا ان رب العباد يحلها بقلمي |
رد: والله ان قد لي وانااصد لا جالك مجال...صدت اللي لاتضايق تذكر قبر أخيه
رحمة الله رحمة الله واسعه ..وارضه وسيعه... ليه احمل خاطري فوق احتماله!!!!!!!! ما تكلَفنفس مالا تستطيعه.. العمر ما جايني لا اقفىبداله.. يغفر الله ما جنيت منالقطيعه.. اللي يجرح خاطري ما ابغىوصاله... والسنين اللي تقفتنيشنيعه.... ما اقفت الا بـ (بصحتي) ما اقفتسهاله... ما اقفت الا بحلم عمريوبربيعه.. ما اقفت الا بعافية جسميوحاله.. لا تحسب ان الغلا ما اقدرابيعه!!! (أبك انا باعوني وقالواحلاله) قلت بكره تنفرج والا تبيعه... ما احتملته زود طيب..الا جهاله.. لين صارت دمعةعيوني طبيعه.. وضحكتي ضاعت جعل ماهي فداله... يكفي اللي ضاع ..يكفي العمرضيعه.. قولوا لعاذل قراري: كيف حاله؟؟؟؟؟؟؟؟؟ بقلمي.. |
رد: والله ان قد لي وانااصد لا جالك مجال...صدت اللي لاتضايق تذكر قبر أخيه
الجديد
ضيَقت صدري مع اللي ضايقٍ صدره والناس سجَت..وانا صدري على ضيقه... والا انا يبي لي يومين ..اربعه ..عشره لا تحسب اللي بصدري سهل تفريقه لواكشف اللي ضلوع الصدر تحتكره.. شيٍ يصدَق..وشيٍ صعب تصديقه ما شفتني كيف تسبق ضحكي العبره؟؟؟؟ والله من اللي ( هنا في صدري) يعيقه بقلمي........... |
رد: والله ان قد لي وانااصد لا جالك مجال...صدت اللي لاتضايق تذكر قبر أخيه
قررت عن طيبي اقفل بابي
ومن طيبتي كررت نفس الغلطه ياصاحبي لالا تزيد عتابي مالي على بعض المشاعر سلطه بقلمي |
رد: والله ان قد لي وانااصد لا جالك مجال...صدت اللي لاتضايق تذكر قبر أخيه
اللي ذرف دمعه وهو محدن ابكاه
يقول. .ضاقت به عيوني ونثرته وان استحى يبدي على الناس شكواه يقول عزاي اني دربي اخترته وعزاه...محدن يدري ان دربه اقصاه وانه لعن آبو ظروف جبرته بقلمي |
رد: والله ان قد لي وانااصد لا جالك مجال...صدت اللي لاتضايق تذكر قبر أخيه
ابوي ،، انا اللي لعينه تحملت البعاد سنين
واشوف الصبر مع طول الليالي لقى حتفه كثر ما اخاف لا جيته يلاحظ دمعتي فالعين. . كثر ما ودي ترجع صحته <وابكي على كتفه> |
رد: والله ان قد لي وانااصد لا جالك مجال...صدت اللي لاتضايق تذكر قبر أخيه
الليل عدى نصفه ونامت الخلق
بنام ،،يا طواري البال " تكفين من ضيقة الخاطر ومن غصة الحلق وشلون يصفي بالي وترقد العين،،. |
| الساعة الآن 12:35 AM |
Powered by vBulletin® Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
