اغضيت عن بعض الحكي في رواقه = وابعدت عن درب الردى والملذات
عز الله اني ما نويت العلاقه = ولا جيت ادور للمشاعر علاقات
لا تابعه جاهل ولا اتبع حماقه =انا نزيهه يوم قل النزيهات
اذوق من جزل امعاني اذواقه = واتوق لعذب بيت وارفا السجلات
بيني وبين الشعر اكبر علاقه = علاقتن ما هي بايّت علاقات
احاور الشاعر بعزم ولباقه = واصخر القيفان واكتب لي ابيات

ياعيـن يكفـي مابقـى للزعـل داع =كفي دموعك وانسـي الحـزن كلـه
عمر البكى ماضمد جـروح ووجـاع = ولا كسـب للنفـس غيـر المذلـه
وعمر الحزن مارجع احبـاب ملتـاع = لمي البقايـا دمعـت العيـن علـه
انسي زمان" فات وابدي من الساع = وابقي سنـد للـي عزومـه تشلـه
طبع القدر مايعرف اظروف ووضـاع = يومـه محـدد فـي زمانـه وحلـه
ماهو بشر لاطوق الليل بـه ضـاع = يفقد طريق" كـان بامسـه يدلـه
الوقت غربه والزمن يسبـق البـاع = من يغنم الفرصـه ويحجـز محلـه
يوم الحشر مايعرف اشباع واجيـاع = ولا يعـرف افلـوس تاجـر وفلـه
نصيحتي للـي مـع الوقـت جـزاع = يحفـظ كتـاب الله قبـل المجـلـه

يا صباحي معك ما مثله صباح=لابعيد ولا قريب ولا هنيا
انت من دون العرب كلش مباح=من ثراك ومن فضاك اليا الثريا

حبيت هالدنيا على شان حبك=والا ترى والله ماهي ولا شئ
اقسم برب البيت ربي وربك=انه ولا غير على خاطري حي