فضفضه ويمكن متهيض

فضفضه ويمكن متهيض

السلام علكيم ورحمة الله وبركاته
الله يسعد اوقاتكم بكل خير
ابيااات من هيض اومن فضفضه اتمنى ان ترتقي للذائقة
اتقبل النقد بكل رحابة صدر

ما عليّ من القلوب الجاحفه واهل النكال
استهم القلب واستلهم وجات أموافقه

للعلوم اللي سباها الصمت واظناها الجدال
واستحلت قاعة الصدر الكتوم وخافقه

هات يا فكري جزيلك في مضامين المقال
صوت ديك الجن يبلى مير محدٍ شافقه

كود من ينحت صميم الصخر ويسير جبال
قرة اعقول العوارف بالعلوم اللافقه

ما حجبنا سامي المعنى ولو جاله مجال
وما زرعنا فالصدور الا وسيلي دافقه

ولّ يا راي ٍ يعزر بالثقيل أمن الرجال
وهبّ يا قومٍ تشور الراي وهيّ أمنافقه

الشلي يبقى له بصدري مقر ٍ كل حال
والردي لا باركه ربي ورجلٍ رافقه

كلما سيّحت عن موضوع مخزين الفعال
اونس بشباك هاجوسي هبوب ٍ صافقه

غير لا مجنى ولا جاني ولله الكمال
استهم القلب واستلهم وجات أموافقه

وسلامتكم وسلامة نواظركم
عامر صالح ال شنيف

المصدر: الملتقى الجماهيري للشاعر محمد بن فطيس المري

غير لا مجنى ولا جاني ولله الكمال
استهم القلب واستلهم وجات أموافقه

اناا اشهد يابو صااالح ختاامهما مسسسسك,,

وعليكم السلام ورحمة الله وبركاته ,,

ياهلا ومرحبا مليون يابوصالح ,,

صح الله لساانك وصح قلبك وكلك ولاهنت شاعر جزل وابيات جزله وفريييده جدا والا الامام يابو صالح وترااني من جماهيررك يالقررررم ,,

كل التقدير والاحتراام لسموك الكريم .

ماشاء الله ... وربي ابداع
ودي اقراها مره ومرتين خيال
صح لسانك عامر ابيات قمه فالجمال
من شاعر مميز بقصائده واسلوبه لهآ
الله يحفظك ويحميك يارب

صح لسسانك
وابياات رووعه

يعطيك العافييه

ارحب يا بو سهيل وحياك الله يا الغااالي
وصح الله ابدنك وانت الجزل وبيض الله وجهك على الحضوور اللي اتشرف فيه طال عمرك على الطاعة
وابد هذا من طيبك انت اكفئ مني وانا من جمهورك يالغااالي
لاهنت والله يرفع من مقدارك

هلا هلا بالماااسه
وحيااك ربي شرفتني طال عمرك على الطاعة
والله يبااارك فيك ويرفع من مقدارك وصح الله قلبلك وكلك
وتسلمين

وما بعد آلغيآب الاّ الاجملّ ..
لكَ حضور مميز .. وأبيآتكَ أنيقة بحد آلجمآلّ ..
دمتْ ودآمَ خيراتكَ على الملتقىَ آلرائع بكَ..
شكَريّ + التقييم لي عودة له

روااابي
حيااك الله وبياااك وتسلمين على الحضوور الجميل
وصح الله ابدنك وقلبك والله لا يهينك

كلما سيّحت عن موضوع مخزين الفعال
اونس بشباك هاجوسي هبوب ٍ صافقه

واو تصوير راااااااااااااااائع

غير لا مجنى ولا جاني ولله الكمال

استهم القلب واستلهم وجات أموافقه

والنعم والنعم فيكـ وفحساسكـ الراقي

""** الناجحون يثقون دائما في قدرتهم على (( النجاح )). ** ""

ودي وتقييمي

ما عليّ من القلوب الجاحفه واهل النكال
استهم القلب واستلهم وجات أموافقه

صح لســــــــــــــانكـ واعتلى شانـــــــــــكـ شاعر مميز ولكـ حضوركـ قصيدة جزله وابيات رائععععععععه يعطيكـ العافيه ولاهنت