العيد في قربك ولاماك عيدين.. جديدي

العيد في قربك ولاماك عيدين.. جديدي

[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]السسلام عليكم..[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]


شخباركم؟

احب اقدم لكم قصيده جديدة لي يارب تعجبكم..

عنوانها(العيد)

العيد في قربك ولماك عيدين
يصير عيدي لالقيتك سعيدي
يوم اننا نجلس ولابيننا بـين
ماغير انا وانته وحبل الوريدي
انت تحلف ماتبعد سنين وسنين
وانا حلفت اذكرك داخل قصيدي
كنا نحلف نبقى على الود وافين
لو نبتعد ماننقطع فالبريدي
ياليتنا ندري عن الزين والشين
لجل الوصال يكون عمره مديدي
حلّ الفراق وصرت انادي تبى تزين
وابطيت ماذابت صخور الجليدي
اليوم وين ديار وصلك وانا وين
شديت عني! كيف تقوى الشديدي؟
وانته نطقت وقلت (قلب ن بروحين)
وانك تموت ان كنت عنّك بعيدي
هل الذي قلته كذب ياادعج العين؟
والا قسى وقتك على ماتريدي
غبت وتناسيت الوفا والمحبين
مدري وش اسبابك تنقّص رصيدي
ان كان لك حجة ابى الحجة تبين
والحجة الي ناقصة ماتفيدي
يعني تعال وهات معك البراهين
والا بلاش إبعد وانا المستفيدي
تدري والي كاسبة ؟ دمعة العين
هذا نصيبي وانت عني بعيدي
روّح عسى وجهك بضمن السعيدين
والا انا! بموت وهمي يزيدي
بس اوعدك تبقى امير العزيزين
واذكرك دايم في مثايل قصيدي


وسلامتكم

قابلة للنقد للاستفادة

رائد

المصدر: الملتقى الجماهيري للشاعر محمد بن فطيس المري

يعطيك العافيه
وصح لسانك اخوي رائد

العيد في قربك ولماك عيدين
انا اشهد والله

روووووووعه صراحه وانا والله ماني باللي يقيم الشعار بس حبيت ابدي رايي واتمنى مايزعجك انا حطيت لك بين قوسين اللي انا اشوفه ناسب الشطر ويمكني غلطانه اتمنى تقبل كلامي بروح مرحه وشكرا لك
بس ابيات اعجبتني واستمتعت بقرائتها جدا جدا
كنا نحلف نبقى على الود وافين (( نبي ))
لو نبتعد ماننقطع فالبريدي



هل الذي قلته كذب ياادعج العين؟ (( مدري ))
والا قسى وقتك على ماتريدي





تقبل مروري

اقتباس يعطيك العافيه وصح لسانك اخوي رائد العيد في قربك ولماك عيدين انا اشهد والله

صح بدنك

تواجدك شرف

اقتباس روووووووعه صراحه وانا والله ماني باللي يقيم الشعار بس حبيت ابدي رايي واتمنى مايزعجك انا حطيت لك بين قوسين اللي انا اشوفه ناسب الشطر ويمكني غلطانه اتمنى تقبل كلامي بروح مرحه وشكرا لك بس ابيات اعجبتني واستمتعت بقرائتها جدا جدا كنا نحلف نبقى على الود وافين (( نبي )) لو نبتعد ماننقطع فالبريدي هل الذي قلته كذب ياادعج العين؟ (( مدري )) والا قسى وقتك على ماتريدي تقبل مروري

صح بدنك

شاكر حضورك

بالنسبة للملاحظات

(نبي) ملاحظة في محلها

( مدري ) ينكسر البيت فيها وبحاول اعدل اذا سنحت الفرصة

شاكر حضورك

ابيات جميله
واحساس رائع
اشكرك على هالقصيده والبوح الجميل

صح لسانك
حبيت الأبيات كثير مبدع كالعاده
جعل ربي لايهينك
لك ودي

الله الله عليك يارائد

صح لسانك مليووون

قصيده جزله من شاعر جززل

الله يعطيك العافيه

لاتحرمنا من جديدك يالغالي

بنتظارك

دمت بخير

روووووووعه

ربي يسلمك ع الطرررح الرااائع

بأنتظار كل ماهو جديد لك .

قصيده رائده كصاحبها
سلمت يا رائد........