مبروك لكن

مبروك لكن

زهره من الجوري لكم تنفح الشوق=بحلول هذا العام عام التعاسه
فيه الفتن فيه المصايب على ذوق=واكبر مصيبه يوم تطري السياسه
ما دمت فوق القاع لا تنظر لفوق=خايف تصيبك نظرتك بانتكاسه
وما دام خفاقك من الضيق مسحوق=لازم تبين للعموم الوناسه
ما جيت ابارك لك وانا كلي حروق=بل جيتك انهي ما بقى من حماسه
الليل شكل من على المجتمع طوق=والدمع له مشروب والضيق كاسه
والناس غرقى بين عاشق ومعشوق=والموت حارس لكن اية حراسه
العيد والبسمه بالاحزان مرفوق=والضيق يا قوه ويا قو باسه
غنيت لآلامي من الجوف طاروق=يوم العنى فصل لي اخر لباسه
قلبي معى ضيقة لحاسيس مخلوق=من عادني طالب بصف الدراسه
واليوم قلبي ذاب في كل معلوق=اصبحت انا المطلوب يا اهل الفراسه
من عقب ما كنا على كل شاهوق=قامت تناتفنا يدين النجاسه
انا اشهد ان الجرح يا ناس مرموق=يروي هوى راسي ويكوي عماسه
ابغى ابارك بس يخنقني الشوق=(مبروك) بحروف الشقى والشراسه
صار الفرح في داخل الروح مخنوق=يا وين ابا القى بين ذا الخلق ناسه
فقر والم يفتح على غاربي سوق=حتى غديت انا دعاية مقاسه
ما حد معي سابق ولاني بمسبوق=ما دمت اسطر ذكريات البآسه
ثم قمت اردد كل مطرود ملحوق=واللي لحقته جاه ضيقي وحاسه
عرفت للحق اتجاه وله حلوق=والعز باقي في علوه قياسه
والغيم لا من ثار في جوفه بروق=ماهو لزوم يهل دمعة حواسه
ابثها بسمي على كل منطوق=(مبروك لكن) بنتشار التعاسه

المصدر: الملتقى الجماهيري للشاعر محمد بن فطيس المري

ناصر

وخآلقي مبدع

لكن مازآل هناك بارقة امل

لاهنت

الضي لا هنت على المرور والاطراء


تقبل تحياتي وخالص تقديري

ناصر


الله يسعدك ويديم حرفك الشامخ


صح لسانك ولاهنت


لك تحيه

عيوني حزينه

الله يسمع منك وصح بدنك

ولا تهون على المرورالمتواصل تقبل تحياتي وخالص
تقديري

صح لسااااانك




لاهنت

العقاب صح بدنك ولا تهون وتسلم على المرور

الرائع والمتواصل

تقبل تحياتي وخالص تقديري

ناصر الشريف قصيده شامخه بشموخ
شاعرهاا سلمت اخوي وصح الساانك
ولاهنت تقبل مروري المتواضع هنااا


شا ا ا عر ربعه

حمد الهذلي تسلم على المرور الجميل

والله لايهينك على الاطراء

وصح بدنك تقبل تحياتي وخالص تقديري

كل عام وأنت بخير عزيزي ناصر .. قصيده قويه .. وأحترم جزالتها .. أعجبني صوغك للفكره اتمنى لك قضى اسعد الاوقات وكل عام وانت بخيرر .. هذا هو نبع حرفك المعروف .. نبع الجزاله .. شكراً لك عودتنا على الجزل .. اتمنى لك دوام التوفيق .. وتقبل مروري واعجابي الشديد بشخصك الكريم .. لك تحيه طاهره كطهرك عزيزي