على صدر الزمان الي قسى وإخلف ظنون الناس,,

على صدر الزمان الي قسى وإخلف ظنون الناس,,

بسم الله الرحمن الرحيم ,,

السلام عليكم ورحمة الله وبركاته ,,

اسعد الله صباحكم ومساكم بكل خير وكل سرور ,,

اقدم لكم ابيات متواضعه وعلها تنول اعجابكم وتحوز على رضاكم ,,

على صدر الزمان الي قسى وإخلف ظنون الناس=كتبت إجمل روايه عنه وابديت اللذي خافي
نشوف انه سريع وحكمة الراجي غلبها اليأس=وبانت خملة الصاحب وضاع الصاحب الوافي
مواقيف الرجال إهل الحميه طوقة بقياس=يقولونه رجال ٍ ماتسمى غير عرافي
رسالات ٍ على وضح النقى تنشر على من داس=حقوق الرفقه الي شكلوها عدة إصنافي
تبين واضحه مكتوبة ً في صفحة الكراس=معالامهم على وضح النقى في عين من شافي
انا باصف بدايتها ولاني من بدا بالساس=عسى تاصل هقاوي من يقدم وصفه الكافي
ولا مالت رقاب الضمر الي للحمول أتقاس=تبين الصامله والهايبه من حم الاشعافي
حمولتها عزايمها ليا قادة مع الاطعاس=ولايطمع بها من هقوته في درب الانكافي
ليا قالوا يعوم البحر الاحمر ماهر ٍ غطاس=نقول إن الحقيقه عند منهو مذهبه صافي
لعل ان الليال السود ماترجع علينا شراس=وندرك بالعزوم الكايده في كل ميقافي
رجاء منهو رحل به وقتنا القاسي على الانجاس=علوم الطيب والا الطيب في حضن الزمن خافي
نعلم من غدا في عقله التفكير والوسواس=وعاش وصار في واجب جماعات الوفاء غافي
ترانا في زمان ٍ رفته مع حدة الامواس=وقالوا من يريد الخير من دون العرب جافي
هذى هو قول من قلبه على جور الزمن حساس=عقب ما جرب الي فات من وقته وله عافي

وسلامة نواظركم وقلوبكم ,, خالد العبيريد .

المصدر: الملتقى الجماهيري للشاعر محمد بن فطيس المري