( اموت واحيا ما دروا بي ربوعي )

( اموت واحيا ما دروا بي ربوعي )

السلام عليكم ورحمة الله وبركاته


اتمنا ان تنال اعجابكم ورضاكم






اصبحت والقلب الشقي فيه طعنات
ـــــــــــــــــــــ والعين طول الليل تذرف دموعي

تسمر معي نجمات وتغيب نجمات
ـــــــــــــــــــــ وأضحيت وانا مسندي راس كوعي

أقاوي العبرات بجهاد وسكات
ـــــــــــــــــــــ واموت واحيا ما دروا بي ربوعي

أكتم صواب ٍ عاش فالجوف ما مات
ـــــــــــــــــــــــــــ يخف يوم ويمتحني أسبوعي

أصامده حزات وأنهار حزات
ـــــــــــــــــــــــــ والحال مني في نزول وطلوعي

ما افادت العبره وكثر التنهات
ـــــــــــــــــــــــــــ يزيد مع كثر التنهات لوعي

جار الزمان وصابني منه وقفات
ــــــــــــــــــــــــ وانا من المقسوم ماني جزوعي

ابوح لو مابي من البوح ونات
ـــــــــــــــــــــــــــ ونات مظلوم ٍ صداها يروعي

تقطعت منها العروق الرويات
ـــــــــــــــــــــــــ وتحطمت منها صلايب ضلوعي

كني مريض ٍ علقوا فيه شاشات
ــــــــــــــــــــ وشافوا على الشاشات شي ٍ يروعي

سبة هنوف ٍ لا تنحت ولا جات
ـــــــــــــــــــــــ متعلق ٍ بين الرجاء والقطوعي

مثل العسيف اللي تعود التلفات
ـــــــــــــــــــــــــ لا جافل ٍ مني ولا هي بطوعي

أخطيت في هقوات واحسنت هقوات
ــــــــــــــــــــــ كله على شانه حسين الطبوعي

وارشف من دلال التفاكير جرعات
ـــــــــــــــــــــــــــ البن همي والتوجد قدوعي

وآخذ مع الهوجاس رحلة وسجات
ـــــــــــــــــــــ وتقطع علي الناس خط الرجوعي

يا من يبلغها جميل التحيات
ــــــــــــــــــــ واني لها يتبع ضماء القلب جوعي

قولوا لها تلحق من الحب ما فات
ــــــــــــــــــــ من قبل لا تطفى جميع الشموعي

الى متى وانا اذرف الدمع بسكات
ــــــــــــــــــــــــ ويتبع نهار السبت ليل الربوعي

تبغي تشوف أثبات فيه أكبر أثبات
ــــــــــــــــــــ خضعت وانا ما عرفت الخضوعي

وقبل آعرفها ما اعرف كيف عبرات
ــــــــــــــــــ واليوم لأدنى شي تسكب دموعي










وسلامتكم

المصدر: الملتقى الجماهيري للشاعر محمد بن فطيس المري

وقبل آعرفها ما اعرف كيف عبرات
ــــــــــــــــــ واليوم لأدنى شي تسكب دموعي












الله الله
ياجعل دموعك مآتنسكب الا بخشوعك لخالقك
صح لسانك يامحمد
عارف شهادتي فيك والكلام لايزود ولاينقّص
تحياتي لك

اقتباس المشاركة الأصلية كتبت بواسطة waleed وقبل آعرفها ما اعرف كيف عبرات ــــــــــــــــــ واليوم لأدنى شي تسكب دموعي الله الله ياجعل دموعك مآتنسكب الا بخشوعك لخالقك صح لسانك يامحمد عارف شهادتي فيك والكلام لايزود ولاينقّص تحياتي لك

ويااك فديتك


والله يصح بدنك والله لا يهينك وجودك اكبر شهاده وفخر

سبة هنوف ٍ لا تنحت ولا جات
ـــــــــــــــــــــــ متعلق ٍ بين الرجاء والقطوعي

مثل العسيف اللي تعود التلفات
ـــــــــــــــــــــــــ لا جافل ٍ مني ولا هي بطوعي




ولله كنك تطل في جوفي يامحمد


صح الله اللسانك مدد بلا عدد

اقتباس المشاركة الأصلية كتبت بواسطة شآسع المري سبة هنوف ٍ لا تنحت ولا جات ـــــــــــــــــــــــ متعلق ٍ بين الرجاء والقطوعي مثل العسيف اللي تعود التلفات ـــــــــــــــــــــــــ لا جافل ٍ مني ولا هي بطوعي ولله كنك تطل في جوفي يامحمد صح الله اللسانك مدد بلا عدد

ههههههههههههههههههه ما وطاك وطاني



الله يصح بدنك ولا يهينك

جار الزمان وصابني منه وقفات
ــــــــــــــــــــــــ وانا من المقسوم ماني جزوعي


يعطيك الف عافيه
على القصيده الرائعه
التي فيها كثير من ا لمعاني وكثير من الوقفاات

شدتني حيل اشكرك عليها

اقتباس المشاركة الأصلية كتبت بواسطة علمتني الحياه جار الزمان وصابني منه وقفات ــــــــــــــــــــــــ وانا من المقسوم ماني جزوعي يعطيك الف عافيه على القصيده الرائعه التي فيها كثير من ا لمعاني وكثير من الوقفاات شدتني حيل اشكرك عليها

هلا وغلا علمتني


الله يعافي قلبش ولا يهينش على الحضوووور

قولوا لها تلحق من الحب ما فات
ــــــــــــــــــــ من قبل لا تطفى جميع الشموعي



ولا يهمك أقووولها ......>وش لقفك

مو غريبه منك الابدااع ..قصيده رائعه ..
ياخوي دووووم الابداع إن شاءالله

اقتباس المشاركة الأصلية كتبت بواسطة فيني شقاوة الأطفال قولوا لها تلحق من الحب ما فات ــــــــــــــــــــ من قبل لا تطفى جميع الشموعي ولا يهمك أقووولها ......>وش لقفك مو غريبه منك الابدااع ..قصيده رائعه .. ياخوي دووووم الابداع إن شاءالله

يا مال السلامه والعافيه عز الله بتسوين خير



هلا وغلا الابدااع والذوووق حضووورش

وقبل آعرفها ما اعرف كيف عبرات
ــــــــــــــــــ واليوم لأدنى شي تسكب دموعي

الله عليييك شاعري المميز صح لساااانك وربي قصيده
في قمه الرووووعه والجمااال ..

ربي يعطيييك العافيه يالمبدع ..

لك ودي ..