مجارآتي لبن أفطيس

مجارآتي لبن أفطيس

السلام عليكم ورحمة الله وبركاته
يسعدني الانضمام لهذا المنتدى الراقي
وهذه اول مشاركة لي وهي
قصيدة مجاراة للشاعر المميز محمد بن فطيس
قرأت قصيدته قبل فترة واعجبتني وجاريتها بابيات بسيطة
والمعذرة اذا فيه اخطاء املائية
وأرجو من الأدارة توصيلها له
وإبلاغي بذلك

ابن فطيس يقول

خليفة عزمني عبر جوال اخوي سعود=وخليفة دروب الطيب نهجه وسيسانه
من ال الصباح وذكرهم مع هبوب النود=وتاريخهم ما ينكره كون عدوانه
وانا أغلي سعود وحاسبه مثل اخوي العود=سعود الفهد والطيب يمشي بشريانه
صديقٍ صدوق ورفقته كل يوم تزود=ما هي رفقة اللي لا التفت صاحبه خانه
قبلت العزيمة ود ماقصدي المردود=خليجي وفي داره ومن بين صدقانه
انا ما اعترف ان بيننا فالخليج احدود=هذا خال هاذولا وذولاك جدانه
واعرف ان جمهور الشعر فالكويت احشود=يعرفون قدر الشعر معناه والوانه
اعز الكويت وشعبها والقلوب شهود=ونفسي لراعي الطيب ما هي بخوانه
مواقف قبايلها معي موقفن محمود=صغير وكبير الشعب حضره وبدوانه
وموقف جماهير الشعر ما هو بمجحود=لو الود ودي اشكر الكل باذانه
ولا اسج من ربعي هل الموقف المشهود=بعضهم فضى الرشاش في سكف ديوانه
عسى الله يمن داركم والسلام يسود=وعسى الله يرحم جابر وتبرد اكفانه
عسى الله يجملني وجودي من الموجود=وتلقون عندي ما حضرتوا على شانه
قصيدن يونسكم ولا يقرب المنقود=قصيدن على ساس الادب قام بنيانه
مهو صف حكى ما لقى من حكى به فود=تسامج معانيه وتنقد على اوزانه
على كل صفحة صورته واقف وممدود=طموحه يحفظ الناس شكله وقمصانه
قصيدن احلاه شوي ومكرر ومعيود=دبل كبد جمهور الشعر طولة لسانه
تبنة ضهوره شلته واعلنت مولود=تلمع له اخدوده وتكحل له اعيانه
اتلفق لقاءاته بقصد النوايا السود=وعن آخر جديد افلان تستفسر فلانه
فلانه سكرتير المجلة ابو محمود=يضلل عقول الناس بافكار شيطانه
يحطون للشعر الصحيح العفيف قيود=والي خافوا الشاعر يقصون جنحاته
يقولون ما جانا على ما نشرت اردود=ومكاتبهم بكثر الاشادات مليانه
والي جاهم اللي ما له الا الله المعبود=يقولون سكرنا عددنا وبيبانه
والى جاهم اللي تسبقه واسطه ورود=يقولون بطلنا عددنا وعمدانه
لكن وقتهم ولا ولا ضنتي بيعود=وبيت بنوه بظلم ما دامت اركانه
ظهر للشعر عزة ومفتاحه المفقود=بعدما انسجن كم عام في جوف زنزانه
وترى اللي بيزعل يعتبر نفسه المقصود=على شان يدرون العرب وين عنوانه

وهذي مجاراتي لابن فطيس

على شان قافً ينعش اقلوب ثم اكبود = من الشاعر اللي ماحلا ورد بستانه
من المري اللي دايماً بالجزل معهود = الى من قنص للصيد ياخذ من اسمانه
ابن افطيس له عدً لحاله وفيه اعدود = يشرب من ازلال العد ويخلي اركانه
هيضني وجاريته على قافه المعدود = وعسفت المهار اللي للعساف فتانة
وجتني هواجيس الشعر ضامية وورود = وصدرتها باعقاد لوله ومرجانه
ترى اللي تقوله يابن الاجواد صح وزود = نطقت وصدقت بربع ياليل يادانة
عليهم عليهم ودنا نشعل البارود = ونحرر اسيراً مايبي غير خلانه
ترى الشعر من مدة شكا حظه المقرود = من اسباب ناسً للشعر مابها امانة
ياكم عملتً تزييف، ابطت واكلها الدود = لكن الذهب لصلي مايبطي بدكانه
وانا اشوف لي مستشعرينً يجون اوفود = ويصلون شرق بفرض ماتكمل اركانه
ويقولون حنا اللي رفعناه بالعمود = وهم سوستً قد لوثت باقي اسنانه
ترى وقتهم ولى وجا للقصيد اسود = عقب جات ناسً بالحداثات عميانة
ودربً مشوا به صار بوجيههم مسدود = مركبهم غرق فالبحر ثم مات ربانه
ياكثر الفحول اللي على الشعر مثل الطود = قد عافوه سبة من تلووا بكرعانه
مير الحين جاو وولعوا شعلة العبرود = ومن يحتزم بالخوص يعميه دخانه
ويسلون سيفً ساطياً صاملً مجرود = رهيفً يشيل الراس من عالي امتانه
وترى اللي بيزعل يعتبر نفسه المطرود = من الشعر ، موروثه، ونهجه ، وميدانه

وسلامتكم

وتقبلوا فائق الود والاحترام

المصدر: الملتقى الجماهيري للشاعر محمد بن فطيس المري

قصيده جميله
ومجاااراااه لشااااعر فذ

تسسسسسسسسسسلم
وصح اللسااانك

وأنت سالم إخي الكريم
صح لسانك
ومرحبا بك هنا معنا


تحيتي لك ..

صح لسانك .. أخوي فهد الدوسري .. بانتظار الجديد دائما .



تحياتي .

ابوفارس

صح لسانك وفالك التميز والابداع

مجاراه قد لا اكون كفاءا لتقيمها لكن حسب قدراتي اعتبرها جدا مميزه

اتمنى لك التوفيق اخوي الكريم

تحيااااااااااااااتي

يـسَلموَو يــآالغلآ عٌ القٌصِيدٌهِ آلرآئعِ
..
.
ღ ودَيِ ღ

ღ