انا ضعيف الله ماني ضعيفك

انا ضعيف الله ماني ضعيفك

ذبلت ورود العشق يطّين لاباس=لايزعل عروق المحبة خريفك
نحر السما ضامي والارياق يباس=من ساع ماشلت رجيلك رديفك
اقفيت والي لاحقك قلب عساس=ياوين مابتحل بيحل ضيفك
لك وحشة الدله على من به عماس=ولك زي جوع النحل والزهر طيفك
صوتك بذاكرتي على الفكر هوجاس=وصورتك في عيني ومبطي مشيفك
ابكيتني ياعز مخلوق في الناس=وانا ضعيف الله ماني ضعيفك
سافرت بحلامي الى ارض تكساس=ومن يوم ماقفيت ضيعت ريفك
وعودتبي صوب المذله والانجاس=لابارك الله فيك واانا وليفك
ياليتني حيوان ماعندي احساس=من شان تجرحني على كيف كيفك
لاكن كذا ماتدري اني ابن عباس=جدي مربيني على العز حيفك
ربعي هل النخوات لاحجر الباس=ولا انت ربعك ماتزبن رغيفك
جعل الردي يفداك ماني بمحتاس=انا ضعيف الله ماني ضعيفك

وسلامتكم ............

المصدر: الملتقى الجماهيري للشاعر محمد بن فطيس المري

ياليتني حيوان ماعندي احساس

محشوم يابعدي وصح السانك يا بن عباس ونعم بجدك

بنتظار المزيد يالغلا تشكري

حياك يامبارك
وصح بدنك وبعدين وش تشكري؟؟؟؟ ارفعها طال عمرك
والنفس ماعلاك منها رفيعه من ناحية اقتباسك

ياليتني حيوان ماعندي احساس
من شان تجرحني على كيف كيفك

قويه جدآ ..
صح لسآنك.. ياابن عبآس

جعل الردي يفداك ماني بمحتاس
انا ضعيف الله ماني ضعيفك

صح لسانك على الابيات
الا البيت 9 ماجاز لي واحس ان ماله مكان فالقصيده بس نحترم رغبتك

صح لسسآآنك

تقديري لك

كفو كفو كفو يا ابو علي

صح لسانك والله يعطيك العافيه على هذا الابداع

تقبل تحياتي وخالص تقديري

رمق حياش الله والله لايهينش المرور العطر

المطنوخه حياش الله
واما من ناحية معجبش يادكتوره غسان
فهذا شي لايخصني

صح بدنك يامارس