تعال وضيّق عيون الحسود وخفف اعبائي ))

تعال وضيّق عيون الحسود وخفف اعبائي ))

من اجلك يالوليف اللي سكنت بساحة أحشائي=سجد حبر القلم فوق الورق من دون تسليمه
سلامي لك سلامن هز قلبي داخل ارجائي=ومن تحت السلام ارسلت لك من خافقي غيمه
يهيضني على وصفك حروف الشوق وايحائي=وسينك من ورى حدب المحاني يشتعل جيمه
كتبت اسمك وزخرفته غلا في كل الاحيائي=وغيرك ماكتبت اسمه على صيوان في خيمه
تعال وضمد اشواقي وحدد وجهة آرائي=سنيني دون وصلك يشهد الله مالها قيمه
جعل يفدونك اصحابي قبل يفدونك اعدائي=ويفداك العذول اللي ماعد له عندنا شيمه
تعال وضيّق عيون الحسود وخفف اعبائي=وسولف لي عن أحوالك مع براد تلقيمه
تعال وخل حائك يشتبك بالغصب في بائي=عشوقٍ ماعشق شرواك ياوجده وياضيمه
تعال وظمني ظمة غلا بعيون عميائي=ووفر للقلوب الميته لو ربع تحشيمه
أحبك عد مالاحت على كتفيني اخطائي=واحبك كل ماتسجع حمام الورق ترنيمه

المصدر: الملتقى الجماهيري للشاعر محمد بن فطيس المري