انا عن احساسي وذاتي مغرّب

انا عن احساسي وذاتي مغرّب

بسم الله الرحمن الرحيم


وصلتني الابيات التاليه برسالة على جوالي من شخص عزيز علي هو ليس بشاعر


ولكن إحساسه يفوح بمعنى الأبيات.. ولا أعلم الى الآن لمن هذه الابيات:

سلام يا السبع الجسور المعرّب
سبعٍ عنيد ولابته كلها سباع


مبطي على عسف الصعايب مدرّب
بالمرجله والطيب له باع وذراع


يا عزوتي تبقى الخوي المقرّب
على النقا ما هي تجارات واطماع


يا الذيب ياللي بالصعايب مجرّب
للروح من دون المواجيب بياع


يوم الردي شوفه من الخوف سرّب
تقدم كما يقدم عديمٍ الى جاع


يحرم علي من خوتك ما تهرّب
لا والذي زم السما وانزل القاع


جيتك على سرج الاصيل المكرّب
آمر تراني يابن الاجواد مطواع

(شاعرها غير معروف)

فجاء ردي:

أنا عن احساسي وذاتي مغرّب
فكري سجين بجو الاحزان ملتاع


مار ارحب ارحب يالطليق المعرّب
ياللي وجودك للتعاسات نزّاع


فنجال شاعر بالحقيقة مشرّب
ينساق للي في مدى الجود رباع


يادار منهو عن ربوعه مهرّب
العزعندك ياسنا الجود ركّاع


ياشوق غروٍ بين ناسه مطرّب
يزهى الدلال ولا اعذب الهرج سمّاع


قدرك عزيزٍ للحنايا مشرّب
وصدرك ربيعٍ للوفين مرباع


البيت لا اوجس قاطر الما تكرّب
وشرواك خيّر عن مباديه ما ضاع

عمر عبدالمحسن

المصدر: الملتقى الجماهيري للشاعر محمد بن فطيس المري

صح لسانك اخوي وسلمت من كل شر
قصيده روعه ورد اروع تسلم الايادي

يا هلا مرحبا فيك شاعرنا عمر
وصح الله لسانك على الرد الجزل وبيض الله وجهك ي القرم
تقبل مروري المتواضع+تقيمي
أخوك عامر الشنيف

صدى ولاااااااااااااا أروع
صح لسانك حتى الرضى
لقد قرأت شعرا تقبل تحيتي وتقديري
ترانيم

اخوي صح الله لسانك وعاشت ايامك
قصيده جزله من شاعر جزل لاعنت

ياسلامي عليك

ابدااااااع

وصح لسانك ياعمر

ولاهنت طال عمرك

اخوك فزاع العتيبي


.

صح لسانك يا عبد الرحمن

مجاراه رااااااائعه للغايه

وشاعر متمكن


تسلم يمينك ولاهنت

اشكر الجميع على كرم الحضور وعذب الثناء

قرأت كل الردود بتفاصيلها