ردٍ على الاخ شونق ونق

ردٍ على الاخ شونق ونق

بسم الله الرحمن الرحيم

مساكم هيل عداد السيل أتواصل وياكم واخي

اخي العزيز الذي رمز اسمه شونق ونق والحقيقه

انه لم يلتزم بقوانين المنتدى وهذا الشي عايدله ودارة

المنتدى ولولا احترام القوانين مارايح يعرف اسمي

الا بكيفي والحقيقه أني اعرفه جيداًوعشرة أنعام فيه
وفي قبيلته




كل ماهاجت هواجيسي خذتبي مع خريمه
من جنوب ارض العراق الى حدود بلاد يامي

كل ماخايلت في لليل الدجاء براق غيمه
قلت باعزم على الطرقه وباسوق الجهامي


ودي أشوف الفياض اللي سقاه الله بديمه
بس ردتني عن الطرقه مثورة العسامي

رغبتي جو الخلا والقيض حاديني جحيمه
تدري أني قد بغيت أموت في شهب المضامي

ماقشر من الصبر لاالرجال لأمن زل تيمه
لا الصديق والا الرفيق اللي يشدبه الحزامي

الجمل سمي جمل لاشك في راسه صريمه
باركٍ للحمل واصبح لا لهود ولاسنامي

السعاده في بطون مايخاطيها وليمه
يسرحون ويمرحون الوقت بالصحون الكرامي

نارفقرك خير من منان تنعم في نعيمه
ٌ *والتواضع يابن ادم ماينقص لك مقامي

ماهضمت اهل النميمه واعساهم بالثليمه
والوفا والصدق طبعي واضرب المسمار حامي

الله الله وسط ثوب الستر جعل الله يديمه
وأخذ العبره من اللي باليمن وطراف شامي

والخفايا خافيه والغيب في دبرة عليمه
مابغيت ابحر يطول الهرج ويقل احترامي

اعترف لك واعتذر لك من قبل سينه وجيمه
ماقصدنالك نقيصه ي الحشيم بن الحشامي

كان ودي ياطويل الباع ياملا الغنيمه
تقدح المشهاب بالمرقاب وتموط اللثامي

المصدر: الملتقى الجماهيري للشاعر محمد بن فطيس المري

نارفقرك خير من منان تنعم في نعيمه
ٌ *والتواضع يابن ادم ماينقص لك مقامي

بيت يعلق على جدار الابداع ,,

ياهلا ومرررحبا يابو محمد حيااك الله ,,

صح الله لسااااااانك وصح قلبك وكلك ولاهنت قمه من راس قمه ماشاء الله تبارك الله ,,

كل الشكر والتقدير لك على هالرد الجززل ولاهوب غريب منك يالقرم .

مرحباً مليون اخي خالد جعلك حي وغني
والله يخليك لعين ترجيك ويحفظك من كل سو
ومكروه تحياتي وصادق ودي ولاهنت

صح لسانك ياسعيد القحطاني وبيض الله وجهك

بيض الله وجهك .. وجمل حالك ..

صح لسانكـــ

المطنوخه ياهلا وغلا جعل ربي يبيض وجهك
وشكرا على مرورك ولاهنتي

فراشه ياهلا وغلا اختي مشكوره على مرورك
الجميل ولاهنتي

عبقري ياهلابك اخوي صح بدنك ولاهنت

صح لسانك ياشاعر الإبدآع ..
يعجبني حرفك كثير .. أحس أنه السهل المًمتنع ,

ودي ,