ودعي لها وسال المولا يوفقها

ودعي لها وسال المولا يوفقها

السلام عليكم ورحمه الله وبركاته
بيوتات كيبوردية عسى ان تنال اعجابكم واستحسانكم وهي تعبر عن نفسها

[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]

المهره اللي من الاعماق عاشقها= خلاص من اليوم ماتطري على بالي
خلاص قررت اوادعها وافارقها= (من يوم حطت لها نتٍ وجوالي )
وبلم جملة رسايلها وشققها= وذرها فوق رجمٍ نايفٍ عالي
ودعي لها وسال المولا يوفقها= وتلقا لها بين كل الناس رجالي
ياتي على شفها ولاهو يضايقها= وتدله وتنسى بزمنها كل غربالي
هذا اعتراف شاعرٍ من قلبه اعتقها=وعساه يلقى بدلها بكل الاحوالي
من روس قومٍ على العليا بيارقها= اهل الوفاء من قديم الوقت والحالي
شروى شيخٍ دروب الطيب يطرقها= فزاع شيخ العروبه حامي التالي
أخيكم :بدر الشدادي

المصدر: الملتقى الجماهيري للشاعر محمد بن فطيس المري

ارحب يبدرصح الله لسانك وبيض الله وجهك
قصيده جزله بلاشك من شاعر مايوجه سلاحه
الا على الهدف ولايزمه ولا يقصر دونه حتى لو ماحصل
ذالك ي اخ بدر ترا يستفيد منه اللي تجهله هذاه
الامور الف شكر لك انني محضوض بقرأة هذا
النص الرائع من شاعر لا ينثر على صفحت الشعر
الا كل الروائع حجز اولي لي الشرف تقبل تحيات
وتقدير واحترام اخوك سعيد ولاهنت

البقى يالمرحب وارحب مليار يابومحمد صح بدنك وقلبك ومنور الموضوع ياغالي وهذي شهاده اعتز فيها للامانه لانها جاتني من شخص عزيز وغالي على قلبي وجهك ابيض ياسعيد واشرف لي طال عمرك والله يجمل حالك ويكثر من امثالك يالقرم
تحيتي لك

صح لسآنك اخوي بدر
ابيات رائعه وقمه فالجمال
وهذا مو غريب ع شاعر مثلك
الله يحفظك يآرب
لك مني تقييم وتستاهله

ارحب مليون يالماسه صح بدنك وقلبك منورة الموضوع و الاروع مرورك والجمال اكتمل بتواجدك هنا لاهنتي ولاهان من على طيب رباك
تحيتي لك

صح لسانك واعتلا شانك
حبيت أقتبس بيت عجبني
لكنك قلت كيبورديه وخفت
يضايقك أقتباسي
أبيات راقيه وشاعر مميز
قلما ينبض شعرا ومتصفحه له رونقه الخاص
ت ق ي م ي

اقتباس:
المشاركة الأصلية كتبت بواسطة سحابة الطائف [فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]
صح لسانك واعتلا شانك
حبيت أقتبس بيت عجبني
لكنك قلت كيبورديه وخفت
يضايقك أقتباسي
أبيات راقيه وشاعر مميز
قلما ينبض شعرا ومتصفحه له رونقه الخاص
ت ق ي م ي



ارحبي مليون ياسحابه منورة صح بدنك وقلبك وشهادة اعتز بها للامانه وابد اقتبسي اللي تبين كلها حلالك
تحيتي لك ولاهنتي

_

وعليكم آلسلآم ورحمةة الله وبركآته

ودعــي لـهــا وســـال الـمــولا يوفـقـهـا
وتلقـا لـهـا بـيـن كــل الـنـاس رجـالـي
ياتـي عـلـى شفـهـا ولاهــو يضايقـهـا
وتدلـه وتنـسـى بزمنـهـا كــل غربـالـي


يَ سلآم عليك , مميز يَ بدر
صح لسسآنك

صح لسانك يابدر ولا هوب غريب الابداع على شاعر مثلك وشرواك , فالك التوفيق , وتقبل تحياتي

صح السانك اخوي بدر شاعر جزل ومبدع
ابيات قمه من اعماق قلب رجل شرقي


...



اجل حتى حنا يالبنات بنحرم نتزوج من واحد معه جوال ونت

تقيييمي